Ulan aýdany Asýbulaq kentindegi jalǵyzbasty ana Ásııa Qalıevaǵaǵa 4 bólmeli úı berildi.
QMDB «Zeket» qorynyń О́skemen aımaqtyq bóliminiń uıytqy bolýymen Ulan aýdany Asýbulaq kentindegi jalǵyzbasty ana Ásııa Qalıevaǵaǵa 4 bólmeli úı berildi. Igi sharaǵa oblystyq «Halıfa Altaı» meshitiniń Is basqarýshysy B.Kádirov, «Zeket» qorynyń ókili Qýat Amanbol, oblystyq «Halıfa Altaı» meshitiniń naıb ımamy Zaýatbek Saılaýuly jáne Ulan aýdany ákimdiginiń qyzmetkerleri men kásipkerler, aýyl turǵyndary qatysty. «Qazaqstan musylmandary dinı basqarmasy «El úlesi-páterge» aksııasyn jarııalaǵan bolatyn. Osy aksııanyń nátıjesinde elimiz kóleminde qysqa merzim ishinde 125 otbasy baspanaly bolyp jatyr. Bul úı Shyǵys óńirde berilip jatqan 5-shi baspana, biz baspanaǵa muqtaj osy otbasyny ádeıi tańdap, Alla razylyǵy úshin qaıyrymdylyq sharasyna qamtyp otyrmyz» dedi baspanany tabys etý saltanatynda «Zeket» qorynyń О́skemen aımaǵy boıynsha ókili Amanbol Qýatuly.
Jınalǵan halyqtyń aldynda Asýbulaq kentiniń turǵyny, jalǵyzbasty ana Kalıeva Asııaǵa 4 bólmeli úı tabys etildi. «Igi is-sharaǵa arnaıy qatysqan Asbulaq kentiniń ákimi osyndaı ıgi jobany uıymdastyryp jatqan ókildikke shynaıy alǵys bildirdi. Baspanaǵa ıe bolǵan otbasyndaǵy aq jaýlyqty ana ókildikke, «Zeket» qoryna rahmetin aıtyp, shashý shashty. Baspanaǵa ıe bolǵan Á.Qalıeva otbasyndaǵy qýanyshty kent turǵyndary bólisip, qazaq dástúrimen kórimdik berip, aq dastarhan jaıylyp, kóńildi merekege jalǵasty. «El úlesi-páterge» jobasy óńirde aldaǵy ýaqytta da jalǵasyn tabatyn bolady» delingen oblystyq «Halıfa Altaı» meshitiniń baspasóz qyzmeti taratqan málimette.
Shyǵys Qazaqstan oblysy,
Ulan aýdany