Qazaqstan Respýblıkasy Aýyl sharýashylyǵy mınıstrliginiń buıryǵy №18-02/599
Sársenbi, 23 qańtar 2013 6:03 2012 jylǵy 26 qarasha, Astana qalasy«Balyq resýrstary jáne basqa da sý janýarlaryn aýlap alý, sý aıdynyndaǵy kásipshilik jaǵdaı,berilgen joldamalar týraly málimetterdi ýákiletti organǵa usyný erejesin bekitý týraly» Qazaqstan Respýblıkasy Aýyl sharýashylyǵy mınıstriniń 2010 jylǵy 19 naýryzdaǵy №185 buıryǵyna ózgerister engizý týraly
Sársenbi, 23 qańtar 2013 6:03 2012 jylǵy 26 qarasha, Astana qalasy«Balyq resýrstary jáne basqa da sý janýarlaryn aýlap alý, sý aıdynyndaǵy kásipshilik jaǵdaı,berilgen joldamalar týraly málimetterdi ýákiletti organǵa usyný erejesin bekitý týraly» Qazaqstan Respýblıkasy Aýyl sharýashylyǵy mınıstriniń 2010 jylǵy 19 naýryzdaǵy №185 buıryǵyna ózgerister engizý týraly «Normatıvtik quqyqtyq aktiler týraly» Qazaqstan Respýblıkasy Zańynyń 43-1-babyna sáıkes buıyramyn: 1. «Balyq resýrstaryn jáne basqa da sý janýarlaryn aýlap alý, sý aıdynyndaǵy kásipshilik jaǵdaı, berilgen joldamalar týraly málimetterdi ýákiletti organǵa usyný erejesin bekitý týraly» Qazaqstan Respýblıkasy Aýyl sharýashylyǵy mınıstriniń 2010 jylǵy 19 naýryzdaǵy № 185 buıryǵyna (Normatıvtik quqyqtyq aktilerdi memlekettik tirkeý tiziliminde № 6196 tirkelgen. 2010 jylǵy 25 mamyrdaǵy № 201-202 (26048) «Egemen Qazaqstan» gazetinde jarııalanǵan) mynadaı ózgerister engizilsin: kórsetilgen buıryqpen bekitilgen Balyq resýrstaryn jáne basqa da sý janýarlaryn aýlap alý, sý aıdynyndaǵy kásipshilik jaǵdaı, berilgen joldamalar týraly málimetterdi ýákiletti organǵa usyný erejesinde: 1-tarmaq mynadaı redaksııada jazylsyn: «1. Osy Balyq resýrstaryn jáne basqa da sý janýarlaryn aýlap alý, sý aıdynyndaǵy kásipshilik jaǵdaı, berilgen joldamalar týraly málimetterdi ýákiletti organǵa usyný erejesi (budan ári – Ereje) «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 27-baby 2-tarmaǵynyń 16) tarmaqshasyna sáıkes balyq resýrstaryn jáne basqa da sý janýarlaryn aýlap alýdy júzege asyrý kezindegi janýarlar dúnıesin paıdalanýshylardyń qyzmetine, balyq sharýashylyǵy sý aıdynyndaǵy jáne (nemese) ýchaskesindegi berilgen joldamalar sanyna jáne kásipshilik jaǵdaıyna esep júrgizý, monıtorıngti jáne baqylaýdy júzege asyrý maqsatynda ázirlendi». 2-tarmaqtyń tórtinshi abzasy mynadaı redaksııada jazylsyn: «berilgen joldamalar týraly málimetter osy Erejeniń 3-qosymshasyna sáıkes nysan boıynsha aýmaqtyq balyq sharýashylyǵy ınspeksııasynyń qurylymdyq bólimshelerine usynylady. ». 2. Qazaqstan Respýblıkasy Aýyl sharýashylyǵy mınıstrliginiń Balyq sharýashylyǵy komıteti zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne onyń resmı jarııalanýyn qamtamasyz etsin. 3. Osy buıryq onyń alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr A.MAMYTBEKOV. Buıryq Qazaqstan Respýblıkasynyń Ádilet mınıstrliginde 2012 jylǵy 26 jeltoqsanda Normatıvtik quqyqtyq kelisimderdi memlekettik tirkeýdiń tizilimine №8226 bolyp engizildi.