Oraıy kelgen ońtaıly is nátıjesinde aldaǵy kezde atqarylatyn jumys

Oraıy kelgen ońtaıly is nátıjesinde aldaǵy kezde atqarylatyn jumys tııanaqtaldy

Sársenbi, 12 maýsym 2013 2:06

Bıylǵy mamyr aıynyń aıaǵynda Almaty qalasynda «Intergaz Ortalyq Azııa» kompanııasynyń bas dırektory Serik Estaı, Qazaqstan-Brıtan tehnıkalyq ýnıversıtetiniń rektory Eskendir Beısembetov jáne Bilim jáne ǵylym mınıstrligine qarasty O.Jáýtikov atyndaǵy daryndy balalarǵa arnalǵan respýblıkalyq mamandandyrylǵan fızıka-matematıka orta mektep-ınternatynyń dırektory Qaırosh Maqyshev kópten beri kóńilde kúpti bolyp júrgen yntymaqtastyq já­ne kadrlyq rezervti maqsatty túrde daıarlaý týraly úsh jaqty memorandýmǵa qol qoıyp, bola­shaqqa qaraı sátti qadam jasady. Bylaısha aıtqanda, aıdarlarynan jel esip, asyqtary alshysynan tústi. Sóıtip, ońtaıly istiń bastaýy­na dańǵyl jol ashty.

Sársenbi, 12 maýsym 2013 2:06

Bıylǵy mamyr aıynyń aıaǵynda Almaty qalasynda «Intergaz Ortalyq Azııa» kompanııasynyń bas dırektory Serik Estaı, Qazaqstan-Brıtan tehnıkalyq ýnıversıtetiniń rektory Eskendir Beısembetov jáne Bilim jáne ǵylym mınıstrligine qarasty O.Jáýtikov atyndaǵy daryndy balalarǵa arnalǵan respýblıkalyq mamandandyrylǵan fızıka-matematıka orta mektep-ınternatynyń dırektory Qaırosh Maqyshev kópten beri kóńilde kúpti bolyp júrgen yntymaqtastyq já­ne kadrlyq rezervti maqsatty túrde daıarlaý týraly úsh jaqty memorandýmǵa qol qoıyp, bola­shaqqa qaraı sátti qadam jasady. Bylaısha aıtqanda, aıdarlarynan jel esip, asyqtary alshysynan tústi. Sóıtip, ońtaıly istiń bastaýy­na dańǵyl jol ashty.

