Shomylý saqtyqty qajet etedi

Onyń aıtýynsha, bul 154 adam­nyń 141-i (onyń ishinde 53 bala) sýǵa túsýge jabdyqtalmaǵan oryndar­da, 13 adam (onyń ishinde 5 bala) jabdyqtalǵan oryndarda sýǵa ketken. 

Komıtet tóraǵasy adamdardyń qaza bolýynyń negizgi sebepteri retinde sýǵa shomylý kezinde óz kúshterin jete baǵalamaý (121 adam, onyń ishinde 42 bala), balalardy eresek adamdardyń qaraýynsyz qaldyrý (14 bala sý qoımalaryna, aryqtarǵa, kanaldarǵa qulaý saldarynan qaıtys boldy), 17 adam mas kúıinde sýǵa batyp, 2 bala júze almaý saldarynan qaıtys bolǵanyn atap ótti. 

– О́tken jylmen salystyrǵanda sýǵa ketken adamdar sanynyń ósýi Aqmola (+12), Almaty (+9), Batys Qazaqstan (+9), Túrkistan (+7), Qos­tanaı (+6) oblystarynda baı­qalady. Máselen, 8-14 shilde ara­ly­ǵynda elimizdiń sý aıdyndaryn­da 61 adam, onyń ishinde 22 bala sýǵa ketti. Al ótken demalys kún­deri, ıaǵnı 13-14 shilde kúnderi eli­miz­diń sý aıdyndarynda 22 adam (onyń ishinde 7 bala) qaza bol­dy, olar sýǵa shomylý kezinde jabdyq­tal­maǵan jerde jáne sýarý arnalarynda sýǵa batyp ketti, – dedi V.Bekker. 

Resmı málimetke qaraǵanda, elimizde halyqtyń shomylýy, demalýy jáne balyq aýlaýy úshin paıdalanylatyn 50 myńnan astam sý qoımasy bar, olarda bıylǵy jyly 607 resmı jaǵajaı (107 kommýnaldyq jáne 500 jeke jaǵajaı) qurylyp, jumys isteıdi.

– TJK qutqarý bólimsheleri 607 jaǵa­jaıdyń tek 27-i (kommý­naldyq jaǵajaılar) sýda qutqarý stansasynyń esebinen, sondaı-aq 113 qaýipti sý aıdyndarynyń ýchas­­kesi (tabıǵı jaǵajaılar) qo­symsha mobıldi qutqarý beket­terin (2-3 qutqarýshy jáne 1 júzý quralymen 53 beketi) qoıý arqy­ly baqylanady, – dep atap ótti Tótenshe jaǵdaılar komıtetiniń tóraǵasy. 

Sý aıdyndaryn jáne sýdaǵy demalys oryndaryn qamtýdy arttyrý úshin TJK aýmaqtyq bólim­she­leri jyl saıyn qutqarýshy-jasaq­shylardy aqysyz negizde oqytý­dy júzege asyryp keledi. Bıyl 880 qutqarýshy-jasaqshy­lar daıyndyqtan ótken, olardyń esebi­nen jeke demalys aımaq­ta­rynda 335 obektilik qutqarý beketi qurylǵan.  Sonymen qatar qoǵamdyq oryndarda bolý jáne ortaq sý paıdalaný erejeleriniń talaptaryn saqtaý boıynsha birlesken reıdtik is-sharalar belsendi júrgizilýde.