• RUB:
    6.68
  • USD:
    520.93
  • EUR:
    609.07
Basty saıtqa ótý
Sport 14 Maýsym, 2019

Eýropa oıyndary bastalady

615 ret
kórsetildi

21-30 maýsym aralyǵynda Belarýs astanasy – Mınskide II Eýropa oıyndary ótedi. Osy básekeler barysynda 50 memleketten kelgen 4 myńnan asa óren 15 sport túri boıynsha 199 júlde jıyntyǵyn sarapqa salady.

Aıtýly jarystyń tusaýy osydan tórt jyl buryn Ázerbaıjannyń bas shahary – Bakýde kesildi. Qart qurlyqta tuńǵysh ret uıymdastyrylǵan keshendi dodanyń jalpykomandalyq esebinde 164 júlde (79 altyn+40 kúmis+45 qola) oljalaǵan Reseı quramasy kósh bastady. Ekinshi jáne úshinshi oryndardy Ázerbaıjan (21+15+20) men Ulybrıtanııa (18+10+19) ıelendi. Sondaı-aq úzdik bestiktiń qata­ryna Germanııa (16+17+33) men Fransııa (12+13+18) qosyldy. Esterińizge sala ke­teıik, Kaspıı jaǵalaýynda ótken jarys­ta 50 elden kelgen 5730 óren 30 sport tú­ri boıynsha 253 júlde jıyntyǵy úshin saıys­qa túsken edi.

Al II Eýropa oıyndarynda básekeler akrobatıka, aerobıka, badmınton, basketbol (3h3), batýtpen sekirý, boks, velosport (shosse, trek), grek-rım kúresi, dzıýdo, erkin kúres, eskek esý, jaǵajaı fýtboly, jeńil atletıka, karate, kórkem gımnastıka, nysana kózdeý, sadaq atý, sambo, sporttyq gımnastıka, stend atý jáne ústel tennısinen ótedi.

Sońǵy jańalyqtar