Seısenbi, 22 qańtar 2013 7:07
Qazaqstan Respýblıkasy Prezıdenti N.Á.Nazarbaevtyń «Qazaqstan 2050» Strategııasy – qalyptasqan memlekettiń jańa saıası baǵyty» Joldaýy men «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» maqalasynda kórsetilgen halyqqa qoljetimdi ári sapaly kásiptik jáne tehnıkalyq bilim berý máseleleri boıynsha májilis depýtattary D.Nazarbaeva, G.Isimbaeva jáne G.Iqsanovanyń qatysýymen Almaty qalasynyń Áýezov aýdanyndaǵy kásiptik-tehnıkalyq oqý oryndarynyń basshylarymen jáne «Nur Otan» HDP Áýezov aýdandyq fılıalynyń bastaýysh partııa uıymynyń múshelerimen dóńgelek ústel ótti.
Seısenbi, 22 qańtar 2013 7:07
Qazaqstan Respýblıkasy Prezıdenti N.Á.Nazarbaevtyń «Qazaqstan 2050» Strategııasy – qalyptasqan memlekettiń jańa saıası baǵyty» Joldaýy men «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» maqalasynda kórsetilgen halyqqa qoljetimdi ári sapaly kásiptik jáne tehnıkalyq bilim berý máseleleri boıynsha májilis depýtattary D.Nazarbaeva, G.Isimbaeva jáne G.Iqsanovanyń qatysýymen Almaty qalasynyń Áýezov aýdanyndaǵy kásiptik-tehnıkalyq oqý oryndarynyń basshylarymen jáne «Nur Otan» HDP Áýezov aýdandyq fılıalynyń bastaýysh partııa uıymynyń múshelerimen dóńgelek ústel ótti.
Depýtattar Jańa tehnologııalar kolledjiniń birneshe kásiptik-tehnıkalyq bazasyn aralap, oqytýshylar men stýdent-jastar quramynyń jumysymen tanysty. Munda Úkimet tarapynan kásiptik baǵytta atqarylǵan nátıjeli jumystar men oqý ornynyń zaman talabyna saı mamandardy daıyndaýdaǵy jańashyldyǵy men iskerligi is júzinde tolyq kórsetildi. Sondaı-aq júzdesýde «Qazaqstan-2050» Strategııasynyń aıasynda jańadan jasalatyn áleýmettik standarttardyń máni, olardy tıimdi qoldanysqa engizýdi qamtamasyz etetin zań qabyldaý qajettigi aıryqsha ataldy.«Nur Otan» HDP Áýezov aýdandyq fılıaly tóraǵasynyń birinshi orynbasary Murat Omarov jańa tehnologııa kolledjiniń belsendi azamattaryn partııa músheligine qabyldaý men alǵys hattarmen marapattaý rásimin Májilis depýtaty Darıǵa Nazarbaevaǵa tapsyrdy. Saltanatty rásimnen keıin Darıǵa Nazarbaeva Elbasynyń Qazaqstan halqyna arnaǵan árbir Joldaýy elimiz azamattarynyń áleýmettik tolysýy men ómirin jaqsartýdy kózdeıtinin atap ótti. Jáne el halqynyń birligin, qoǵamdyq kelisim men toleranttylyqty nyǵaıtýda Elbasy aınalasyna toptasýynyń negizi bolyp tabylady. Sondyqtan bizde maqsat ta, jospar da, tapsyrma da bar, dedi depýtat.
