Senbi, 2 aqpan 2013 6:27
2012 jyl 4 jeltoqsan Astana, Úkimet Úıi
Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin júzege asyrý qaǵıdalaryn bekitý týraly
«Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 196-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin júzege asyrý qaǵıdalary bekitilsin.
2. «Memlekettik menshik obektileriniń, sondaı-aq menshiginde memlekettiń úlesi bar obektilerdiń jumys isteýine jáne olardy basqarýdyń tıimdiligine keshendi monıtorıng júıesin engizý týraly» Qazaqstan Respýblıkasy Úkimetiniń 2001 jylǵy 24 shildedegi № 998 qaýlysynyń (Qazaqstan Respýblıkasynyń PÚAJ-y, 2001 j., № 27, 347-qujat) kúshi joıyldy dep tanylsyn.
Senbi, 2 aqpan 2013 6:27
2012 jyl 4 jeltoqsan Astana, Úkimet Úıi
Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin júzege asyrý qaǵıdalaryn bekitý týraly
«Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 196-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin júzege asyrý qaǵıdalary bekitilsin.
2. «Memlekettik menshik obektileriniń, sondaı-aq menshiginde memlekettiń úlesi bar obektilerdiń jumys isteýine jáne olardy basqarýdyń tıimdiligine keshendi monıtorıng júıesin engizý týraly» Qazaqstan Respýblıkasy Úkimetiniń 2001 jylǵy 24 shildedegi № 998 qaýlysynyń (Qazaqstan Respýblıkasynyń PÚAJ-y, 2001 j., № 27, 347-qujat) kúshi joıyldy dep tanylsyn.
3. Osy qaýly 2013 jylǵy 10 naýryzdan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń
2012 jylǵy 4 jeltoqsandaǵy №1546 qaýlysymen bekitilgen
Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin júzege asyrý qaǵıdalary
1. Jalpy erejeler
1. Osy Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin júzege asyrý qaǵıdalary (budan ári – Qaǵıdalar) «Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańy 196-babynyń 2-tarmaǵyna sáıkes ázirlendi jáne memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngin uıymdastyrý jáne júzege asyrý tártibin aıqyndaıdy.
2. Memlekettik múlikti, onyń ishinde memlekettik kásiporyndardyń jáne memleket qatysatyn zańdy tulǵalardyń basqarý tıimdiliginiń monıtorıngi (budan ári – monıtorıng) memlekettik múliktiń sapalyq jáne sandyq jaı-kúıin, onyń ishinde memlekettik kásiporyndardyń jáne memleket qatysatyn zańdy tulǵalardyń qyzmetinde bolyp jatqan ózgeristerdi ýaqtyly aıqyndaý, odan ári damýyn boljaý jáne teris prosesterdiń aldyn alý men saldaryn joıý jónindegi usynystardy ázirleý maqsatynda osy obektilerdiń tehnologııalyq, qarjy-sharýashylyq qyzmetin, quqyqtyq sıpatyn bazalyq jáne merzimdik jedel qadaǵalaý men memlekettik múliktiń taldamalyq baǵalaý júıesin bildiredi.
3. Monıtorıng eldiń strategııalyq múddelerine sáıkes turaqty ekonomıkalyq damýdy memlekettik boljaý jáne retteý júıesiniń quramdas bóligi bolyp tabylady, qoldanystaǵy zańnamanyń negizinde jáne biryńǵaı memlekettik saıasat sheńberinde ekonomıkalyq qaýipsizdikti qamtamasyz etýdiń aqparattyq-taldaý fýnksııalaryn oryndaıdy.
4. Monıtorıng memlekettik kásiporyndardyń jáne memleket qatysatyn zańdy tulǵalardyń jaı-kúıin jáne damýynyń úrdisterin, sondaı-aq el jáne aımaqtar ekonomıkasynyń resýrstyq-energetıkalyq negizin saqtaýǵa jáne nyǵaıtýǵa áser etetin memlekettik múlikti, onyń ishinde senimgerlik basqarýdaǵy, múliktik jaldaýdaǵy (jalgerlik), konsessııadaǵy memlekettik múliktiń jaı-kúıin anyqtaıdy. Memlekettik kásiporyndardyń jáne memleket qatysatyn zańdy tulǵalardyń, memlekettik múliktiń, onyń ishinde senimgerlik basqarýdaǵy, múliktik jaldaýdaǵy (jalgerliktegi), konsessııadaǵy memlekettik múliktiń jaı-kúıi men damýynyń úrdisteri týraly taldamalyq aqparatty Qazaqstan Respýblıkasynyń Úkimetine, memlekettik josparlaý jónindegi ýákiletti organǵa:
respýblıkalyq múlik boıynsha – memlekettik múlikti basqarý jónindegi ýákiletti organ;
kommýnaldyq múlik boıynsha – oblystardyń, respýblıkalyq mańyzy bar qalalardyń, astananyń jergilikti atqarýshy organdary jiberedi.
