Baspanaly bolý baqyty buıyrǵan jetisýlyqtar qatary bıyl da kóbeımek

Al bıyl óńirde paıdalanýǵa beriletin turǵyn úıler aýqymy eki ese artyp, 80 myń sharshy metr­ge jetedi. Atap aıtqanda, 42,1 myń sharshy metr nesıelik, 32 myń sharshy metr jalgerlik, 5,2 myń sharshy metr kommýnaldyq turǵyn úı qurylysy aıaqtalmaq. Iаǵnı,  jyl sońyna deıin 924 páterde qonys toıy toılanbaq. Bul baǵyttaǵy jumystyń nátıje­si qazirden anyq baıqalýda.

Máselen, kúni keshe Alma­ty oblysynda 330 otbasy bir­den qo­nys toıyn toılady. Taldy­qor­ǵan qalasynda 230 páterlik 3 kóp­qabatty jáne Qaratal aýdanyn­da kóp balaly otbasylar men áleý­met­tik baǵdarlama boıynsha úı kezeginde turǵandarǵa arnalyp sa­lynǵan 100 páterlik, kópqa­batty 2 baspana paıdalanýǵa berildi.

Taldyqorǵan qalasynyń 6-sha­ǵyn aýdanyndaǵy 16 qabattan tura­tyn 3 úı «Nurly jer» baǵ­dar­l­amasy boıynsha salynyp,  turǵyn úı qurylysy jınaǵy arqyly azamattarǵa buıyrdy. Qoldanysqa berilgen turǵyn úı ǵımaratynyń jalpy aýdany 22 myń sharshy metrdi quraıdy. 230 páterdiń toqsan ekisi 1 bólmeli,  toqsan ekisi 2 bólmeli jáne 46 páteri 3 bólmeli. 

– Bıyl oblys boıynsha 800 myń sharshy metr turǵyn úıdi paıdalanýǵa berý josparlanýda. Tek «Nurly jer» baǵdar­lamasy­nyń ózine ǵana 27,9 mlrd teńge bó­lingen. Bul qarajatqa 1279 páter­den turatyn 334 turǵyn úı salý kózdelgen. Onyń ishinde kóp balaly otbasylardy turǵyn úımen qamtý erekshe nazarda. 2025 jylǵa deıin oblysymyzdyń 5 myńǵa jýyq az qamtylǵan otbasylary baspanamen qamtylmaq, – deıdi oblys ákimi Amandyq Batalov.

Sondaı-aq Qaratal aýdanynyń ortalyǵy Úshtóbe qalasynan da 100 otbasyna baspana kilti tabys etildi. Qaratal aýdanynyń orta­lyǵynda paıdalanýǵa berilgen 40 jáne 60 páterlik eki kópqabatty turǵyn úı kópten beri jeke bas­panaǵa muqtaj bolyp júrgen kóp balaly jáne jalǵyzbasty analarǵa, múmkindigi shekteýli jandarǵa, múgedek balasy bar nemese múgedek bala tárbıelep otyrǵan januıalarǵa, zeınetkerlerge, ata-ana qamqorlyǵynan aıyrylǵan balalarǵa, UOS ardagerleri jáne UOS múgedegine teńestirilgenderge, bıýdjettik sala qyzmetkerlerine berildi. 

Kóp balaly otbasylar men az qamtylǵan áýletterdi  turǵyn úımen qamtý jaıy aýdandarda da  júzege asyp jatqany qýantady. Sózi­mizdiń dáleli retinde, ja­qyn­da Kóksý aýdanyndaǵy 13 kóp ba­laly otbasynyń baspanaly bol­ǵanyn aıtalyq. О́ńirdegi Bal­pyq bı, Muqanshy, Aınabulaq, Eń­bek­shi aýyldyq okrýgterinde tura­tyn áýletterdiń qýanyshyn aýdan ákimi Almas Ádil bólisti. Kóp bala­ly otbasylarǵa berilgen turǵyn úı­ler «Nurly jer» memleket­tik baǵ­dar­lamasy aıasynda satyp alynǵan eken. Osy maqsatqa respýblıkalyq bıýdjetten 123 mıllıon 750 myń teńge qarajat bólinipti. 

– Memleket tarapynan bólin­gen qarajatqa 21 turǵyn úı satyp alý kózdelgen edi. Onyń on úsh úıin tapsyrdyq. Endi tamyz aıy­nyń sońyna qaraı qalǵan 8 pá­ter­di satyp alamyz. Odan bólek, aýdanda 50, 30 páterli úıdiń qu­rylysy aıaqtalyp, qazan-qarasha aılarynda tabystalady. Ol úı­den de  30-40 páter kóp balaly ot­ba­syna berilmek, – deıdi Kóksý aýdanynyń ákimi Almas Ádil.

Jalpy, Almaty oblysynda 145 myńnan astam adam turǵyn úı keze­ginde tur. Demek, «Nurly jol», «Nurly jer», «7-20-25» memle­ket­tik baǵdarlamalary jáne kóp balaly otbasylarǵa arnap úı­ler salý mindeti turǵyndar­dy baspanamen qamtýda kóp múmkindikter beredi.