Juma, 8 aqpan 2013 7:23
«O, Jańaarqa jaınaǵan eken», dep bul jaqta eki-úsh shaqty jyl buryn bir bolǵan kóliktes áriptes daýysy tańyrqap shyǵyp, jan-jaǵyna súısine qaraılap qalǵanda aýdan ortalyǵy Atasýdyń kórikti qushaǵy ashyla bergen edi. Jıi jol túsip, jıi kórip júrgen bizge tańsyq bolmaǵanmen shynynda tamsanarlyqtaı sán-ajary kózdi úıirip, kóńildi baýrarlyq bola túsýi súıinishke súıinish qosty. Kólemi, turǵyny shaǵyn bolsa da, basqa jaqtarynan qaladan qalǵysyz, saǵym oınaǵan japan dalada kenet kókjıekten kómkerilip shyǵa keler kent kelbetin Qaraǵandy baǵytynan kireberis jol boıynda boı kóterip, qanat jaıǵan ádemi úıler odan saıyn ásemdendiripti. Buǵan deıin shańy burqyrap jatatyn shetkeri aımaq óz aldyna bir bólek qalashyqqa aınala qalypty.
Juma, 8 aqpan 2013 7:23
«O, Jańaarqa jaınaǵan eken», dep bul jaqta eki-úsh shaqty jyl buryn bir bolǵan kóliktes áriptes daýysy tańyrqap shyǵyp, jan-jaǵyna súısine qaraılap qalǵanda aýdan ortalyǵy Atasýdyń kórikti qushaǵy ashyla bergen edi. Jıi jol túsip, jıi kórip júrgen bizge tańsyq bolmaǵanmen shynynda tamsanarlyqtaı sán-ajary kózdi úıirip, kóńildi baýrarlyq bola túsýi súıinishke súıinish qosty. Kólemi, turǵyny shaǵyn bolsa da, basqa jaqtarynan qaladan qalǵysyz, saǵym oınaǵan japan dalada kenet kókjıekten kómkerilip shyǵa keler kent kelbetin Qaraǵandy baǵytynan kireberis jol boıynda boı kóterip, qanat jaıǵan ádemi úıler odan saıyn ásemdendiripti. Buǵan deıin shańy burqyrap jatatyn shetkeri aımaq óz aldyna bir bólek qalashyqqa aınala qalypty.
Osy tus alǵashqy turǵyn jaılar qatar túzegennen beri qýanyshty jańalyqtar lebi jıi esýimen belgili. Jas otbasylar, jalǵyzilikti analar, damýy shektelgen alys aýyldardan qonys aýdarýshylar jylyna kóp ýaqyt aralatpaı kezek-kezegimen baspanaly bolyp jatady. Jyly, sýyq sý, jylý tartylǵan, ishi-syrty syńǵyrlaǵan, turmysqa jaıly 2-3 bólmeli páterler ile qyzyq-dýmanǵa tolady. Ásirese, byltyr shattyqqa bólengender kóp boldy. «Qoljetimdi baspana-2020» baǵdarlamasy shapaǵaty 160 otbasyna tıdi.Solardyń biri Aıagóz Tájibaeva búginde kúni keshe qol jetpes armandaı kóringen jeke páterde turady. Bıdaıyq aýylymen irgeles 69-shy razezde mamandyǵyna sáıkes jumys joqtyǵyna, úbirli shańyraqtyń arqa súıerine baılanysty osy eki tilegin aýdandyq ákimdikke ótinish etkende oryndalýyn kóp kútpepti. Aldymen Ǵalym Jarylǵapov atyndaǵy kásiptik-tehnıkalyq mektepke medbıke bolyp ornalasqan soń uzamaı jańa páter kilti de qolyna tıgen. Al Aqtaılaq aýlynan osyndaılyq sebeppen keleshegine tirek izdep kelgen Nadejda Bocharova da ózin baqytty jan sanaıdy. Jumysy da, baspanasy da bar qazir.– «Jańaarqa-80» atalatyn bul qalashyq turǵyndarynyń birqatary on-on bes qana tútin qalǵan shalǵaı aýyldardan amalsyz el ishi ortasyna qonys aýdarýǵa májbúr bolǵandar. Mundaı toptaǵylarǵa «Jumyspen qamtý-2020» baǵdarlamasyna sáıkes kómek-qoldaý barynsha jasalyp jatyr. Byltyr eńbekke qamtylǵandar ishinen 104 otbasy qonystandyryldy. Sondaı-aq, memlekettik qyzmetshilerdiń, eńbek ardagerleriniń úlken toby olarmen kórshi atanyp, birge shańyraq kóterý shattyǵyna bólendi. Atalǵan shaǵyn aýdanda turǵyn úı qurylysynyń qulashy bıyl odan ári keńge sermeledi, – deıdi aýdan ákiminiń orynbasary, osynaý istiń udaıy basy-qasyndaǵy Marat Ábdishev.Ár jaqsylyq jaqsylyqqa qozǵaý. Qyzý qurylys bir jaǵynan jumyssyzdyqty azaıtýǵa múmkindik bergen. Oǵan qoly jetpeı qınalýshylar 5-ten 3 paıyzǵa tómendese, taıaý ýaqytta 0,3 paıyzǵa túsirý kózdelip otyr.Bir ózi bir qalashyqtaı jańa meken kishkene turǵyndarynyń da qýanyshy bólek. Aýlada ózderine arnalǵan oıyn alańy bar. Boı kótermek áleýmettik-turmystyq nysandar kórkin sándendire túspek. Atasýdyń erteńgi keıpin kózge elesteterlik ádemi kórinisi bolmaq.Aýdan ortalyǵy ǵana emes, jalpy óńir beınesiniń kúnnen-kúnge tanyǵysyz qulpyrýy, jergilikti jurttyń turmys jaǵdaıynyń qyzyǵarlyqtaı jaqsarýy, ósken ómir jarqyn nyshanynyń kim-kimniń júzinen jarqyraýy shet jaqtaǵy aýyldardaǵy da qubylys. Túgiskenniń, Eskeneniń, Aqtúbektiń túlenip, túrlengen kelbetterine qarap-aq Jańaarqa jerindegi jańarý lebiniń qandaılyǵy anyq ańǵarylady. Memlekettik qoldaýmen birge óz kúshterimen úı turǵyzý, yntalylyqpen turǵylyqty mekenderdi abattandyrý, turmystyq mádenıetti máýelendirý eldik ortaq qulshynys.Aıqyn Nesipbaı,«Egemen Qazaqstan».Qaraǵandy oblysy,Jańaarqa aýdany.