Elorda ákimi Altaı Kólginov «Baspana-Kóktal» kesheniniń turǵyndarymen kezdesti. Bul týraly ákimdiktiń baspasóz qyzmeti habarlady.
Atalǵan turǵyn-úı kesheni tórt jyl buryn problemalyq dep tanylǵan. О́z páterlerin 500-den astam adam kútip júr.
Ákim nysanǵa sońǵy kelgen sátten beri obekt qurylysy bekitilip, úı saraptamadan ótti. Qurylys salýshynyń sózi boıynsha, úıdi árleý boıynsha ishki jumystar kóktemde bastalady. Sonymen qatar ınjenerlik jeliler júrgiziledi.
Qala ákimi A. Kólginov TK qurylysynyń barysy únemi qadaǵalaýda bolatynyn atap ótti.
«Eń bastysy, merdiger anyqtaldy. Memleket aqsha bóldi. TK qurylysyn «Elorda qurylys» kompanııasy «Nurly jer» baǵdarlamasy boıynsha aıaqtaıtyn bolady. Sýyq túskenge deıin birinshi kezekte úıdiń shatyry boıynsha jumystardy aıaqtaý kerek. Qoldaryńyzda úıdi elektr energııasyna, sýmen jabdyqtaýǵa jáne sý burýǵa qosý qujattary, sondaı-aq aýmaqty abattandyrý jobasy bolýy tıis»,- dedi A. Kúlginov.
Qalada barlyǵy 51 aıaqtalmaǵan obekt bar (76 úı). Jyl sońyna deıin 10 turǵyn úı kesheni paıdalanýǵa beriledi.