Aksııa aıasynda Nur-Sultan qalasyndaǵy etnomádenı birlestikterdiń shyǵarmashylyq toby elordadaǵy burynǵy qarttar úıi, qazirgi áleýmettik qyzmet kórsetý ortalyǵyndaǵy qarttarǵa arnap konsert qoıyp, arnaıy dastarhan jaıdy. Onda múmkindigi shekteýli jáne túrli qıyn jaǵdaılarǵa tap bolǵan adamdar turady. Qoǵam tarapynan olarǵa meıirim shýaǵy men júrek jylýyn syılaý árdaıym mańyzdy. «Sharapat» áleýmettik qyzmet kórsetý ortalyǵy dırektorynyń orynbasary Ardaq Seıitovanyń aıtýynsha qarttarǵa mundaı qurmet memlekettik mekemeler, jeke kompanııalar jáne balabaqshalar tarapynan jıi kórsetilip turady eken. «Olar osy kisilerdiń kóńilin kóterip, qalanyń syrtyndaǵy demalys oryndaryna da shaqyryp otyrady», deıdi ol.
Qarttarmen jyly júzdesýde sóz alǵan Nur-Sultan qalasy Qazaqstan halqy Assambleıasy Hatshylyǵynyń meńgerýshisi Lázzat Qusaıynova is-sharanyń beıbitshilik pen kelisimniń úlgisin kórsetip, úlkenderge kóterińki kóńil kúı syılaýdy kózdeıtinin atap ótti. Kezdesýge kelgen «Qoǵamdyq kelisim» KMM dırektory Nuraly Aıdashev «sizderdiń aralaryńyzda Qazaqstandy qurýǵa atsalysqan qurmetti azamattar bar. О́mirlerińiz – Otanǵa qyzmet etýdiń úlgisi. Sondyqtan ózderińizge tek basymdy ıip, rahmet aıtamyn. Barlyqtaryńyzdy Dostyq úıinde ashylǵan «Analar amanaty» kórmesine shaqyramyn», dedi.
QHA uıytqy bolǵan qaıyrymdylyq is-sharasy jyl saıyn jalǵasyn taýyp keledi. Kezdesý sońynda uıymdastyrýshylar qarttarǵa túrli syılyqtar tartý etti.