Juma, 1 naýryz 2013 7:59
Bul jolǵy kezdesý barysynda EO men «altylyq» memleketteri ókilderi Irannyń ıadrolyq baǵdarlamasyn retteýge qatysty jańa usynystaryn jarııalady. Iаǵnı, «altylyq» ókilderi Iranǵa ıadrolyq baǵdarlamasyna qatysty ashyq aqparat berýdi talap etip, eger kelisimge qol jetken jaǵdaıda Batys memleketteri tarapynan qoıylǵan birqatar sanksııalardyń alynatyndyǵy jóninde málimdeldi. Almatyda ótetin kelesi kezdesýge deıin Iran tarapy usynystardy qarastyryp, sheshim qabyldaýy tıis.
Juma, 1 naýryz 2013 7:59
Bul jolǵy kezdesý barysynda EO men «altylyq» memleketteri ókilderi Irannyń ıadrolyq baǵdarlamasyn retteýge qatysty jańa usynystaryn jarııalady. Iаǵnı, «altylyq» ókilderi Iranǵa ıadrolyq baǵdarlamasyna qatysty ashyq aqparat berýdi talap etip, eger kelisimge qol jetken jaǵdaıda Batys memleketteri tarapynan qoıylǵan birqatar sanksııalardyń alynatyndyǵy jóninde málimdeldi. Almatyda ótetin kelesi kezdesýge deıin Iran tarapy usynystardy qarastyryp, sheshim qabyldaýy tıis.
Iran tarapy da «altylyqpen» naqty kelisimderge kelýge daıyn ekendigin jáne bul máseleni kúsh kórsetý arqyly sheshýge bolmaıtyndyǵyn aıtyp otyr. Joǵary deńgeıdegi kelesi kezdesý sáýir aıynda Almatyda ótpek, oǵan deıin sarapshylar deńgeıinde kezdesýler ótip, naqty qadamdar jasalmaq.
Irannyń ıadrolyq baǵdarlamasy jónindegi Almatydaǵy kelissózder belgili bir deńgeıde nátıjeli boldy dep aıtsaq, aqıqattan tym alshaq ketpeımiz. Bul joly taraptardyń ózara túsinistikke jáne bir-birine degen senimniń artýyna beıbit, dıplomatııalyq jolmen qadam jasaýyna múmkindik týdy. Qazaqstan máseleni talqylaýǵa tikeleı aralaspasa da, onyń nátıjeli ótýi úshin barlyq jaǵdaıdy týǵyzyp, Elbasy Nursultan Nazarbaev kelissózderdiń teń tóraǵalarymen kezdesip, olarǵa tabys tiledi.
Kúrmeýi qıyn kúrdeli máselede taraptardy bir ústeldiń basyna otyrǵyzyp, negizgi máseleler boıynsha pikir almasýǵa qol jetkizý – úlken tabys. Al bul iske ıadrolyq qarýdan óz erkimen bas tartqan bizdiń elimizdiń úles qosýyn da aıtarlyqtaı jetistik dep baǵalaýǵa ábden bolady.
Qazaqstannyń kúrdeli jahandyq máselelerdi talqylaýdaǵy jınaqtaǵan mol tájirıbesi bul úderistiń oń sheshilýine óz yqpalyn tıgizedi dep úmitteneıik.
Nurlan SEIDIN,
Bilim jáne ǵylym mınıstrligi Ǵylym komıtetiniń
«Ǵylym ordasy» respýblıkalyq memlekettik kásiporny
bas dırektorynyń orynbasary, saıasattanýshy.