Juma, 15 naýryz 2013 2:11
Almaty, Batys Qazaqstan jáne Qaraǵandy oblystarynda «Elimniń taǵdyry – meniń taǵdyrym!» aımaqtyq forýmy ótti. Is-sharanyń basty maqsaty: zamandastarymyzdyń pozıtıvti dúnıetanymy men jasampaz kúshin aıǵaqtaıtyn Qazaqstan Respýblıkasy azamattarynyń jetistikteri tarıhyn ashyp kórsetý; Elbasy – Qazaqstan Respýblıkasynyń Prezıdenti Nursultan Nazarbaev strategııasynyń jańa táýelsiz memleket ornatýdaǵy tabysyn otandastarymyzdyń taǵdyry arqyly kórsetý.
Juma, 15 naýryz 2013 2:11
Almaty, Batys Qazaqstan jáne Qaraǵandy oblystarynda «Elimniń taǵdyry – meniń taǵdyrym!» aımaqtyq forýmy ótti. Is-sharanyń basty maqsaty: zamandastarymyzdyń pozıtıvti dúnıetanymy men jasampaz kúshin aıǵaqtaıtyn Qazaqstan Respýblıkasy azamattarynyń jetistikteri tarıhyn ashyp kórsetý; Elbasy – Qazaqstan Respýblıkasynyń Prezıdenti Nursultan Nazarbaev strategııasynyń jańa táýelsiz memleket ornatýdaǵy tabysyn otandastarymyzdyń taǵdyry arqyly kórsetý.
Forýmnyń estafetasyn Almaty oblysynda Kerbulaq, Uıǵyr jáne Panfılov aýdandary qabyldady. Búgingi kúnniń mundaǵy erleriniń qatarynda Almaty oblysynyń qurmetti azamaty Tólendi Sarybaev, Uıǵyr aýdandyq «Ardagerler» uıymy janyndaǵy ájeler alqasynyń tóraıymy Raıa Sartolova, Panfılov aýdandyq ardagerler keńesiniń tóraǵasy Saǵymbek Úshbaev, Uıǵyr aýdandyq «Ardagerler» uıymynyń tóraǵasy Nýrvıag Seıitov, Qonaev atyndaǵy orta mekteptiń dırektory, Kerbulaq aýdanynyń qurmetti azamaty Kúlásh Merenbaeva, aýdandyq uıǵyr etnomádenı birlestiginiń tóraǵasy Raqymjan Tohtahýnov, Panfılov aýdany bilim bóliminiń bastyǵy Baǵıra Jazylbekova, Panfılov aýdany ortalyq aýrýhanasynyń bas dárigeri Tóleý Sarpekov, Kerbulaq aýdany jumyspen qamtý ortalyǵynyń bas mamany, II respýblıkalyq «Jas Otan» JQ seziniń delegaty Janarym Hamıdýllaeva, Jarkent gýmanıtarlyq-tehnıkalyq kolledjiniń oqytýshysy, jas maman Erjan Isaev, Saryózek orta mektebiniń «Altyn belgiden» úmitker 11 synyp oqýshysy Zere Maratqyzy jáne t.b. boldy.
«Men Qazaqstanda dúnıege kelip, osynda óstim, – dep bastady óz ómiri jaıly sóz alǵan Shonjy aýyly №1 orta mektebi dırektorynyń orynbasary, Bilim berý isiniń úzdigi Ekaterına Kojevnıkova. – Eńbek jolymdy Shonjyda bastadym. Mektepte jumys istedim. Qazirgi kezde ótken kún men búgingi kúnniń ózgerisin salystyryp qaraımyn. Bilim berý júıesiniń qalaı ózgeriske túsip jatqanyn, ómirimizge qandaı jobalar engenin, balalardyń qalaı ósip kele jatqanyn zor qanaǵatpen qabyldaımyn! Shyn máninde, tolyqqandy bilimge qol jetkizbegen kez kelgen ult álemdik úderisterdiń ıntellektýaldy shekarasynda qalyp qoıady da, al memleket eshqashan oljaly bola almaıdy. Sonymen birge, jahandanýdyń búgingi talabynda bilim ulttyń kúsh-qýaty men dáýletin anyqtaıtyn faktorǵa aınalýda. Bul basymdyqty elimizdiń Prezıdenti Nursultan Ábishuly Nazarbaev ta árdaıym aıtyp keledi.
