Memleket basshylary Sammıtiniń sheshimine sáıkes Halyqaralyq Túrki akademııasy (International Turkic Academy) ázirlegen 8-synyptarǵa arnalǵan «Ortaq túrik tarıxy» oqýlyǵy Túrki keńesine múshe elderde tolyq oqytyla bastady. Bul týraly Halyqaralyq túrki akademııasynyń prezıdenti Darhan Qydyráli Feısbýktegi paraqshasynda habarlady.
«Bishkekte ótken tamyrlas elderdiń Bilim mınıstrleri jıynynda maquldanǵannan keıin oqýlyq baýyrlas elderdiń mektep baǵdarlamalaryna tegis engizildi. Ázerbaıjanda jáne Túrkııada »Ortaq túrik tarıxyn« tańdaýly pán retinde oqıtyn oqýshylar sany kúnnen-kúnge artyp keledi. Qazaqstanda Nazarbaev ıntellektýaldy mektepterinde synnan ótken oqýlyq bıylǵy oqý jylynan bastap barlyq mektepterdiń 8-synyptarynda tańdaýly pán retinde oqytyla bastaıdy» delingen habarlamada.
Sondaı-aq Halyqaralyq túrki akademııasynyń prezıdenti tereń tarıxymyzdyń túp-tamyrlaryna jeteleıtin taǵylymdy pándi tańdaý arqyly balalar ótkenniń ónegesine úńile túsedi dep oılaıtynyn jetkizgen.
«Ǵylym» baspasynan shyqqan oqýlyqty Túrki akademııasynan alýǵa bolady.