Bul mańyzdy memorandýmnyń máni – tehnıkalyq beıindegi jetekshi oqý oryndarynda bilikti kadrlardy daıarlap, «Intergaz Ortalyq Azııa» AQ-ty mamandarmen qamtamasyz etýdegi yntymaqtastyq edi.Bıznestiń qoǵam aldyndaǵy áleýmettik jaýapkershiligin arttyrý baǵdarlamasyn iske asyryp, óńirlerde jergilikti halyqqa bilim berý aıasyn ulǵaıtý da nazardan tys qalmady.  Mektep-ınternatta jáne Qazaqstan-Brıtan tehnıkalyq ýnıversıtetinde tálim alý úshin daryndy jastardy irikteý tetigin pysyqtap, olardy keıinnen «Intergaz Ortalyq Azııa» aksıonerlik qoǵamyna jumysqa ornalastyrý mindeti ekshelendi. Mundaı mańyzdy másele únemi nazarda turady. Sonymen qatar, Qazaqstan-Brıtan tehnıkalyq ýnıversıtetinde joǵary oqý ornynan keıingi bilim berý baǵdarlamasy arqyly «Intergaz Ortalyq Azııa» AQ qyzmetkerleriniń kásibı bilik­tiligin jáne bilim deńgeıin júıeli túrde kóterý máselesi taraptar yntymaqtastyǵynyń negizgi baǵyty bolyp tabyldy.Máselen, qol qoıylǵan memorandýmǵa sáıkes, tarap­tar ózderi tańdap alǵan tártippen yntymaqtastyq isterdi isker­likpen júzege asyrady. Tanymy mol talapker shákirtterdi fızıka-matematıka orta mektep-ınternatynda sapaly bilim, sanaly tárbıe alýlaryna barynsha jaǵdaı jasap, bolashaqta bilgir maman bolyp shyǵýlaryna óris ashpaq. Bilim uıasynyń daıarlyq deńgeıin únemi arttyra bermek. Sonyń nátıjesinde daryndy túlekterin Qazaqstan-Brıtan tehnıkalyq ýnıversıtetinde tegin oqytý úshin iriktep tańdaý mindeti kún tártibinen túspeıdi. «Intergaz Ortalyq Azııa» kompanııasy balalardyń mektep-ınternatta, sodan keıin tehnıkalyq ýnıversıtette oqý shyǵyndaryn túgeldeı óz moıyndaryna alady. Olar joǵary oqý ornyn bitirgennen keıin jumyssyz qalmaıdy. Naq­tyraq aıtqanda, jastar «In­tergaz Ortalyq Azııa» AQ-tyń qurylymdyq bólimshelerine jumysqa ornalastyrylady.«Intergaz Ortalyq Azııa» AQ bas dırektory Serik Estaı atap ótkenindeı, kompanııa bolashaq mamandardy mektep qabyrǵasynan bastap daıyndaıdy jáne de daryndy balalardyń tehnıkalyq bilim alýlaryna tolyq jaǵdaı jasaıdy. Olarǵa elimizdegi bedeldi gaz tasymaldaý salasy qyzmetkerleriniń qataryn tolyqtyrýǵa múmkindik beriledi.Kompanııada on úsh jyldan beri «Jas maman» dep atalatyn arnaıy bilim berý baǵdarlamasy qoldanylyp keledi. Osyǵan baılanysty bul mekeme jyl saıyn magıstraldy gaz qubyrlary ótetin jerlerde turatyn jas­tarǵa konkýrstyq irikteý negizi boıynsha granttar bólýdi dás­túrge aınaldyrǵan. Keshendi synaqtardan tabysty ótken grant ıelerine óz óńirlerinde jumysqa turýyna kepildik berilgen. Qazirgi kezde atalǵan baǵdarlamanyń 196 túlegi óz óńirlerine oralyp, kompanııanyń fılıaldarynda jumys istep jatqan jaılary bar.Búgingi tańda 114 jigit pen qyz Qazaqstan men shetelderdiń joǵary oqý oryndarynda bilim alýdy jalǵastyryp, munaı-gaz salasynyń kúrdeli de irgeli mamandyqtaryn ıgerýge qulshyna kirisken. Kompanııa olardyń oqýyna, jataqhanada turýyna, jol júrýine tólem aqyny tolyqtaı tólep otyr. Sondaı-aq, shákirtaqy taǵaıyndap, stýdentterdiń oqý jáne óndiristik is-tájirıbelerin uıymdastyrýdy da myqtap qolǵa alǵan. Tálimgerler is-tájirıbe kezeńinde mamandyqtary boıynsha jumys oryndarynda ysylyp, kásipteriniń qyr-syryna qanyǵady.«Intergaz Ortalyq Azııa» AQ áleýmettik máseleni damytýǵa belsene atsalysýdy zor mártebe sanaıdy. Turaqty negizde bilim berý, densaýlyq saqtaý jáne turǵyn úı-kommýnaldyq sharýashylyq salalaryna qarjylaı járdem kórsetedi. Balalar úıleri men ózge de bilim mekemelerine qam­qorshylyq kómek qolyn sozady.Kompanııa óziniń on bes jyl­dyq tarıhynda elimizdiń ósý-órleý úrdisinen tys qalǵan joq. Qoǵam aldyndaǵy jaýapkershiligin jaqsy sezingen kásiporyn halyqty «kógildir otynmen» qamtamasyz etý jónindegi memlekettik ma­ńyz­dy mindetin abyroımen atqaryp, respýblıkadaǵy eń iri energetıkalyq kompanııalardyń qatarynan berik oryn aldy.Qol jetkizgen qyrýar tabystar – «Intergaz Ortalyq Azııa» aksıonerlik qoǵamy búkil ujymynyń qajyrly ári jasampaz jumystarynyń nátıjesi ekendigi sózsiz. Jumyskerlerdiń kásibıligi men joǵary biliktiligi kez kelgen jaǵdaılarda alda turǵan  mindetterdi sátti oryndap shyǵýǵa múmkindik beredi.«Intergaz Ortalyq Azııa» AQ otandyq munaı-gaz ındýstrııasynyń ozyq kásiporny retinde adam kapıtalyna da úlken mán-maǵyna berip, quptap otyrady. Mańyzdy máselege jumsaǵan ınvestısııalary qashanda maq­satty ári tıimdi. Osy arada kompanııa týraly túıindep aıta ketken oryndy sııaqty. «Intergaz Ortalyq Azııa» AQ 1997 jyldyń shilde aıynda qurylǵan bolatyn. Kompanııa óziniń konsessııasyna berilgen Qazaqstannyń gaz tasymaldaý júıesin tikeleı basqarady jáne «QazTransGaz» AQ (ol «QazMunaıGaz» UK» AQ-tyń enshiles kásiporny) kompanııalar toby quramyna kiredi. Kompanııa elimizde jyldyq ótkizý qabileti 190 mıllıard tekshe metrge deıingi uzyndyǵy 12 myń shaqyrymnan asatyn tasymaldaý gaz qubyrlarynyń negizgi jelisin baqylap, jumysyn tolyqtaı júzege asyrady.Marat AQQUL,«Egemen Qazaqstan».ALMATY.