Áshkere bolǵan is

Seısenbi, 4 maýsym 2013 2:43

Qazaqstannyń quqyq qorǵaý organdary qazir Muhtar Ábilázovtiń BTA bank qarjylaryn urlaý, uıymdasqan qylmystyq top quryp, oǵan basshylyq jasaý, qylmystyq jolmen alynǵan tabystardy jasyryp, ony syrtqa asyryp jiberý jáne bank qarajatyn zańsyz paıdalaný faktileri boıyn­sha qylmystyq isterdi tergeýdi jal­ǵastyryp jatyr. Bul týraly keshe Bas prokýratýranyń resmı ókili Nurdáýlet Súıindikov Ortalyq kommýnıkasııalar qyzmetinde sóılegen sózinde atap ótti.

Seısenbi, 4 maýsym 2013 2:43

Qazaqstannyń quqyq qorǵaý organdary qazir Muhtar Ábilázovtiń BTA bank qarjylaryn urlaý, uıymdasqan qylmystyq top quryp, oǵan basshylyq jasaý, qylmystyq jolmen alynǵan tabystardy jasyryp, ony syrtqa asyryp jiberý jáne bank qarajatyn zańsyz paıdalaný faktileri boıyn­sha qylmystyq isterdi tergeýdi jal­ǵastyryp jatyr. Bul týraly keshe Bas prokýratýranyń resmı ókili Nurdáýlet Súıindikov Ortalyq kommýnıkasııalar qyzmetinde sóılegen sózinde atap ótti.

2009 jylǵy 6 naýryzda Ábilázovke halyq­­­­aralyq izdeý jarııalandy. Budan bólek, oǵan Reseı Federasııasy men Ýkraınanyń quqyq qorǵaý organdary da óz elderine qatysty birqatar aýyr qylmystar jasaǵany úshin ony izdestire bastady.

2012 jylǵy aqpanda Ulybrıtanııada London Joǵary Sotynyń sheshimimen sotty syılamaǵany úshin Ábilázovke 22 aı merzimge túrmege otyrý jazasy kesilgen. Alaıda, ol An­­­glııanyń sot tóreligin oryndaýdan qashyp ketti.

Ústimizdegi jylǵy mamyrdyń 28-nen 29-na qaraǵan túnde Italııa po­­lısııasynyń Rım qalasy mańyndaǵy boljamdy turyp jatqan jerinde Ábilázovti anyqtaý men ustaý boıynsha sharalar kezinde onyń zaıyby Alma Shalabaeva men ká­­­­meletke tolmaǵan qyzy Alýa Ábilázova tabyldy.

Tekseris barysynda polısııa Sha­la­baeva­nyń Italııa aýmaǵynda Or­talyq Afrıka Respýb­lıka­­­sy­­­­­nyń «Aıan Almanyń» atyna bergen kórineý jal­ǵandyq belgileri bar pasportpen júrgenin anyqtady.

Saraptama nátıjeleri pasporttyń jalǵan ekenin anyqtady. Bul Italııada qylmystyq turǵyda jazalanatyn áreket bolyp tabylady.

Alma Shalabaevanyń óz sózde­­ri­­­nen qazaq­­­standyq azamatsha ekeni anyqtalyp, Qazaqstan Respýb­­lıka­­­­sy­nyń Italııadaǵy elshiligi jergilikti quqyq qorǵaý organdarynyń saýaly boıynsha ony rastaǵannan keıin, ıtalııa bıligi Shalabaeva men onyń qyzyn Qazaqstanǵa deportasııalaý týraly sheshim qabyldady.

Italııa prokýratýrasy polısııa áre­ketteri men deportasııalaý týraly sot aktisin zańdy jáne negizdi dep tanydy.

Tıisinshe, Shalabaeva men onyń qyzynyń quqyqtary men bos­­tandyqtarynyń Italııa quzyretti organdary tarapynan buzylǵany týraly Ábilázovtiń barlyq málimdemeleri negizsiz bolyp tabylady.

Italııalyq quqyq qorǵaý organdary Ábilá­zovti anyqtaý men ustaý boıynsha sharalardy jalǵastyrýda.

Burynyraqta qazaqstandyq quqyq qor­­­­ǵaý organdary Ábilázovtiń tý­ystaryna, sonyń ishinde Shalabaeva men onyń qyzyna is júzinde olar Qa­zaqstan Respýblıkasynda joq bolǵan kez­de ulttyq pasportty zańsyz jasaý men berý faktilerin anyqtaǵan bolatyn.

Bul derek boıynsha Atyraý ob­lystyq kóshi-qon polısııasy qyz­metkerlerine qatysty qylmystyq is qozǵaldy. Ol qazirgi ýaqytta sottyń qaraýyna usynyldy.

Búgingi tańda tergeý Shalabaevanyń atalǵan qylmysqa qatystylyǵyn tekserýde. Osyǵan baılanysty oǵan eshqaıda ketpeý týraly qolhat túrindegi bultartpaý sharasy qoldanyldy.

Shalabaevanyń ótinishi boıynsha tur­ǵy­­­lyqty jeri retinde Almaty qalasy belgilendi. Endi onyń aýmaǵynan ol tergeýshiniń ruqsatynsyz ketýge quqyly emes.

Tergeý organy onyń el Konstıtýsııasy men zańdarymen kepildengen zańdy quqyqtary men bostandyqtarynyń múltiksiz saqtalýyn qamtamasyz etetin bolady. 

Qurysh NURYMBET.