«Sýperkolledj» jobasy túlekterdiń biliktiligin kóterýmen qatar, mamandardy kompanııanyń qajettiligine saı aldyn ala oqytý maqsatynda ázirlengen.
KAZ Minerals Aktogay kompanııasy taý-ken salasyna jas mamandardy daıyndaýǵa belsene qatysýda. Osy rette oblysta «Sýperkolledj» degen ortaq ataýmen bilim berý salasynyń birneshe jobasy iske qosyldy. Bólingen qarajat kólemi - 535 mln teńge.
«Sýperkolledj» jobasy túlekterdiń biliktiligin kóterýmen qatar, mamandardy kompanııanyń qajettiligine saı aldyn ala oqytý maqsatynda ázirlengen. Jańa tehnologııalarmen jáne tehnıkamen jabdyqtalǵan Aqtoǵaı KBK-nde jumys arnaıy daıyndyqty qajet etedi. Oqý oryndarymen jasalǵan kelisimge sáıkes bul daıyndyq ken ornyna iriktelgenge deıin aldyn ala ótkiziledi.
Kompanııa О́skemen jáne Aıagóz qalalaryndaǵy kolledjderdiń oqý synyptaryn jańǵyrtyp, Aıagóz aýdanynyń keıbir balabaqshalary men mektepterine jóndeý jumystaryn júrgizdi, jabdyqtar satyp aldy, balalar men sport alańdaryn saldy.
Keshe oblys ortalyǵyndaǵy úsh birdeı bilim ordasynda jańartylǵan oqý synyptary ashyldy. О́skemen kópsalaly tehnıkalyq kolledjinde 252,6 mln teńgege taý-ken jabdyqtaryna qyzmet kórsetý jáne jóndeý slesarlarynyń oqý synyby, praktıkalyq sabaqtar synyby, dánekerleýshilerge, elektrmonterlerge, BО́Q jáne A slesarlaryna arnalǵan oqý synyptary qaıta jaraqtandyrylyp, demonstrasııalyq jáne basqa da qajetti jabdyqtar ornatyldy. Sonymen qatar, kompanııa oqý ornyna JCB 8035 ekskavator-tıegishin, New Holland C227 shynjyr tabandy mını-tıegishin, Mitsubishi L-200 avtokóligin usyndy.
Al S.Amanjolov atyndaǵy ShQMÝ-niń joǵary kolledjinde 22,2 mln teńgege hımııalyq taldaý laboranttaryna arnalǵan oqý synyby jabdyqtaldy. Interaktıvti jáne tehnıkalyq oqytý quraldary, tabıǵı kolleksııalar, oqý plakattary, quraldar, beınefılmder, demonstrasııalyq jáne zerthanalyq aspaptar, hımııalyq reaktıvter men ydystar jıyntyǵy, ústelder men oryndyqtar jetkizildi. Sondaı-aq, kompanııa qarajaty esebinen 6,1 mln teńge somasyna kolledjde oqyp, óndiristik jáne dıplomaldy tájirıbeden ótý úshin stýdentterge 15 grant bólindi. Olar dıplom alǵannan keıin Aqtoǵaı KBK-ne jumysqa ornalasady.
D.Serikbaev atyndaǵy ShQMTÝ-niń joǵary tehnıkalyq kolledjinde 14,7 mln teńgege "Paıdaly qazbalardy baıytý" mamandyǵyna arnalǵan oqý synyby jabdyqtaldy: úgitý, usaqtaý, flotasııa, qoıýlandyrý úderisteri boıynsha oqytý baǵdarlamasynda qarastyrylǵan zerthanalyq-tájirıbelik jumystarǵa arnalǵan jabdyqtar ornatyldy. Munda (ShQMÝ joǵary kolledjine uqsas) 6,3 mln teńge somasyna 15 grant bólinip, dıplom berýdi kózdeıtin 10 aılyq oqytý baǵdarlamasy iske qosyldy. Aıagóz qalasynyń polıtehnıkalyq kolledjinde dánekerleýshiler men elektrmonterlerge arnalǵan oqý synyptary 49,9 mln teńge somasyna jóndelip, jabdyqtaldy. Sondaı-aq, "KAZ Minerals Aktogay" JShS eki jyl qatarynan Aıagóz aýdanynyń mektep túlekterine arnalǵan bilim granttaryn bólip keledi. Grant somasyna oqý quny, shákirtaqy jáne jataqhanada turý aqysy kiredi.
Kompanııa joǵary oqý oryndarynyń túlekterine arnalǵan taǵylymdama baǵdarlamasyn iske asyrýda. Onyń aıasynda jas mamandar aqyly taǵylymdamadan ótip, keıin Aqtoǵaı KBK komandasynyń múshesi bola alady. Baǵdarlama ekinshi jyl jumys istep keledi. Aıagóz aýdanynda kompanııa 178 mln teńgeden astam somaǵa birneshe mektepter men balabaqshalardyń ǵımarattaryn jóndeýden ótkizip, balalar men sport alańdaryn salyp berdi. «Aqtoǵaı KBK-da jańa jabdyqtar ornatylǵan jáne óndiristiń zamanaýı tehnologııalary qoldanylady. Biz kompanııanyń talaptaryna jaýap beretin jas mamandardy oqytýǵa asa múddelimiz. Ol úshin biz «Sýperkolledj» atty jobany iske qostyq. Oqý oryndarynyń basshylary bizdi qoldaǵanyna qýanyshtymyz. Sonymen qatar, Aıagóz aýdanynda mektepter men balabaqshalardy qaıta jabdyqtaý jumystary júrgizilýde. Bul bizdiń korporatıvtik áleýmettik jaýapkershiligimizdiń basym baǵyttarynyń biri" deıdi "KAZ Minerals Aktogay" JShS qyzmetkerlermen jumys basqarmasynyń bastyǵy Baýyrjan Ábilqasymuly.
О́SKEMEN