Taldamalyq aqparatty memlekettik múlikti basqarý jónindegi ýákiletti organ, oblystyq ýákiletti organ, aýdandyq ýákiletti organ múddeli memlekettik organdarǵa jiberedi.
5. Osy Qaǵıdalar Ulttyq ál-aýqat qoryn qospaǵanda, memlekettik kásiporyndarǵa, memleket qatysatyn aksıonerlik qoǵamdarǵa jáne jaýapkershiligi shekteýli seriktestikterdi qosa alǵanda, onyń ishinde ulttyq basqarýshy holdıngterge, aksıoneri memleket bolyp tabylatyn ulttyq holdıngterge, ulttyq kompanııalarǵa, memlekettik organdarǵa, senimgerlik basqarý, múliktik jaldaý (jalgerlik) sharttary, konsessııa (budan ári – shart tarapy) boıynsha taraptar bolyp tabylatyn jeke jáne zańdy tulǵalarǵa, monıtorıngti oryndaýǵa tartylǵan táýelsiz sarapshylar men konsýltanttardy, konsaltıngtik uıymdarǵa (budan ári – táýelsiz sarapshylar) qoldanylady.
6. Monıtorıngtiń maqsaty memlekettiń áleýmettik-ekonomıkalyq múddesin qamtamasyz etý bolyp tabylady.
7. Monıtorıngtiń negizgi mindetteri:
1) monıtorıng obektilerin basqarýdyń tıimdiligin óndiristik-tehnıkalyq, tehnologııalyq, qarjy-ekonomıkalyq, quqyqtyq, ekologııalyq jáne basqa parametrlerde keshendi taldaý jáne ulttyq ekonomıkanyń múddelerine sáıkes onyń damýynyń boljamdylyǵy bóliginde obektiniń jaı-kúıin birtutas baǵalaý;
2) konsessııalardyń, senimgerlik basqarýdyń, memlekettik menshik obektilerin múliktik jaldaý (jalǵa alý) sharttary mindettemeleriniń oryndalýyn taldaý;
3) problemalardy anyqtaý jáne memlekettik kásiporyndardy jáne memleket qatysatyn zańdy tulǵalardy odan ári damytý boıynsha usynymdar ázirleý;
4) monıtorıng obektileri tehnıkasynyń, tehnologııasynyń damý perspektıvalaryn jáne olardyń óńirlerdiń jaı-kúıine áserin saraptamalyq taldaý;
5) monıtorıng obektileri boıynsha elektrondyq derekter bazasyn qalyptastyrý jáne júrgizý;
6) memlekettiń ekonomıkalyq ósýin, yqtımal teris faktorlardan ekonomıkanyń osaldyq dárejesin barynsha azaıtýdy qamtamasyz etý úshin qolaıly jaǵdaı jasaý, ulttyq ekonomıkaǵa ınvestısııalardyń aǵynyna járdemdesý.
8. Osy Qaǵıdalarda mynadaı negizgi uǵymdar paıdalanylady:
1) aýdandyq ýákiletti organ – aýdandyq kommýnaldyq múlikke bılik etýge ýákiletti jergilikti bıýdjetten qarjylandyrylatyn atqarýshy organ;
2) memlekettik múlikti esepke alý salasyndaǵy biryńǵaı operator (budan ári – biryńǵaı operator) – Qazaqstan Respýblıkasy Úkimetiniń sheshimimen aıqyndalǵan, memlekettik múlikti uıymdastyrý men esepke alý salasynda biryńǵaı tehnıkalyq saıasatty iske asyrý boıynsha mindetter júktelgen zańdy tulǵa;
3) oblystyq ýákiletti organ – oblystyq kommýnaldyq múlikke bılik etýge ýákiletti jergilikti bıýdjetten qarjylandyrylatyn atqarýshy organ;
4) elektrondyq esep – «Eseptilikti tapsyrýdyń biryńǵaı júıesi» baǵdarlamalyq qamtamasyz etýdi paıdalana otyryp ázirlengen jáne ulttyq kýálandyrýshy ortalyq bergen táýelsiz sarapshynyń elektrondyq sıfrlyq qoltańbasymen qol qoıylǵan monıtorıng nátıjesi boıynsha esep.
