Búgin Almaty aýdany ákimdiginiń merdigerlik uıymy "Trıatlon", "Prezıdentskıı" saıabaqtarynyń aýmaǵynda, sondaı-aq, B.Momyshuly eskertkishine, "Haıvıl" TK, "Grand Astana" TK, "Fransýzskıı kvartal" TK jáne Panfılov kóshesiniń boıyndaǵy Táýelsizdik dańǵylyna deıingi ýchaskede masalarǵa qarsy zalalsyzdandyrý jumystaryn júrgizip jatyr. Jumysqa 3 brıgada, 3 avtokólik, 3 bıolog tartyldy, sondaı-aq, termogeneratorlar, jel generatory, rotorlyq búrikkishter jumyldyryldy.
Jumystar saǵat 22:00-den 5:00-ge deıin júrgiziledi. Baıqońyr aýdany boıynsha saǵat 22.00-de A.Imanov, A.Sembınov, A. Pýshkın, Kenesary kósheleri boıynsha dezınseksııalyq jumystar júrgizilýde. Barlyǵy 1 bıolog, 10 dezınfektor, 1 brıgadır, 1 quıýshy, 3 termogenerator jumyldyryldy.
Esil aýdanyny boıynsha ákimdiktiń merdiger uıymy 22.00-den saǵat 5.00-ge deıin "Shyǵys Ilınka" turǵyn alaby, KADEX kórme ortalyǵynyń aýmaǵy, Esil ózeniniń jaǵalaýynda masaǵa qarsy óńdeý jumystaryn júrgizedi.
Jumysqa 8 adamnan 5 brıgada, 4 avtokólik, 2 bıolog tartyldy. Jumystardy termogeneratorlar, rotorlyq búrikkishter júrgizbek.
Saryarqa aýdany boıynsha masalarǵa qarsy zalalsyzdandyrý "Agrogorodok" aýmaǵynda júrgiziletin bolady. 2 brıgada, 2 termogenerator brıgadasy, 1 brıgadır, 2 birlik avtokólik, 2 quıǵysh, 1 birlik DÝ - 1000 jumyldyryldy. Qosymsha 1 brıgada, jumys ýaqyty saǵat 5.00-den 8.00-00-ge deıin.