Seısenbi, 21 mamyr 2013 1:05
Qazir ınnovasııany damytýǵa basa mańyz berilip otyr. Indýstrııalyq qýattardy arttyrýǵa, óndiristi jańǵyrtýǵa keń jol ashatyn bul mindetti iske asyrýda Qaraǵandy aımaǵynyń zııatkerlik áleýeti joǵary sanalady. Sondyqtan kúshin biriktirip, ortaq maqsatqa jumyldyrý úshin óńirdiń ınnovasııalyq klasterin qalyptastyrý jónindegi ǵylymı-tehnıkalyq keńes quryldy. Onyń alǵashqy májilisinde oblys ákimi Baýyrjan Ábdishev pármendi ınnovasııalyq júıe qurylýy qajettigin atap, jańa jobalardy jasaýǵa ǵylymı-zertteý ınstıtýttary ǵalymdarynyń, salalyq kásiporyndar mamandarynyń, kásipkerler qaýymdastyǵy ókilderiniń utqyr usynystaryn barynsha paıdalanýǵa erekshe mán beriletindigine toqtaldy.
Seısenbi, 21 mamyr 2013 1:05
Qazir ınnovasııany damytýǵa basa mańyz berilip otyr. Indýstrııalyq qýattardy arttyrýǵa, óndiristi jańǵyrtýǵa keń jol ashatyn bul mindetti iske asyrýda Qaraǵandy aımaǵynyń zııatkerlik áleýeti joǵary sanalady. Sondyqtan kúshin biriktirip, ortaq maqsatqa jumyldyrý úshin óńirdiń ınnovasııalyq klasterin qalyptastyrý jónindegi ǵylymı-tehnıkalyq keńes quryldy. Onyń alǵashqy májilisinde oblys ákimi Baýyrjan Ábdishev pármendi ınnovasııalyq júıe qurylýy qajettigin atap, jańa jobalardy jasaýǵa ǵylymı-zertteý ınstıtýttary ǵalymdarynyń, salalyq kásiporyndar mamandarynyń, kásipkerler qaýymdastyǵy ókilderiniń utqyr usynystaryn barynsha paıdalanýǵa erekshe mán beriletindigine toqtaldy.
Atalǵan keńestiń qyzmeti men oblystyń ekonomıkasynyń bazalyq salalaryndaǵy ınnovasııalyq klasterdi damytý máseleleri jóninde «Saryarqa» tehnoparki» JShS dırektory Alekseı Soı jasaǵan baıandamada qoıylyp otyrǵan negizgi talaptar ortaǵa salyndy. Qatysýshylarǵa Sáýlettik bıýro dırektory Semen Bolotnık EKSPO-2017 halyqaralyq kórmesine qaraǵandylyq ınjenerler usynǵan úsh joba, solardyń biri Astana men Almaty aralyǵynda jyldam qatynaıtyn «Búrkit» jolaýshylar poıyzy temir jol qurylysy tanystyryldy. Bul baǵytta «Búrkittiń» jyldamdyǵy saǵatyna 400 shaqyrymnan aspaq. Sondaı-aq, osy temir jol ózine qajetti energııany kún jáne jel generatorlary arqyly alatyndyqtan, ekologııalyq taza joba bolyp tabylady. Keńes músheleri jobany jan-jaqty taldap, qoldaý tanytty. Al elektr energııasynyń balama kózderin izdestirýge qatysty «Turǵyn úıler men ónerkásiptik ǵımarattardyń sańylaýly irgetasy» men «Ekologııalyq taza gıdrodınamıkalyq jylytqyshtardy serııalyq óndirý úshin tehnıkalyq qujattamany daıyndaý» jobalary da paıdaly dep tabyldy.
Osyndaı ınnovasııalyq jobalardy damytý qoryn qurý úshin oblystyq bıýdjetten qarjy bólinetin boldy.
Aıqyn NESIPBAI,
«Egemen Qazaqstan».