Seısenbi, 22 qańtar 2013 7:23
Elimizde turǵyndardy tegin dári-dármekpen qamtamasyz etý jyldan jylǵa jaqsaryp keledi. Memleket tarapynan osy maqsatqa bólinetin qarajat kólemi jyl saıyn arta túsýde. Aıtalyq, 2012 jyly turǵyndardyń tıisti toptaryn tegin dári-dármekpen qamtamasyz etýge 100 mlrd. teńgeden astam qarajat bólinse, onyń 37 mlrd. teńgesi ambýlatorlyq deńgeıde dárilik quraldarmen qamtamasyz etýge baǵyttaldy.
Seısenbi, 22 qańtar 2013 7:23
Elimizde turǵyndardy tegin dári-dármekpen qamtamasyz etý jyldan jylǵa jaqsaryp keledi. Memleket tarapynan osy maqsatqa bólinetin qarajat kólemi jyl saıyn arta túsýde. Aıtalyq, 2012 jyly turǵyndardyń tıisti toptaryn tegin dári-dármekpen qamtamasyz etýge 100 mlrd. teńgeden astam qarajat bólinse, onyń 37 mlrd. teńgesi ambýlatorlyq deńgeıde dárilik quraldarmen qamtamasyz etýge baǵyttaldy.
Buryndary 50 paıyzdyq jeńildikpen berilip kelgen dáriler 2012 jyldan bastap tegin bosatyla bastady. Dárigerlerdiń reseptine sáıkes tegin beriletin dáriler tizimine 48 nozologııa boıynsha 400-den astam dárilik preparattar kiredi.Qazaqstan – V jáne S vırýstyq gepatıtine shaldyqqan naýqastardy tegin dárimen qamtamasyz etip otyrǵan álemdegi sanaýly elderdiń biri.Qazirgi ýaqytta respýblıkada dárimen qamtamasyz etýdiń avtomattandyrylǵan aqparattyq júıesi engizilýde. Memleket kepildik beretin dárilik quraldardyń naýqastyń qolyna tııýin baqylap otyrý úshin dıspanserlik esepte turǵan naýqastardyń tizimin jasaý jumystary atqarylýda. Sondaı-aq, shalǵaı aýyldardyń turǵyndaryn dári-dármekpen qamtamasyz etý úshin jyljymaly dárihanalyq pýnktter ashylýda. Tegin dáriger feldsherlik-akýsherlik tirekter arqyly da berile bastady. Qazir respýblıka boıynsha mundaı tirekter sany 3 myńnan asady.* * *2012 jyly aǵzalardy transplantasııalaý, stereotaksıkalyq hırýrgııa, qaterli isik aýrýlary kezinde endoprotezdeý, júrektiń sol jaq qalqanshasynyń qosymsha qondyrǵysyn ımplanttaý sııaqty sátti otalar jasaldy. Máselen, 1979 jyldan beri aǵzalardy transplantasııalaýmen shuǵyldanyp kele jatqan japondyq áriptestermen birlesip 5 baýyr, 20 búırek transplantasııalandy. Al barlyǵy 2012 jyly elimiz boıynsha 50 búırek almastyryldy.Memleket basshysynyń tapsyrmasymen qurylǵan Ulttyq medısınalyq holdıng Astanadaǵy medısınalyq klaster aýmaǵynda ornalasqan jańa zamanaýı klınıkalardyń bazasynda «Bolashaq gospıtalin qurý» strategııalyq jobasyn iske asyrýdy jalǵastyrýda. Holdıng klınıkalarynda (Ana men bala ulttyq ǵylymı ortalyǵy, Respýblıkalyq jedel járdem ǵylymı ortalyǵy, Kardıohırýrgııa ulttyq ǵylymı ortalyǵy, Respýblıkalyq neırohırýrgııa ǵylymı ortalyǵy) hırýrgııalyq neıronavıgasııa, aǵzalardy transplantasııalaý, stereotaksıkalyq hırýrgııa, kishiınvazıvti rekonstrýktıvti hırýrgııa jáne kardıohırýrgııanyń jańa tehnologııalary qoldanylýda.2012 jyly Kardıohırýrgııa ulttyq ǵylymı ortalyǵynda júrekke 1 574 ashyq ota jasaldy, onyń 87-i biregeı otalar (49 ota júrektiń sol jaq qalqanshasynyń qosymsha qondyrǵysyn ımplanttaý boıynsha).Kardıohırýrgııa ulttyq ǵylymı ortalyǵynyń iri jetistikteriniń biri jáne otandyq medısınadaǵy serpin 2012 jylǵy tamyzda sozylmaly júrek aýrýyna shaldyqqan naýqasqa donor júregi qondyryldy.Keleshekte «júrek-ókpe» keshenin transplantasııalaý jáne jasandy júrekti ımplanttaý, sondaı-aq, kishiınvazıvti jáne gıbrıdti tehnologııalardy qoldaný arqyly joǵary tehnologııalyq kardıohırýrgııalyq jáne ıntervensııalyq aralasý josparlanýda.2012 jyly Respýblıkalyq neırohırýrgııa ǵylymı ortalyǵynda julyn maıyn neırostımýlıasııalaý, stereotaksıkalyq júıeni qoldanyp, otalar jasaý, omyrtqa jáne julyn maıyna ota jasaǵanda neıronavıgasııany paıdalaný tehnologııalary engizildi. Stereotaksıkalyq hırýrgııa hırýrgııalyq aralasýdyń kishiınvazıvti ádisi bop sanalady. Qazaqstanda stereotaksıkalyq hırýrgııanyń ádisi tuńǵysh ret engizildi. Bas mıy stereotaksıkalyq bıopsııanyń 4 otasy sátti aıaqtaldy.Qazaq onkologııa jáne radıologııa ǵylymı-zertteý ınstıtýtynda onkogınekologııalyq obyr aýrýlaryna radıkaldy laparoskopııalyq ota jasaý engizilip, 2012 jyly 15 endoskopııalyq ota jasaldy.Travmatologııa jáne ota ǵylymı-zertteý ınstıtýtynda tizeniń, jambas súıektiń endoprotezderi jáne taǵy basqa kóptegen zamanaýı endoprotezder engizilýde.
«Egemen-aqparat».