Juma, 7 maýsym 2013 2:07
Buryn qalaı edi? Bir kásipti bastaý úshin ondaǵan esikti tozdyryp, árqaısysynda saryla kútip, olar birden maquldaı salmaı sarsańǵa túsetin. Bıznes bastaýda, ne ony ári qaraı damytýda bıýrokratııalyq kedergilerdiń az bolmaǵany aqıqat. Osyny eskerse kerek, Elbasy bir jıynda oblystarda kásipkerlerge qoldaý kórsetý ortalyqtaryn ashý kerek dep tapsyrdy. Bul ortalyq kásipkerlerge barlyq jaǵynan kómek beretin bolady. Eń bastysy, kásipker ár jaqqa sandalmaı sharýasyn bir ǵımarattyń ishinde bitirip shyǵady.
Juma, 7 maýsym 2013 2:07
Buryn qalaı edi? Bir kásipti bastaý úshin ondaǵan esikti tozdyryp, árqaısysynda saryla kútip, olar birden maquldaı salmaı sarsańǵa túsetin. Bıznes bastaýda, ne ony ári qaraı damytýda bıýrokratııalyq kedergilerdiń az bolmaǵany aqıqat. Osyny eskerse kerek, Elbasy bir jıynda oblystarda kásipkerlerge qoldaý kórsetý ortalyqtaryn ashý kerek dep tapsyrdy. Bul ortalyq kásipkerlerge barlyq jaǵynan kómek beretin bolady. Eń bastysy, kásipker ár jaqqa sandalmaı sharýasyn bir ǵımarattyń ishinde bitirip shyǵady.
Mine, osyndaı ıgi is Syr óńirinde de qolǵa alyndy. Qyzylorda qalasynda kásipkerlerge qyzmet kórsetý ortalyǵy ashyldy. Saltanatty rásimge oblys ákimi Qyrymbek Kósherbaev qatysty.
Bul – respýblıkadaǵy osyndaı besinshi ortalyq. Maqsaty – óz aldyna kásibi bar nemese jańadan bıznes bastap, sony dóńgeletýge yntaly azamattardy «bir tereze» formatynda tegin oqytyp, qajetti keńester berý. Iаǵnı olardy barlyq jaǵynan qoldaý arqyly qazaqstandyq bıznestiń básekege qabilettiligin arttyrý. Jańa da jaıly ǵımaratta kásipkerlerge ártúrli baǵytta konsaltıngtik jáne aqparattyq qyzmet túrleri usynylady. Sondaı-aq, sońǵy úlgidegi menedjment tehnologııasy, býhgalterlik esepti júrgizý, qarjy men salyq eseptiligi, keden prosedýralary týraly da málimet ala alady. Munyń bári elimizdegi shaǵyn jáne orta kásipkerlikti damytýǵa baǵyttalǵan. Ortalyqta kovorkıng-ofıs te bar. Bul kásipkerlerdiń ashyq keńistikte jumys jasap, táýelsiz ári erkin bolýyna jaǵdaı jasalǵan degen sóz. Túsinikti tilmen aıtsaq, kásipker qarajat shyǵyndap ofıs jaldamaıdy. Oǵan ketetin shyǵyndy basqa maqsattaryna paıdalanady. Al aıaǵynan turyp alǵanǵa deıin jańaǵy kovorkıng-ofıske kelip, ınternet pen kompıýterdi qalaýynsha paıdalanady. Sonymen qatar, osy ortalyqta ózimen nıettes adamdardy taýyp, bıznesin birge jalǵastyrýǵa da múmkindik alady. Bir sózben aıtqanda, jańadan kásip ashyp jatqandarǵa óte qolaıly júıe bolmaq. Kásipkerlerge qyzmet kórsetý ortalyǵynyń ashylý saltanatynda Qyrymbek Eleýuly:
– Qazirgi kúni Qazaqstan kóleminde «bir tereze» prınsıpi aıasynda aýqymdy sharalar atqarylýda. Bul ortalyq ta osyndaı maqsatpen ashylyp otyr. Ortalyq oblys kásipkerleriniń ortaq alańyna aınalady degen senimdemin. Bul jerde, sondaı-aq oblystyq kásipkerlik jáne ónerkásip basqarmasy, «Damý» qorynyń oblystyq fılıaly ornalasatyn bolady, – dedi.
Saltanatty sharaǵa «Damý» qorynyń basqarma tóraıymy Lázzat Ibragımova qatysty. Onyń aıtýynsha, jańadan ashylyp otyrǵan ortalyq kólemi jaǵynan respýblıkadaǵy eń úlkeni eken. «Ortalyq aımaq kásipkerlerine qolaıly jaǵdaı jasaýǵa arnalǵan oryn bolýy tıis», dedi ol.
Sonymen, kásipkerlerge jan-jaqty qoldaý kórsetetin ortalyq jumysyn bastady. Aıtpaqshy, osy jerde halyqqa qyzmet kórsetý ortalyǵynyń bólimshesine deıin bar. Osynyń ózinen-aq qoldaýdyń qanshalyqty deńgeıde ekenin bile berýge bolady.
Erjan BAITILES,
«Egemen Qazaqstan».
QYZYLORDA.