22-24 tamyz aralyǵynda jańbyr jaýyp, temperatýra tómendeıdi. Bul týraly «Qazgıdromet» RMK habarlady.
«Respýblıkanyń soltústiginde jańbyr jáne temperatýranyń tómendeýin týdyrǵan sýyq atmosferalyq front, ońtústik baǵytta jyljýyn jalǵastyrady. Bul frontpen aldaǵy eki táýlikte soltústik, ortalyq jáne shyǵys oblystarynda jańbyr, keı jerlerde qatty jańbyr, naızaǵaı kútiledi, jeldiń daýyldy kúsheıýi jáne burshaq jaýýy yqtımal. Sondaı-aq ońtústikte jáne jeke aımaqtarda naızaǵaımen ótkinshi jańbyr jaýýy yqtımal. Al ońtústik-shyǵysta naızaǵaımen jańbyr, taýly jáne taý bókteri aımaqtarynda qatty jańbyr jáne boljanatyn aralyqtyń ishinde burshaq jaýýy yqtımal. Tek batys jáne ońtústik-batysta jaýyn-shashynsyz jáne aýa temperatýrasy burynǵydaı klımattyq normadan 3…5°S joǵary», delingen habarlamada.