***
Parlament Májilisiniń depýtaty, «Aq jol» QDP fraksııasynyń tóraǵasy Azat Perýashev Shymkentke keldi. Alǵashqy kezdesýin partııanyń oblystyq fılıalynyń keńsesinde ótkizgen ol jınalǵan partııa aktıvine Elbasy N.Nazarbaevtyń Joldaýy jóninde jan-jaqty aıtyp berdi.«Qazaqstan-2050» Strategııasy – elimizdiń qýatty memleketke aınalyp kele jatqanyn aıqyndaıtyn qujat. Máselen, salyq júıesindegi bizdiń aıtyp júrgen oılarymyz Joldaýda kórinis tapqan. Elimizdiń múddesine jumys isteýimiz kerek. Baı men kedeı arasyndaǵy alshaqtyqty joıý joldaryn ult zııalylary da oılastyrýlary qajet. Demografııa máselesi kúrdeli kúıinde qalyp otyr, dedi A.Perýashev.Kún tártibindegi máseleni talqylaýǵa «Aq jol» QDP Ońtústik Qazaqstan oblystyq fılıalynyń (OQOF) tóraǵasy A.Orman, OQOF tóraǵasynyń orynbasary A.Qarajanov, OQOF komıssııa tóraǵasy O.Omarov, oblystyq máslıhattyń depýtaty Q. Turlybek, «QazBilimJabdyqtaý» JShS dırektory Á.Syzdyqov, «Sý resýrstary marketıng» JShS jaýapty qyzmetkerleri B.Qulbek, B.Joldarov qatysty. Olar Elbasynyń «Qazaqstan-2050» Strategııasyn qyzý qoldaıtyndyqtaryn, alda turǵan úlken mindet damyǵan 30 eldiń qataryna qosylý ekenin bildirdi.Azat Turlybekuly qoıylǵan suraqtarǵa jaýap berip, ózekti máselelerge qatysty óz oı-pikirlerin bildirip, ony sheshýdiń joldaryn aıtty. Kezdesýdi qorytyndylaı kele, osynda kóterilgen máselelerdiń barlyǵy saraptalyp, tıisti sheshimder qabyldanatynyn jetkizdi. Partııa jetekshisi qatysýshylarmen qýanyshty jáıtti bólisti. 2012 jyldyń qorytyndysy boıynsha Ońtústik Qazaqstan oblystyq fılıaly úzdik fılıal dep tanylǵan. Partııa tóraǵasy arnaıy dıplomdy fılıal tóraǵasy Anarbek Ormanǵa saltanatty túrde tabys etti. Sonymen qatar, partııa belsendisi Musa Páteevke «Eren eńbegi úshin» medali tabystaldy.
***
Elbasy N. Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýyn túsindirý maqsatynda Mańǵystaý oblysyna kelgen Májilis depýtattary – QKHP fraksııasynyń múshesi J.Ahmetbekov Jańaózen qalasynda, S.Ospanov Jyńǵyldy aýylynda boldy.J.Ahmetbekov Jańaózen qalasymen japsarlas ornalasqan Teńge jáne Qyzylsaı aýyldarynda bolyp, turǵyndarmen kezdesti. Oqyrmandarymyz gazet arqyly habardar bolǵandaı, jýyrda ǵana bul eki aýyldyń árqaısysynda 300 oryndyq jańa mádenıet úıi, sondaı-aq Teńgede dárigerlik ambýlatorııa paıdalanýǵa berilip, qýanysh qushaǵynda otyrǵan edi.Kezdesýde Elbasy Joldaýy jaıly, «Halyq kommýnısteri» fraksııasynyń jumysy, Parlament Májilisiniń depýtaty retindegi óziniń atqarǵan qyzmeti týraly baıandaǵan J.Ahmetbekov ózi alǵash kelip turǵan Jańaózen qalasy týraly oń pikirin bildirdi.Al depýtat S.Ospanovtyń sapary Mańǵystaý aýdanynda órbidi. «Memleket basshysy Nursultan Nazarbaevtyń 2030 jylǵa deıingi Damý strategııasyn qabyldaýy – jas memleketimiz úshin tarıhı oqıǵa boldy. Biz búgin atalmysh strategııada belgilengen negizgi mindetterdiń óz merziminen buryn oryndalǵanyna kýá bolyp otyrmyz. «Qazaqstan-2050» Strategııasy – eldi eńseli isterge bastaıtyn basty baǵdarlamaǵa aınalatyn bolady», degen Serik Jámekuly Jyńǵyldy aýylyna úlken syımen kelipti. Jurtshylyqpen júzdesý barysynda depýtat osy jańalyqty jetkizip, jerlester qýanyshyn bólisti.Jyńǵyldydaǵy oblystaǵy az qamtylǵan otbasylar balalary tárbıelenetin ınternattyń irgetasy 1961 jyly qalanǵan. Tozyǵy jetken nysannyń osydan eki jyl buryn júrgizilgen saraptama qorytyndysy boıynsha apatty jaǵdaıda ekendigi anyqtalǵan. 2012 jyly osy aýdanǵa kelgende kóne mektep máselesimen tanysqan S.Ospanov ony tıisti oryndar quzyryna usynǵan bolatyn. Endi, mine, bul mektep buzylyp, respýblıkalyq bıýdjetten qaralǵan qarajatqa jańa mektep turǵyzylady eken.
