Túrkııaǵa qaıtyp kelisimen pikirlerimdi sol kezeńniń premer-mınıstri T. О́zalǵa da, Mınıstrler keńesine de, qoǵamǵa da jetkizdim. T. О́zal «KSRO-ǵa baramyz, tórt kúnim bar, eki kún Reseıde bolamyn, eki kúnin seniń respýblıkalaryńa (sol kezde solaı degen edi) bólemin, (túrki respýblıkalardyń ishinen) ekeýin tańda», dedi. Áýeli «bárine barýyńyz kerek» dep qarsylyq kórsettim. «Ýaqytym joq» degen soń «Qazaqstan men Ázerbaıjan» dedim. Ázerbaıjandy bir áńgimesinde «olar shııt, biz súnnıtpiz» dep renjitip alǵan edi. Sondyqtan, baryp kóńilin tabý kerek boldy. Bardyq, shynymen de baýyrlastyq sezim bastaý aldy. Qazaqstannyń mańyzyn túsindirdim. Ol da N.Nazarbaevtyń qadirin jaqsy túsindi.
Sodan keıingi jyldary jıi-jıi Qazaqstanǵa baryp turdym. N.Nazarbaevpen de kóp kezdestim. Onyń halyqqa nemese teledıdar kórermenderine sóz sóıleýlerin kórdim. Alǵash kezdesýimizdegi ońdy kózqarasym jyl ótken saıyn arta tústi. N.Nazarbaevtyń basshylyǵynda Qazaqstan tek Azııanyń ǵana emes, dúnıe júziniń jarqyraǵan juldyzyna aınaldy. Búgin kúlli jer júzi ony moıyndaıdy.
Elbasynyń ǵylymǵa úlken mán berýi men úshin eń mańyzdy qasıetteriniń biri boldy. Shetelde bilim alyp, elderine qaıtyp kelip jatqan qazaq jastarymen qatar, Astanada ashylǵan joǵary bilim berý oshaqtary Qazaqstan bolashaǵynyń kepili. «Bolashaq» baǵdarlamasynyń atynyń ózi qandaı keremet.Túrkistan qalasynda Ahmet Iаsaýı ýnıversıtetiniń Nursultan Ábishulynyń bastamasymen qurylýynyń ózi onyń túrki áleminiń tarıhı tamyrlaryn tereń biletinin kórsetti. Ahmet Iаsaýı ýnıversıtetiniń ataýy «Qoja Ahmet Iаsaýı atyndaǵy halyqaralyq qazaq-túrik ýnıversıteti» bolyp ózgertilgen soń, sonda júrgizgen on tórt jyldyq jumysymda qashanda N.Nazarbaevtan qoldaý kórip otyrdym.
Búgingi tańda Túrkistan qalasynyń Ońtústik Qazaqstannyń oblys ortalyǵy bolyp, al oblys ataýynyń Túrkistan bolyp ózgertilýi men úshin áli de tús sııaqty. Osy turǵydan Elbasynyń aldynda bas ıip qurmetimdi bildiremin. Mundaı isterdi tek danyshpan kóshbasshylar ǵana jasaı alady. Kishkentaı Aqmola kentin Astanadaı dúnıe júziniń eń ádemi qalasyna aınaldyrý úshin de Nursultan Nazarbaev syndy uly tulǵa bolý kerek edi, solaı boldy da.
«Astana» elorda degen maǵyna beredi, al oǵan qalanyń negizin qalaýshynyń atyn berý qazaqtyń ulttyq ulaǵatyna saı sheshim boldy. Nur-Sultan qalasyna duǵaı-duǵaı sálem...N.Nazarbaev taǵy da tańǵaldyrdy. Eshkim kútpegen qadam jasady. Jer júziniń jarqyraǵan juldyzy Qazaqstandy bolashaqqa odan da jarqyn el retinde jeteleý úshin prezıdenttik laýazymynan bas tartty.
Senat Tóraǵasy Qasym-Jomart Toqaev osy laýazym úshin durys tańdalǵan tulǵa. Ishki jáne syrtqy saıasattaǵy tájirıbelerimen, zııalylyǵymen, syıly adal bolmysymen kópshilikke tanymal. Toqaevtyń Nazarbaevtyń janynda óskendigi, kóp jyldan beri birge jumys istegendigi de Qazaqstannyń baǵy. Burynnan beri aıtyp kele jatqanym: Nursultan aǵamyz tek Qazaqstannyń Prezıdenti ǵana emes, Túrki áleminiń de qurmet tutqan basshysy. Endigi kezekte kúndelikti sharýalardyń júginen bosap, kúshi men ýaqytyn osy máselege de baǵyttaıdy dep oılaımyn. Nahchyvanda bas qosqan Túrki tildes memleketter basshylarynyń sammıtinde Nazarbaevtyń dem berýimen qurylǵan Túrki keńesin alǵa jeteleý úshin de osy úlken qadamdy jasaýǵa sebepker bolǵan tulǵanyń qamqorlyǵy jalǵasady, onyń yqylasy nátıjesiz qalmaıdy dep senemin.
Álemdik dinder sezi de N.Nazarbaevtyń adamzat úshin jasaǵan úlken isteriniń biri. Dinderdi adamzatty bóletin emes, biriktiretin qurylymdar jaǵdaıyna jetkizý úshin bul jumystyń da mańyzy orasan zor.
Osyǵan uqsas jumystar úshin de ýaqyt bóletin N.Nazarbaevty tek Túrki áleminiń ǵana emes, jalpy adamzatty beıbit ómir súrýge jeteleıtin kóshbasshy dep oılaımyn.
Sózimniń sońynda N.Nazarbaevqa, Q.Toqaevqa, barlyq Qazaqstan halqyna ıgilik, densaýlyq, amandyq, jetistikke toly uzaq ǵumyr tileımin.Namyk Kemal ZEIBEK,
Túrkııanyń burynǵy Mádenıet mınıstri