2. Monıtorıngti uıymdastyrý tártibi
9. Memlekettik múliktiń túrleri boıynsha respýblıkalyq jáne kommýnaldyq múlikterge, jergilikti memlekettik basqarý deńgeıleri boıynsha – oblystyq jáne aýdandyq kommýnaldyq múlikterge monıtorıng júrgiziledi.
10. Obektilerge monıtorıngti:
1) respýblıkalyq múlik boıynsha – memlekettik múlikti basqarý jónindegi ýákiletti organ;
2) oblystyq kommýnaldyq múlik boıynsha – oblystyq ýákiletti organ;
3) aýdandyq kommýnaldyq múlik boıynsha – aýdandyq ýákiletti organ uıymdastyrady.
Memlekettik múlikti basqarý jónindegi ýákiletti organ, oblystyq ýákiletti organ, aýdandyq ýákiletti organ monıtorıng obektilerin zertteý, aqparat jınaý jáne taldaý, usynystardy pysyqtaý jónindegi jumystardy ótkizý úshin «Memlekettik satyp alý týraly» Qazaqstan Respýblıkasynyń Zańyna sáıkes olardyń qyzmetterin satyp ala otyryp jáne memlekettik tapsyrys berýshiniń fýnksııalaryn júzege asyra otyryp, táýelsiz sarapshylardy tartady.
Táýelsiz sarapshylardyń quqyqtary men mindetteri memlekettik satyp alý týraly tıisti shartpen retteledi.
11. Memlekettik múlikti basqarý tıimdiligin monıtorıngileý obektileri (budan ári – monıtorıng obektileri):
1) memlekettik kásiporyndar;
2) Ulttyq ál-aýqat qoryn qospaǵanda, memleket qatysatyn zańdy tulǵalardy, memleket qatysatyn aksıonerlik qoǵamdardy jáne jaýapkershiligi shekteýli seriktestikterdi qosa alǵanda, onyń ishinde ulttyq basqarýshy holdıngter, aksıoneri memleket bolyp tabylatyn ulttyq holdıngter, ulttyq kompanııalar (budan ári – memlekettiń qatysýy bar zańdy tulǵalar);
3) memlekettik múliktiń quramyna kiretin, onyń ishinde senimgerlik basqarýdaǵy, múliktik jaldaýdaǵy (jalgerliktegi), konsessııadaǵy múliktiń barlyq túrleri bolyp tabylady.
12. Monıtorıng júrgizý jónindegi jumystar bıýdjet qarajaty esebinen júzege asyrylady.
13. Monıtorıng nátıjeleri memlekettik kásiporyndar men mekemelerdiń, jarǵylyq kapıtalyna memleket qatysatyn zańdy tulǵalardyń tizilimine (budan ári – tizilim) elektrondy esep túrinde engiziledi.
14. Memlekettik múlikti basqarý jónindegi ýákiletti organ, oblystyq ýákiletti organ jáne aýdandyq ýákiletti organ monıtorıngti uıymdastyrý maqsatynda:
1) respýblıkalyq, oblystyq kommýnaldyq jáne aýdandyq kommýnaldyq múliktiń monıtorıngi obektileriniń tizbesin, tekserýler júrgizýdiń kezeńdiligi men merzimderin belgileıdi;
2) monıtorıng boıynsha jumystar júrgizý úshin memlekettik bıýdjet qarajatynyń kólemin negizdeıdi;
3) monıtorıngti júzege asyrý úshin tehnıkalyq tapsyrma ázirleý jónindegi múddeli memlkettik organdardyń qatysýymen Vedomstvoaralyq komıssııa qurady;
4) monıtorıngti júrgizý jónindegi jumystardy ádistemelik qamtamasyz etýdi jáne úılestirýdi júzege asyrady.