О́zimniń Qazaqstan Respýblıkasynyń azamaty bolǵanym keýdeme zor maqtanysh sezimin uıalatady. Búginde bizdiń ekonomıkamyz ósip keledi, adamdardyń ál-aýqaty jaqsara túsken, jańa óndiris oryndary ashylyp jatyr. Prezıdenttiń barlyq jobasy men jospary iske asyp jatyr, óıtkeni, onyń artynda bizdiń tutas halqymyz tur.
Árbir eliniń patrıoty memleketiniń jarqyn bolashaǵyna sheksiz senip qana qoımaýy kerek, sondaı-aq bolashaqqa aparatyn joldyń dańǵyl da sara bolýy úshin aıanbaı bar kúsh-jigerin jumsaýy kerek».
«Búgingi forým aýdan jastarynyń ǵana emes, Qazaqstannyń barlyq azamattarynyń keýdesindegi patrıottyq sezimderin arttyratynyna senimdimin. Sondyqtan óz atymnan elimizdiń bolashaǵy – jas jetkinshekterge aıtarym, qandaı jaǵdaı bolsa da, elimizdiń qaýipsizdigin, tynyshtyǵyn, bolashaǵyn saqtaý men Otanymyzdy qorǵaý jolynda kúsh-jigerimizdi aıamaıyq!», – dedi jınalǵandardy otanshyldyqqa shaqyrǵan №2534 áskerı bólimniń áskerı qyzmetkeri Mehrıshat Ashımahýnov. Bul jaı aıtyla salǵan sóz emes edi. M.Ashımahýnov 2010 jyly shekara buzýshylardy qolǵa túsirý barysynda jaraqattanyp, keıin «Jaýyngerlik erligi úshin» medalimen marapattalǵan bolatyn.
О́z jetistikteriniń tarıhynan syr shertken árbir spıkerler elimizdiń basty baılyǵy – beıbitshilik pen kelisimde jatqanyn atap kórsetti, shynyn aıtqanda, qazirgi tańdaǵy kisi tańdanarlyq jetistikterge onsyz qol jetkizý qıyn bolar edi.
«Qazaqstanǵa kelgen sátimnen bastap aldymnan shyqqan qıyndyqtarǵa qaramastan, kóptegen qazaqstandyqtardyń, sonyń ishinde meniń de, otbasymnyń da týǵan jerindeı bolyp Otanymyzǵa aınalyp úlgergen osynaý qasıetti jerde ómir súrip jatqanyma eshqashan ókingen emespin, – degen ustanymyn ortaǵa saldy №2091 áskerı bólimi komandıriniń orynbasary, Don oblysynyń týmasy I.Polozenko. – Árdaıym ózim qoldaǵan, áli de qoldaı beretin Prezıdenttiń danalyǵy men shynaıy kúsh-jigerine senip, Qazaqstan halqymen birge ne kórsem de birge kóreıin dep bel býdym. Oǵan kóz aldymyzdaǵy halyqtyń ál-aýqaty men ekonomıkanyń ósýi, halyqaralyq arenadaǵy bedelimiz, árbir otandastarymyzǵa degen qamqorlyq, eńbek pen shyǵarmashylyqqa berilgen erkindik, elimizdiń bolashaq urpaqtarynyń ıgiligine degen tynyshtyqqa kýá bolyp otyrǵanymyzdy aıtýǵa bolady».
