Oblystyq Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, óńirde turǵyndardy qysqa merzimde oqytyp, jumyspen qamtýǵa baǵyttalǵan «Eńbek» memlekettik baǵdarlamasyn júzege asyrý júrgizilýde.
Shilde aıynda respýblıkalyq bıýdjet komıssııasy elimizde 54 myń adamnyń qysqa merzimdi bilim alýy úshin 7,9 mlrd teńge jáne 5,7 mlrd teńge kóleminde shákirtaqy bólgen.
Bul rette óńir turǵyndarynyń oqýyna 549,8 mln teńge men shákirtaqyǵa 150,3 mln teńge qarastyrylyp otyr. Jyl sońynan deıin atalmysh qarjyǵa 2300 adam bilim alady.
Biraq, Baıanaýyl, Ýspen, Maı, Aqqýly aýdandary belgilengen jospardy oryndaı almaǵan.
Al buǵan turǵyndar arasynda túsindirý jumystarynyń az júrgiziletini men qysqa merzimdi oqýdy bitirip shyqqandardyń jumysqa ornalasa almaýy sebep bolýda.
Basqarmanyń málimetinshe, óńirdegi «Eńbek» memlekettik baǵdarlamasynyń birinshi baǵyty boıynsha bıylǵy 1 qyrkúıekten bastap 1035 adam tehnıkalyq jáne kásiptik bilimdi alady dep josparlanǵan.
О́tken jyly oqýǵa túsken 191 adam tehnıkalyq jáne kásiptik oqýdy bitirip, 131-i jumysqa ornalasqan.
Sondyqtan eńbek naryǵynda suranysqa ıe mamandyqtar boıynsha qysqa merzimdi kásiptik oqytýǵa 1349 adamdy jiberý josparlanǵan.
Bıyl oqýdy 680 adam bitirip, 122-si jumysqa ornalasqan. Jumysqa ornalasa almaǵandardyń sebebi dárigerlik tekseristen ótý men qajetti qujattardy jınaýǵa ketetin ýaqyt.
Baǵdarlamanyń ekinshi baǵyty «Bastaý-Bıznes» jobasy boıynsha 965 adam bilim alǵan. Onyń ishinde 900 adam oqýdy aıaqtap, 819-y bıznes jobalaryn qorǵap shyqqan. Jyl sońyna deıin taǵy 1500 adam oqýmen qamtylmaq.
Al turǵyndardy eńbekpen qamtý mańyzdy másele. Memleket turǵyndardyń bilim alyp, eńbek etýine jaǵdaı jasap otyr.
Sondyqtan baǵdarlama jóninde jurtshylyq arasynda úgit-nasıhat jumystaryn júrgizilýi qajet-aq.
PAVLODAR