Búgin Túrkistan oblysy Arys qalasynda 754 úıde jóndeý jumystary aıaqtaldy. Barlyǵy 17 sektorda 191 qurylys kompanııanyń ókilderi jumys istep jatyr.
Indýstrııa jáne ınfraqurylymdyq damý mınıstrliginiń málimetterinshe, 5144 qurylysshy men 223 arnaıy tehnıka jeke turǵyn úı qurylysy jáne kópqabatty turǵyn úıler qurylysynyń 3232 nysanynda (bir kún buryn 2989 nysanda) jumys isteıdi. Osylaısha, kún saıyn qurylysshylar qalpyna keltirýdi qajet etetin 200-den astam úıdi jóndeý jumystarymen qamtýda. Taǵy 1,5 myń qurylysshy «Samuryq–Qazyna» AQ qarajaty esebinen 62 áleýmettik nysandy (53 bilim berý nysanyn, 6 densaýlyq saqtaý jáne 3 sport nysanyn) qalpyna keltirip jatyr.
IIDM vıse-mınıstri Qaıyrbek О́skenbaevtyń aıtýynsha, jaqynda 600-700 jumysshyny tartýmen qosymsha kúsh jumyldyrylady. Barlyq zardap shekken jáne buzylǵan nysandar 2019 jyldyń 1 tamyzyna deıin tapsyrylýy tıis.