* * *
«Elimniń taǵdyry – meniń taǵdyrym!» aımaqtyq forýmy Batys Qazaqstanda birinshi bolyp Jánibek aýdanynda ótti. Osynaý saltanatty sharaǵa aýdannyń tanymal adamdary, memorgan ókilderi, ÚEU, ıntellıgensııa men jastar shaqyryldy. Eliniń taǵdyrymen sabaqtasqan ǵumyry týraly aýdandyq ardagerler keńesiniń tóraǵasy Beket Álipqalıev, aýdandyq máslıhat depýtaty, E.Nıetqalıev atyndaǵy orta mekteptiń dırektory Toqtaǵan Úmitaeva, «Zdorove» JShS dırektory Nına Dýıýnova, T.Jarokov atyndaǵy orta mekteptiń hımııa páni muǵalimi Mırasbek Tóreshov pen aýdandyq jasóspirimder men balalardyń sport mektebiniń aǵa jattyqtyrýshysy Syrym Baıysov qatysty.
«…Dárihanalyq isimen aınalysa bastaǵan kezde, qıyndyqtar az bolǵan joq, – dep eske alady kásipkerlik jolyndaǵy alǵashqy qadamdaryn eske túsirgen N. Dýıýnova. – Bıznesti damytý túrli memorgandardyń basshylary men qarapaıym turǵyndardyń ózara túsinistigi men kómek kórsetýine jol ashty. Buǵan, ásirese, dárihanam órtenip ketkende anyq kózim jetti. Sol kezde maǵan túrli ult ókilderi men kásip ıeleri qoldaý kórsetti. Sonda men bizdiń halqymyzdyń dostyǵy men birliginiń berik ekenin naqty uqtym. Osyndaı myqty halyqpen birge kez kelgen shyńdy baǵyndyrýǵa bolady!»
* * *
Bul kúni Otanǵa degen eń bıik mahabbaty týraly Qaraǵandy oblysynyń Aqtoǵaı aýdanynda aýdan ákimi, aýǵan soǵysynyń ardageri Qaırat Nókesh, aýdandyq ardagerler keńesiniń tóraǵasy Mádenıet Sátekov pen eńbek ardageri Torǵaı Aqpanbaeva, Aqtoǵaı arheologııalyq-etnografııalyq murajaıynyń dırektory Tuńǵyshbaı Muqan, aýdandyq jastarmen jumys jasaý ortalyǵynyń bas mamany, aýdandyq máslıhattyń depýtaty, «Jas Otan» JQ atqarýshy hatshysy Mıras Qasymhan sóz sóıledi.
«Bar degen ońalady, joq degen joǵalady» degen babalar sózin de esten shyǵarmaǵan jón, – dedi el aldynda sóz alǵan M. Qasymhan. – Bir kún ash, bir kún toq bolsań da týǵan jerińde keýdeńdi kere demalyp júrgenge eshteńe jetpeıdi. Qazaqstannyń aldaǵy asýlardan súrinbeı ótýi úshin jastardan qashanda belsendilik kútiledi. Jumylsaq judyryq, ashylsaq alaqan bolsaq, bizdi eshqandaı daý da, eshqandaı jaý da ala almasy anyq. Biz, jastar elimizdiń qoǵamdyq ómirine belsene aralasyp, onyń órkendeýine úlesimizdi qosýǵa tıistimiz! О́ıtkeni, bizdiń bolashaǵymyz tikeleı osyǵan baılanysty!».
Eske sala ketsek, birinshi respýblıkalyq «Elimniń taǵdyry – meniń taǵdyrym!» forýmy 2012 jyldyń shildesinde, elorda kúni qarsańynda Astanada ótkizilgen bolatyn. Is-sharanyń bastamashysy jáne uıymdastyrýshysy kópfýnksııaly ǵylymı-taldamalyq jáne gýmanıtarlyq-aǵartýshylyq «Nazarbaev ortalyǵy» memlekettik mekemesi boldy. Forým qoǵamda keńinen rezonans týǵyzyp, ony endigi kezekte jyl saıyn eldiń barlyq aımaqtarynda ótkizý týraly sheshim qabyldandy.
Aımaqtyq forým eki kezeńde ótkiziledi: birinshisi – aýdandyq deńgeıde, ekinshisi – oblystyq, Astana jáne Almaty qalalary deńgeıinde. Elorda kúni qarsańynda Astanada ótkiziletin «Elimniń taǵdyry – meniń taǵdyrym!» ekinshi respýblıkalyq forýmyna qatysýǵa laıyqty degenderi joldama alady.
Sáýlebek KО́KShEULY.