Etnosaralyq kelisim – turaqtylyq negizi

Búgingi tańda túrli etnos ókilderi meken etetin Jam­byl óńirinde «Jambyl oblysy et­nostarynyń dástúri men máde­nıeti» ensıklopedııasyn basyp shyǵarý jáne shyǵary­latyn ensıklopedııa negizin­de ınteraktıvti karta jasaý» jobasy qolǵa alyndy. Joba­nyń negizgi maqsaty – óńirdegi et­nosaralyq kelisimniń oń áleýetin zertteý jáne nasıhattaý.

Atalǵan joba aıasynda Jam­byl oblysy Qazaqstan hal­qy Assambleıasy men oblys ákimi apparatynyń «Qoǵamdyq kelisim» mekemesiniń bastamasymen oblystyń Qordaı jáne Shý aýdandarynda «Zamanaýı me­dıa mádenıet keńistigindegi etnostyq ımıdj» taqyrybynda pi­kir­talas alańdary uıymdas­ty­ryldy. Is-sharanyń maq­saty – túrli etnostar dástúr­le­ri­niń erekshelikterin jáne azamattyq qoǵamnyń negizgi ınstıtýttarynyń, ásire­se Qa­zaqstan halqy Assam­ble­ıa­sy­nyń biriktirýshi mıssııasynyń mańyzdylyǵyn talqylaý, buqaralyq aqparat quraldarynda etnostyq ımıdjdi qalyptastyrý jáne osy máseleni zertteýdegi aspektilerdi anyqtaýdy kózdeıdi. О́z sózinde pikirtalas alańy­nyń moderatory, Jambyl oblysy ákimi apparatynyń «Qoǵamdyq kelisim» mekemesi ǵylymı-saraptamalyq qol­daý bóliminiń bas sarapshysy Albına Tapaeva medıa máde­nıettiń quraldarynyń áseri, medıa mádenıet mádenı jáne tarıhı damý úderisinde adam­zat ázirlegen aqparattyq-kom­mý­nıkasııalyq quraldar júıesi retinde qoǵamdyq sanany qa­lyptastyrý men tulǵany áleý­mettendirýge yqpal etýi jaıyn­da áńgime órbitse, tarıh ǵy­lymdarynyń kandıdaty N.Kaharov ulttyq salt-dás­túrler, til men mýzyka, ádebıet, ulttyq joralǵylar jaıynda óz oıymen bólisti. Sonymen qa­tar Shý aýdanyndaǵy ázerbaı­jan etnosynyń ókili Zem­fıra Gýlıeva qazirgi tańda elimiz­degi etnostardyń ulttyq kodyn saqtaýda atqarylyp otyr­ǵan jumystar úshin alǵysyn bildirdi. 

Al, túrik etnosy­nyń ókili Bınalı Tagırov «Ja­han­daný búgingi tańda jalpy dúnıejúzilik prosess bolyp tabylady. Jahandaný kezeńinde Qazaqstan óziniń ulttyq jəne memlekettik biregeıliligin saqtap qalý məselesin sheshýde utymdy qadamdar jasaýda dep esepteımin», dep óz pikirin bildirse, dúngen etnosynyń ókilderi Aısha Ibydo, Salıma Vansınvın, Idırıs Iýnýsov, Matlıýba Moıorova kópshilikke óz etnostarynda kezdesetin erekshelikter týraly fotosýretter men beınerolıkter usyndy. Atalǵan sharaǵa etnomádenı birlestikterdiń ókilderi, Analar keńesiniń músheleri, ǵylymı-saraptamalyq toptyń músheleri jáne jastar qatysyp, óńirdegi mádenıetaralyq ózara is-qımyl men etnosaralyq kelisimniń oń áleýetin nasıhattaý boıynsha negizgi túsinikterdi taldady.