Elorda men Ystanbul arasynda qatynaıtyn ushaqtar kúnine eki ret jolaýshy tasymaldaıtyn bolady. Bul týraly Azamattyq avıasııa komıtetiniń baspasóz qyzmeti habarlady.
«Azamattyq avıasııa komıteti Nur-Sultan qalasy men «Astana» halyqaralyq qarjy ortalyǵyna qatynaý múmkindikterin arttyrý úshin túrli sharalar qabyldaýda. Bıylǵy maýsym aıynan bastap «Eır Astana» áýe kompanııasy Nur-Sultan - Ystanbul arasyndaǵy áýe reısteriniń sanyn aptasyna 5 retten 6-ǵa kóbeıtedi. Qosymsha reıster A320 kemeleri arqyly júzege asady», delingen taratylǵan aqparatta.
Komıtettiń habarlaýynsha, shilde aıynan bastap túrkııalyq Turkish Airlines kompanııasy eki qala arasyndaǵy áýe reısterin aptasyna 5 retten 7-ge arttyrýdy kózdep otyr. Osynyń nátıjesinde atalmysh qalalar arasyna qatynaıtyn ushaqtar aptasyna 13 ret jolaýshy tasymaldaıdy.