Qarjy mınıstrliginiń Memlekettik kirister komıteti jyl basynan beri 2,9 mlrd teńge kóleminde qaryzdyń negizgi somasyn tólegen 114 849 jeke tulǵaǵa qatysty 688,3 mln teńge ósimpuldy esepten shyǵardy.
Komıtettiń habarlaýynsha, 1,4 mıllıonǵa jýyq adam raqymshylyqqa iligip, 13,9 mlrd teńge kóleminde qaryzdyń negizgi somasyn tólegen jaǵdaıda, 6,3 mlrd teńge kóleminde ósimpul esepten shyǵarylýǵa tıis.
2019 jylǵy 13-14 tamyzda barlyq aýmaqtyq departamentter ósimpuldardy esepten shyǵarý boıynsha komıssııa qurý týraly buıryq shyǵarǵan bolatyn. Salyq qaryzyn Memlekettik kirister komıtetiniń www.kgd.gov.kz resmı saıtynda «Salyq qaryzynyń bolýy/bolmaýy týraly aqparat» bóliminde tekserýge bolatynyn aıta keteıik.
Bıyl 3 shildede Qazaqstan Respýblıkasynyń «Salyq jáne bıýdjetke tólenetin basqa da mindetti tólemder týraly» kodeksine 2019 jylǵy 3 shildede jeke tulǵalarǵa salyqtyq raqymshylyq jasaýǵa múmkindik beretin ózgertýler engizilgeni belgili. Bul túzetýler 2019 jyldyń 16 shildesinde kúshine endi. Sondaı-aq bıyldan bastap Qarjy mınıstriniń tıisti buıryǵy boıynsha О́simpul somalaryn esepten shyǵarý erejeleri jarııalandy. Premer-Mınıstrdiń birinshi orynbasary – Qarjy mınıstri 2019 jylǵy 9 shildede bekitken Jeke tulǵalarǵa salyqtyq raqymshylyq jasaý boıynsha Jol kartasy jasalyp, Memlekettik kirister komıtetine ony júzege asyrý mindeti júkteldi.