***
Parlament Májilisiniń depýtaty, «Aq jol» demokratııalyq partııasynyń múshesi Azamat Ábildaev Almaty oblysynyń Balqash aýdanynda halyqpen kezdesti.
Depýtat Mııaly aýyldyq okrýginde ótkizgen kezdesýinde saılaýshylarǵa aldymen Elbasynyń Joldaýynda aıtylǵan Qazaqstannyń osy kúnge deıin baǵyndyrǵan belesterin jáne qazirgi jaǵdaıyn tereńnen taldap, elimizdiń damý perspektıvalaryna jeke-jeke toqtaldy. Halyq ózderine jasalyp jatqan qamqorlyqqa rızashylyqtaryn bildirdi. Kezdesýge aýdan ákiminiń orynbasary S.Smaǵulov, «Aq jol» partııasy Almaty oblystyq fılıaly tóraǵasynyń orynbasary Q.Qańtarbaev jáne 300-den asa adam qatysty.A.Ábildaev kelesi kezekte atbasyn Baqanas aýylyna burdy. Depýtat bul aýylda «О́tes» agrofırmasy ujymymen kezdesti. Ujymnyń atqaryp jatqan jumystarymen, «QazAgroqarjy» AQ qoldaýymen 5000 bas iri qarany bordaqylaýǵa arnalyp salynǵan keshenmen jáne arnaıy mal soıatyn sehtarmen tanysty. Qazirgi ýaqytta bul keshende 2000-ǵa jýyq iri qara bordaqylanýda.Depýtat Aqjar eldi mekeninde de jergilikti turǵyndarmen júzdesti. Kezdesý barysynda halyq qalaýlysy Elbasynyń halyqqa Joldaýyndaǵy basymdyqtar týraly keńinen áńgime qozǵady. Endi biz Elbasy júktegen mindetterdi oryndaý maqsatynda jumyla eńbek etýge tıispiz, dedi ol.A.Ábildaevtyń halyqpen júzdesýi Almaty oblysyndaǵy Qapshaǵaı qalasynda da ótti.
***
Parlament Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Qaıyrbek Súleımenov Astana qalalyq ardagerler uıymy belsendileriniń otyrysyna qatysty.Otyrysta Qazaqstan Respýblıkasynyń Prezıdenti Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýyna baılanysty máseleler qarastyrylyp, onyń sheńberinde Qaıyrbek Súleımenov baıandama jasady.Is-sharanyń nátıjesinde Prezıdent Joldaýyn qoldaıtyn belsendiler sheshimi qabyldandy.Basqosýǵa 200-den astam ardager men Astana qalasy ákiminiń orynbasary Aıda Balaeva qatysty.
***
Parlament Májilisiniń depýtaty, «Nur Otan» HDP fraksııasynyń múshesi Quralaı Qaraken Qazaqstan Respýblıkasynyń Prezıdenti N.Á.Nazarbaevtyń «Qazaqstan – 2050» Strategııasyn, ıaǵnı Qazaqstan halqyna Joldaýyn nasıhattaý jáne túsindirý maqsatynda Aqtóbe qalasynyń jedel medısınalyq járdem aýrýhanasynyń jáne Aqtóbe qalalyq №1 emhanasynyń ujymdarymen kezdesip, suraqtaryna jaýap berdi.Odan ári depýtat oblysta «Qoljetimdi baspana-2020» memlekettik baǵdarlamasyn júzege asyrý barysynda «Nur Otan» HDP Aqtóbe qalalyq fılıaly janyndaǵy partııalyq baqylaý komıssııasy «Nur Aqtóbe» shaǵyn aýdanynda qurǵan partııalyq baqylaý beketiniń ashylýyna qatysty.