Sýǵa shomylý maýsymy bastalǵannan demalýshylardyń sanynyń kúrt ósetini belgili, sáıkesinshe jaǵalaý jıegi 1 myń shaqyrymnan asatyn Mańǵystaý oblysy úshin sý obektilerinde adamdardyń qaýipsizdigin qamtamasyz etý máselesi erekshe mańyzǵa ıe. Osyǵan oraı, shomylý maýsymyna daıyndyq kezeńinde adamdardyń sýda qaza bolýyn boldyrmaý jáne azaıtý maqsatynda Mańǵystaý oblysy ákiminiń (2019 jylǵy 03 sáýirdegi № 47) «Mańǵystaý oblysy halqynyń 2019 jylǵy shomylý maýsymy kezeńinde qaýipsizdigin qamtamasyz etý týraly» ókimi ázirlengen. О́kimde kórsetilgen is-sharalardyń oryndalý barysyna qalalar men aýdandar ákimdikteri, quqyq qorǵaý organdary jáne jergilikti bıýdjetten qarjylandyrylatyn organdar jumyldyrylǵan. Derekterge súıensek, búgingi tańda teńizde 7 adam qaza boldy, onyń ishinde 2 bala bar. Sondaı-aq qutqarylǵan 9 adamnyń 2-eýi jetkinshekter.
Mamandardyń aıtýynsha, shomylý maýsymy bastalǵanǵa deıin oblys aýmaǵyndaǵy sýǵa shomylý oryndaryna túgendeý júrgizilip, tótenshe jaǵdaılardyń aldyn alý jáne joıý jónindegi komıssııanyń 10 otyrysy ótkizilgen.
- Sý aıdyndarynda oryn alyp jatqan qaıǵyly oqıǵalardyń barlyǵy demalýshylardyń tyıym salynǵan jerlerde shomylýynan bolyp otyr. Túpqaraǵan aýdanynyń tótenshe jaǵdaılar bólimi ákimdikpen birlesip, vedomstvolyq baǵynysty aýmaqta shomylýǵa tyıym salatyn oryndardy anyqtaý boıynsha tıisti aqparattar daıarlaǵan. Atap aıtqanda, «Shora» sý arnasy, 64-shaqyrymdaǵy «Golýbaıa býhta» jáne «Saýra» aımaǵy, Fort-Shevchenko qalasynan Taýshyq aýylyna qaraı 30 shaqyrymdaǵy «Tamshaly», sondaı-aq Fort-Shevchenko qalasynan Taýshyq aýylyna qaraı 51 shaqyrymda ornalasqan «Sarytas» – aımaǵy tyıym salynǵan oryndar qataryna engen. Shomylý maýsymy bastalǵannan bastap Jedel qutqarý jasaǵy (JQJ) kúshteri kúsheıtilgen qyzmet atqarý nusqasyna aýystyrylyp, qaýipti ýchaskelerde kezekshilikti júzege asyratyn mobıldik beketter uıymdastyrylǵan, dedi MO tótenshe jaǵdaılar departamenti azamattyq qorǵanys bólimi bastyǵynyń mindetin atqarýshy Demeýbergen Ratbek Qojahmetuly.
Aıta ketý kerek, jaǵalaýlarda úgit-nasıhat jumystaryn júrgizý úshin halyqty jumysqa ornalastyrý ortalyǵynan 35 qoǵamdyq-erikti jasaqtyń volonterleri eńbekke tartylyp, reıdter júrgizilgen. Reıd barysynda ishki ister organdary 249 azamatty ákimshilik jaýapkershilikke tartyp, jalpy somasy 2,5 mln teńgege (2 483 750) ákimshilik aıyppul salynǵan.
Búginde qala jáne aýdan jaǵalaý aımaqtarynda 30 tyıym salatyn belgi jáne 39 stend ornatylyp, sonymen qatar, «Shora» sý arnasyndaǵy stendter jańartylyp, taǵy da 100 metrge qosymsha qorshaý ornatý jumystary júrgizilýde.
Jaz mezgilinde balalardyń qaýipsizdigin qamtamasyz etýge de erekshe kóńil bólinýde. Oblystyq bilim basqarmasymen birlesip «Balalardyń sýdaǵy qaýipsizdigin qamtamasyz etýge baǵyttalǵan aqparattyq-nasıhattaý is – sharalaryn ótkizý jospary qurylǵan. «Úkimettik emes uıymdar men ishki ister organdarynyń ózara is-qımylynyń tıimdiligin arttyrý jónindegi 2019-2022 jylǵa arnalǵan is-sharalar josparyna» sáıkes «Jas Otan», «Eko Mańǵystaý» jáne t.b. sııaqty úkimettik emes uıymdarmen birlesip, úgit-profılaktıkalyq reıdter júrgizilýde. Jastar saıasaty ortalyǵymen birlese otyryp, Kaspıı teńiziniń jaǵalaýynda qaýipsizdik sharalary túsindirilgen «Keńes alańy» aksııasy uıymdastyryldy.