Belsendilik – iske qýat

Belsendilik – iske qýat

Juma, 15 aqpan 2013 7:57

13-14 aqpanda «Nur Otan» halyqtyq-demokratııalyq partııasy  Tóraǵasynyń birinshi orynbasary Baýyrjan Baıbek jumys saparymen Qaraǵandy oblysynda bolyp,  birqatar áleýmettik-turmystyq nysandardy aralap kórdi. Jurtshylyq ókilderimen áńgimelesti.

 

Juma, 15 aqpan 2013 7:57

13-14 aqpanda «Nur Otan» halyqtyq-demokratııalyq partııasy  Tóraǵasynyń birinshi orynbasary Baýyrjan Baıbek jumys saparymen Qaraǵandy oblysynda bolyp,  birqatar áleýmettik-turmystyq nysandardy aralap kórdi. Jurtshylyq ókilderimen áńgimelesti.

Jaýapty qyzmetke taǵaıyn­dalǵannan keıingi oblys tynysymen tanysýǵa arnalǵan ekinshi sapardyń alǵashqy jumys kúninde B.Baıbek Temirtaýdaǵy kúrdeli jóndeýden ótýdegi balalar aýrýhanasyna bardy. Osynaý emdeý mekemesin jańartyp, qalpyna keltirý jumystary júrgizilip jat­qanyna birshama ýaqyt bolǵanymen, áli aıaqtalmaı keledi. Bul iske jaý­apty merdigerdiń júktelgen mindetin tıisinshe oryndamaýy sal­darynan aýrýhana búginde shek­teý­li jaǵdaıda jumys isteýge májbúr bolyp otyr. Oryn alǵan kemshilikter «Nur Otan» HDP qalalyq fılıalynyń partııalyq baqylaý boıynsha komıssııasy tarapynan anyqtaldy. Osy jóninde onyń tóraıymy Gúlnaz Mýsına jan-jaqty baıandady.

B.Baıbek partııanyń qalalyq máslıhattaǵy «Nur Otannyń» depýtattyq fraksııasyna atal­ǵan máselege erekshe nazar aýda­ryp, nysandaǵy jóndeý jumys­tarynyń jyl sońyna deıin qar­jy­landyrylýyn qarastyrýdy tap­syrdy.

Budan keıin B. Baıbek Tuńǵysh Prezıdenttiń tarıhı-mádenı ortalyǵynda oblystyq jastar uıymdary belsendilerimen, mektep oqýshylarymen kezdesti. Jas býynmen emen-jarqyn áńgime qozǵalyp, memleket tarapynan jarqyn bolashaqtaryna barlyq jaǵdaı jasalyp otyrǵany, osy qamqorlyq qadirin túsinip, baǵa­laı bilý jaıy sóz etildi. Temir­taýdyń Elbasy eńbek jolyn bas­tap, shyńdalý mektebinen ótken orta ekeni atala kelip, jańa býyn­nyń bilimi men tájirbıesine úlken úlgi bolarlyq úderisterdi damytý kerektigi aıtyldy.

Temirtaýdan soń sapar Abaı qalasynda jalǵasty. Munda «Nur Otan» HDP Tóraǵasy birinshi orynbasarynyń keletinin kúni buryn estigen jurt sońǵy ýaqytta jóndelgen úıler aldynda kútip turǵan edi. Olarmen «Turǵyn úı-kommýnaldyq sharýashylyǵyn jańǵyrtý» baǵdarlamasy týraly oı-pikirler almasyldy. Sol arqyly turǵyndardyń óz­de­ri turatyn meken-jaılardy, aýlalardy kórkeıtip, abattan­dyrýyna múmkindik keńdigi eske salyndy.

 

 

 

 

Jınalǵandar shahar­dyń mo­no­qala­lardy damytý baǵ­dar­la­masyna engizilýine rıza­lyq bil­dirip, bul rette atqarylýǵa tıisti is-sharalar jóninde birqatar saýal­dar qoıdy. Suraqtarǵa tolymdy jaýap berilip, bul sharanyń mán-mańy­zy túsindirildi. Sóz kezeginde oblys ákimi Baýyrjan Ábdishev atalǵan baǵdarlama aıasynda qalanyń keleshegi kemeldene túsetindigin, qazir bos turǵan eski úıler ornyna jańa turǵyn jaılar salynatyndyǵyn, óndiris oryndary ashylyp, jastardyń eńbekke qamtylýyna odan saıyn jol ashylatyndyǵyn baıandap berdi.

Bul kezdesýden keıin B. Baıbek Abaı aýdany ákiminiń halyq al­dyn­daǵy esep berý jınalysyna qatysty.

Jumys saparynyń ekinshi kúnin­de B.Baıbek «Nur Otan» halyq­tyq-demo­kra­tııa­lyq partııa­sy oblystyq fılıaly­nyń kezek­ten tys 17 konferensııasyna qaty­syp, fılıal tóraǵalyǵyna aımaq basshylyǵyna jańadan taǵaıyn­dalǵan Baýyrjan Áb­di­shev­tiń kandıdatýrasy uıǵa­rylǵanyn jetkizdi. Delegattar usy­nysty qoldap, biraýyzdan daýys berdi.

Konferensııaǵa qatysýshylar aldynda sóılegen sózinde B.Baı­bek partııa jumysynyń taıaý ara­daǵy negizgi basymdyqtaryn, óńirlerdegi is-qyzmetin kúsheıtý, qoǵamnyń bılikke senimin arttyrý, memlekettik baǵdarlamalardyń júzege asyrylýyn baqylaý jáne jastarmen jumys jasaýdy nyǵaıtý qajettigin atap kórsetti. Sonymen birge, jergilikti máslı­hat­tardaǵy «Nur Otan» partııa­synyń depýtattyq fraksııalary saılaýaldy baǵdarlamanyń oryndalýyn baqylaýǵa alyp, bul jaıtty udaıy basty nazarda ustaýy kerektigin qaperge saldy. Aldaǵy ýaqytta barlyq óńirlerde ótkiziletin aýyl ákimderiniń saılaýynda partııanyń depýtattary mańyzdy ról atqaratyndyǵy ataldy.

Baýyrjan Qadyrǵalıuly son­daı-aq jemqorlyqqa qarsy kúresti kúsheıtý, partııa músheleri jaýapkershiligin kóterý, par­tııa­lyq tártiptilikke taza bolýdy qa­lyp­tastyrý, partııalyq ba­qy­laýdyń pár­mendiligin arttyrý máselelerine erekshe mán berilýi kerektigin sóz etti. Damý men jań­ǵyrýdyń jańa jolyndaǵy eli­mizdiń aldyna qoıylǵan mindet­terdi, Elbasynyń tapsyrmalaryn tyndyrymdy, múltiksiz oryndaýda nurotandyqtardyń bastamashyl, talapshyl, eńbekshil bolýy, qoǵamdyq ómirdiń aldyńǵy shebinen tabylýy tıis ekendigi qadap aıtyldy.

Aıqyn NESIPBAI,

«Egemen Qazaqstan».

QARAǴANDY.