Sársenbi, 17 sáýir 2013 2:08
Úrjar aýdanynyń ákimi Baýyrjan Janaqov shalǵaıdaǵy óńirge issaparmen kelgen bizdiń buıymtaıymyzdy bilisimen, «О́ńirde jańalyq kóp» dep alyp, Maqanshy aýylynda elimizde teńdesi joq plastıkalyq qubyrlardy shyǵaryp jatqan «Bátýa» jaýapkershiligi shekteýli seriktestiginiń 3 mıllıard teńge óz qarjylaryna plastıkalyq zaýytty iske qosqandaryn, ol-ol ma, Saryterek teliminde 1900 gektarǵa soıa daqylyn egip, ony eksportqa shyǵara bastaǵandaryn, qonaqúı, jataqhana, ashana, eki astyq saqtaıtyn qorany salǵandaryn, aýdan bıýdjetine qyrýar qarjy quıǵandaryn, júzdegen adamdy jumysqa qabyldaǵandaryn» iltıpatpen jetkizdi.
Sársenbi, 17 sáýir 2013 2:08
Úrjar aýdanynyń ákimi Baýyrjan Janaqov shalǵaıdaǵy óńirge issaparmen kelgen bizdiń buıymtaıymyzdy bilisimen, «О́ńirde jańalyq kóp» dep alyp, Maqanshy aýylynda elimizde teńdesi joq plastıkalyq qubyrlardy shyǵaryp jatqan «Bátýa» jaýapkershiligi shekteýli seriktestiginiń 3 mıllıard teńge óz qarjylaryna plastıkalyq zaýytty iske qosqandaryn, ol-ol ma, Saryterek teliminde 1900 gektarǵa soıa daqylyn egip, ony eksportqa shyǵara bastaǵandaryn, qonaqúı, jataqhana, ashana, eki astyq saqtaıtyn qorany salǵandaryn, aýdan bıýdjetine qyrýar qarjy quıǵandaryn, júzdegen adamdy jumysqa qabyldaǵandaryn» iltıpatpen jetkizdi.
«Jaqsyny kórmekke» degen, salyp uryp Maqanshyǵa jettik. 45 shaqyrymdyq jol taqtaıdaı tegis, asfalt tóselgen, Almaty, Taskesken, Úrjar arqyly Qytaıdyń Úrimshisine deıin salynyp jatqan sapaly joldyń «Almaty – О́skemen» trassasyna deıingi aralyqtaǵy jóndeý jumystary bastalyp ketipti.Maqanshy aýyldyq okrýginiń ákimi Sovethan Qalıev bizdi aýyldyń shet jaǵyndaǵy plastıkalyq zaýyttyń aýlasyna alyp keldi. 630 jáne odan sál jińishkeleý 315 mıllımetrlik, uzyndyǵy 6 metrlik qubyrlar taý-taý bolyp úıilip jatyr. Bul qubyrlar aýyl sharýashylyǵy alqaptaryn sýlandyrýda taptyrmaıtyndy. Qala úılerindegi sý, bý qubyrlaryndaǵy atalmysh plastık buıymdar temirge qaraǵanda eki-úsh ese tózimdi. Plastık qubyrlar 50-60 jylǵa deıin shirimeıdi, ony almastyrý da onsha qıyndyq týǵyzbaıdy.– Zaýyttyń ashylǵanyna bir jyl. Al «Bátýa» seriktestiginiń qurylǵanyna úsh jyl. Seriktestik basshylary 3 mıllıard teńge óz qarjylaryn salyp, Saryterekte soıa ósirip jatyr, túrli ǵımarattardy salyp, kóptegen tehnıka satyp aldy. Soıanyń bir tonnasy 80-100 myń teńge turady. 2012 jyly 2400 gektarǵa soıa egip, gektarynan 20 sentner ónim aldyq. Demek, ketken qarjy eselenip qaıtady degen sóz. Qazir plastık qubyrlar zaýytynda 49 adam jumys istese, al soıa ósirýmen jaz kezinde 300-ge tarta adam aınalysady, – deıdi «Bátýa» seriktestiginiń plastıkalyq zaýyttaǵy úılestirýshisi Erbosyn Qashaqov.Qazir dalada 630 mm. 5 myń metr, 315 mm. 3 myń metr qubyr ázir tur. Qubyrlarǵa degen suranys úlken. Biraq biz soıa ósiretin alqapqa qubyrlardy tartyp, tamshylatyp sýarýdy júzege asyryp jatyrmyz. О́zimizdiń qajettiligimizdi oryndaǵan soń satyp, paıda tabý da oıda bar. Bizdiń joba ındýstrııalandyrý kartasyna engizilgen. Úkimetten 730 mıllıon teńge alǵan soń basqa da iri jobalardy júzege asyrý oıda bar. Eń bastysy, shalǵaıdaǵy Úrjar aýdany turǵyndaryn jumyspen qamtamasyz etsek, abyroı emes pe, deıdi Erbosyn Aldasúgiruly.Plastıkalyq zaýytta eńbek etip jatqan Maqanshy aýylynyń turǵyndary Berik Qalqarov, Nurdáýlet Ordashev,Turlan Salıev, taǵy basqalar jalaqyny ýaqtyly alyp turatyndaryn, mamandyqqa tóselip alǵandaryn, aldaǵy ýaqytta taǵy da jumys kúshiniń qajet bolatynyn aıtady.Ońdasyn ELÝBAI,«Egemen Qazaqstan».Shyǵys Qazaqstan oblysy,Úrjar aýdany.
Sýretti túsirgen avtor.