Bul týraly oblystyq kásipkerlik jáne ındýstrııalyq-ınnovasııalyq damý basqarmasy basshysynyń mindetin atqarýshy Roza Gorıannaıa buqaralyq aqparat quraldary úshin bergen brıfıngte aıtty.
Ol ásirese, «Eńbek» badarlamasy sheńberinde beriletin shaǵyn kredıtterdi erekshe atady. Jyl basynan beri qyrkúıek aıyna deıin oblysta ekinshi deńgeıli bankterge 594 mln teńge turatyn 50 joba usynylǵan. Sodan 46 joba qarjysyn alyp, ómirge jol tartqan.
Ulttyq ekonomıka mınıstrliginiń málimetinshe, baǵdarlamany júzege asyryp kele jatqan kezeń ishinde mıkrokredıt alý jóninen Qostanaı oblysy 6 oryn alady. Ásirese, áıel kásipkerlerdiń belsendiligi kúshti, mıkrokredıttiń 47 paıyzyn áıelder alǵan. Olardyń basym kópshiligi Rýdnyı jáne Arqalyq qalasynda turady.
«Sońǵy jyldary áıel kásipkerler arasynda kóp balaly analar jıi kórinip júr. Solardyń biri Arqalyq qalasyndaǵy Gúlzıra Seıdahanova der edim. Ol 5 bala ósirip otyr, qaladaǵy saýda ǵımaratyn qalpyna keltirip, «Álı» qurylys materıaldaryn satatyn dúken ashty. Ol naryqty zertteı bilgen, turǵyndar suranysyn qanaǵattandyryp otyr»,- dedi Roza Balagerdenqyzy.
Snymen qatar ol jastar arasynda da kásipkerlik damyp kele jatqanyn jarqyn mysaldarmen aıtty.
Qostanaı