Mońǵolııa Respýblıkasy Baı-О́lke aımaǵynyń ortalyǵy О́lgeı qalasynda ornalasqan aqyn-dramatýrg, ólkeniń jańa nızam ádebıetiniń negizin qalaýshylardyń biri Aqtan Babıuly atyndaǵy ortalyq kitaphananyń 70 jyldyq mereıtoıy qarsańynda, atalǵan ólkede Qazaqstan ádebıeti men mádenıeti ortalyǵy ashyldy.
Bul shara eki memleket kitaphanalary arasynda kelisilgen memorandým nátıjesinde iske asyp otyr. Ideıa avtorlarynyń biri – elorda tórinde oryn tepken Ulttyq akademııalyq kitaphana dırektory Úmithan Dáýrenbekqyzy. «Atalǵan joba elimizdiń Mádenıet jáne sport mınıstrligi jáne Syrtqy ister mınıstrliginiń atsalysýymen oryndalyp otyr», deıdi uıymdastyrýshylar.
Jańadan ashylǵan ortalyqqa «Atajurttan rýhanı tartý» aksııasy boıynsha jınastyrylǵan saıasat, ekonomıka, tarıh, salt-dástúr jáne elimizdiń tabıǵı kórkem landshafty aımaǵy qamtylǵan ártúrli taqyryptaǵy 200 dana kitappen qosa, «Otandastar qory» KEAQ men «Folıant» baspasy atynan 500 dana kitap jetkizildi.
Mundaǵy maqsat – qazaqstandyq avtorlardy jahandyq ádebı úrdiske ıntegrasııalaý, qazaq halqynyń tarıhy men mádenıetin, salt-dástúrin, saıasatyn, zamanaýı proza men poezııasyn shet elderde nasıhattaý.
Búgingi tańda mundaı ortalyq – Koreıa, Qyrǵyz Respýblıkasy, Fınlıandııa, Vengrııa, Reseı Federasııasy, Armenııa, Malaızııa, Túrkııa, Qytaı, Grýzııa, Fransııa, Japonııa, Shvesııa, Makedonııa, Bolgarııa, Chehııa, Italııa, AQSh (Nıý - Iork kópshilik kitaphanasy jáne Kongress kitaphanasy), Iаkýtııa, Chývashııa, Rýmynııa, Iran, Argentına, Brazılııa, Ýdmýrtııa, Germanııa, Ispanııa, О́zbekstan qatarly 31 shet elde ashylý ústinde kórinedi.