О́tken aptanyń demalys kúnderi 5 bala sýǵa ketipti. Mamandar balalardy bir sátke de qaraýsyz qaldyrýǵa bolmaıdy, sýǵa túsýde saqtyq sharalaryna nazar aýdartyp, dabyl qaǵýda.
Jalpy óńirde sýǵa shomylýǵa bolatyn 29 oryn bar. Qaýipti aımaqtarǵa 141 belgi ornatyldy. Turǵyndardyń sý jaǵasyna kelip osy ruhsat etilgen oryndarda demalýlaryna bolady.
Oqys oqıǵalar oryn alǵan jaǵdaıda óńirde arnaıy súńgýirlik top jumys isteıdi. Olar aqysyz qyzmet kórsetedi. Al, saqtyq erejelerine qulaq aspaǵan 100 adam ákimshilik jaýapkershilikke tartylǵan.
Sondaı-aq búginde tótenshe jaǵdaılar ókilderi men jergilikti polısııa qyzmeti jáne eriktiler toby jaǵalaýlarda túsindirme jumystaryn júrgizýde. Búginge deıin 125 reıdtik shara uıymdastyrylyp, 13135 jadynama paraqshalar taratylǵan. Mamandardyń aıtýynsha, óńirde sýǵa túsýge bolmaıtyn birneshe jer anyqtalǵan. Mysaly, Aqtoǵaı aýdany ortalyǵyndaǵy jaǵajaı boıynda tereńdigi 5 metrge jýyq qulama jar bar. Sondaı-aq Aqqýly aýyly men Sharbaqty aýdanynyń ortalyǵynda tıisti ınfraqurylym quryp, demalýshylarǵa jaǵdaı jasaý qajet.