Qumar Irgebaıuly Jol aktıvteri sapasynyń ulttyq ortalyǵynyń dırektory Zamır Saǵynovpen birge jol materıaldarynyń sapasyn tekseretin zerthanada boldy. Bıyl óńirde joldardy jóndeýge 37 mıllıard teńge bólindi. Budan bylaı atqarylǵan sharalar júıeli túrde qadaǵalanyp, zerthanalyq baqylaý qatańdanatyn bolady. Zerthanalyq tekserýmen respýblıkalyq joldar ǵana qamtylsa, endi oblystyq joldardyń da sapasy tekseriledi.
Qumar Aqsaqalov turǵyndardy joldardyń sapaly jasalýyn birge qadaǵalap, qoǵamdyq baqylaýǵa atsalysýǵa úndedi.
«Tehnıkalyq múmkindiktermen qosa qoǵamdyq baqylaýdy kúsheıtý kerek. Qazir kóbinde gadjetter bar. Joldyń sapasyz salynyp jatqanyn kórseńizder fotoǵa túsirip, qaı jer ekenin aıtý kerek. Jaqynda ǵana salynyp, buzyla bastaǵan joldy kórsetińizder. Barlyq materıaldardy oblys ákimdiginiń saıtyndaǵy «Halyqtyq baqylaý» bólimine joldaý qajet. «Qyzyljar – adaldyq alańyn» da qoldanýǵa bolady. Biz tıisti sharalar qoldanamyz», dedi aımaq basshysy.