Iаǵnı, joba aıasynda bıylǵy 13-22 maýsymy aralyǵynda elimizdiń barlyq óńirlerinde 7 men 13 jas aralyǵyndaǵy balalar arasynda irikteý kezeńderi ótedi. О́nerpazdardy tańdaıtyn, daıyndaıtyn kásibı óner adamdary, tanymal ánshiler aldyn ala bekitilgen.Án, óner baıqaýyna qatysý úshin kastıngke oblystyń barlyq aýyl, qalalarynan ónerli balalar keldi.
- Olardyń barlyǵy da talantty, - deıdi án baıqaýynyń qazylar alqasy. Biraq, óner baıqaýynyń sharty boıynsha «Bala daýysy – 2019» baıqaýynyń kezekti fınalısi bolyp óńirden bir ánshi ǵana tańdalýy kerek.
Ánshi Arman Qońyrdyń aıtýynsha, bul óner baıqaýy elimizdiń barlyq talantty balalaryn jınaıdy. Pavlodardaǵy baıqaýǵa 100-ge jýyq bala qatysyp óner kórsetti. Bastysy balalar oryndaǵan ánder-ár júrekten oryn taba bilýi tıis.
- Ár óńirdiń mindeti-daryndy balany tabý. О́ıtkeni, óńirlerde talantty balalar az emes. Bizdiń jobanyń maqsaty- osy talanttardyń jaryqqa shyǵarý- ,deıdi prodıýser, ádil qazylar múshesi Farıda Nııazova.
Bıyl óńirlerdegi án tyńdaý formaty ózgerdi: endi zalda án oryndaýshylardyń barlyǵy da, ata-analary da birge kóre alady. Bul talantty balalardyń biri-birine degen jaqyn bolýyn, baıqaýǵa daıyndyq barysynda bir-birimen tanysyp, aralasýyna jaqsy múmkindik beredi.Án jobasyna qatysqan júzge jýyq balanyń arasynan ádilqazylardyń tańdaýy 6 synyp oqýshysy Shyńǵys Asyǵatulyna tústi.
Shyńǵys oblys ortalyǵyndaǵy Y.Altynsarın atyndaǵy daryndy balalarǵa arnalǵan gımnazııa – ınternatynda oqıdy.
- О́zimniń avtorlyq ánim astanamyz – «Nur-sultan». Sózi men áni Asyǵat Turǵanbekov, ákemdiki. Ekinshi aıtqan ánim – ol fransýz tilinde «Pardon Mýa» aýdarmasy aıtqanda «Keshir meni», Mıreı Mateniń repertýarynan. Úshinshi ánim – «Show Must Go On», Queen tobynyń repertýarynan,- deıdi Shyńǵys.
- Pavlodar óńiri jeńimpaz órenderimen belgili. 2016 jyly jergilikti dýet Gran-prı alsa, 2018 jyly 2-oryndy Anastasııa Mıhaılıýk aldy. Sizderde kún sýyq bolǵanymen, balalar daýysy jylylyq shashady. Ekinshi jyl alǵashqy oryndardy alýda,-deıdi prodıýser Farıda Nııazova.
Endi Shyńǵys Asyǵatuly 25 men 27 qazanda Almatyda ótetin fınalda oblys atynan óner kórsetedi.
Pavlodar oblysy
Sýretti túsirgen Olga Býgaeva