3. Monıtorıngti júzege asyrý tártibi
15.Memlekettik múlikti basqarý jónindegi ýákiletti organ, oblystyq ýákiletti organ jáne aýdandyq ýákiletti organ monıtorıngti júzege asyrý maqsatynda:
1) monıtorıng obektilerinen senimdi jáne obektıvti taldaý jasaý úshin qajetti monıtorıng obektileri qyzmetiniń óndiristik-tehnıkalyq, tehnologııalyq, qarjy-ekonomıkalyq, ekologııalyq, quqyqtyq jáne ózge de parametrleri týraly aqparatty suratady jáne alady;
2) Qazaqstan Respýblıkasynyń ortalyq jáne jergilikti atqarýshy organdarynan, sondaı-aq vedomstvolyq tıesiligine qaramastan, ózge de múddeli memlekettik organdardan jáne zańdy tulǵalardan monıtorıng obektilerin basqarýdyń tıimdiligin taldaý úshin qajetti qujattar men málimetterdi suratady jáne alady;
3) memlekettik kásiporyndar men memleket qatysatyn zańdy tulǵalardan, shart taraptarynan senimgerlik basqarý, múliktik jaldaý (jalgerlik), konsessııa sharttarynyń talaptaryn, memleket qatysatyn zańdy tulǵalardyń ınvestısııalyq baǵdarlamalaryn oryndaý jónindegi turaqty jáne ishinara eseptilikti suratady;
4) el jáne óńirler ekonomıkasynyń resýrstyq-energetıkalyq negiziniń, biryńǵaı jáne derbes kommýnıkasııalyq jáne energetıkalyq júıeleriniń saqtalýy men nyǵaıýyna qolaısyz áser etetin faktorlardy ýaqtyly anyqtaý jáne beıtaraptandyrý, turaqty ekonomıkalyq ósýin qamtamasyz etý maqsatynda monıtorıng obektileri boıynsha aqparat jınaý men taldaýdy júzege asyra otyryp, memlekettik kásiporyndar men memleket qatysatyn zańdy tulǵalardyń jaı-kúıine jáne damý úrdisterine júıeli qadaǵalaý júrgizedi;
5) esepti kezeńnen keıingi jyldyń 25 aqpanyna deıingi merzimde Qazaqstan Respýblıkasynyń Úkimetine, múddeli memlekettik organdarǵa, sondaı-aq memlekettik kásiporyndar men memleket qatysatyn zańdy tulǵalarǵa monıtorıng nátıjeleri boıynsha jınaqtalǵan taldamalyq jazbalardy, aqparattyq materıaldar men usynymdardy beredi;
6) monıtorıng obektilerin basqarý tıimdiligi monıtorınginiń elektrondyq derekter bazasyn júrgizedi.
16. Memlekettik kásiporyndar men memleket qatysatyn zańdy tulǵalar memlekettik múlikti basqarý jónindegi ýákiletti organǵa nemese oblystyq ýákiletti organǵa nemese aýdandyq ýákiletti organǵa jáne/nemese onyń tıisti rastalǵan ókilettigi bar senimdi tulǵasyna basqarýdyń tıimdiligin dáıekti jáne obektıvti taldaý úshin barlyq qajetti aqparatty qaǵaz jáne elektrondy tasyǵyshta berýge mindetti.
17. Monıtorıng mazmuny:
1) táýekelderdi basqarý júıesi negizinde memlekettik kásiporyndar men memleket qatysatyn zańdy tulǵalar, sondaı-aq memlekettik, onyń ishinde senimgerlik basqarýdaǵy, múliktik jaldaýdaǵy (jalǵa alýdaǵy), konsessııadaǵy múlikti jylyna bir retten jıiletpeı ótkiziletin bazalyq keshendi tekserýlerdi;
2) memlekettik kásiporyndar men memleket qatysatyn zańdy tulǵalardyń qyzmeti, sondaı-aq memlekettik múliktiń, onyń ishinde senimgerlik basqarýdaǵy, múliktik jaldaýdaǵy (jalǵa alýdaǵy), konsessııadaǵy múliktiń jaı-kúıi týraly qajetine qaraı ótkiziletin merzimdi aqparatty merzimdi jedel jınaqtaý monıtorıng obektilerin bazalyq keshendi tekserý arasyndaǵy kezeńderde obektilerdiń qyzmeti boıynsha monıtorıngtiń negizgi derekterin aǵymdaǵy jańartýdy quraıdy.
Osy aqparatty jınaqtaý monıtorıng obektisiniń ózinen, sol sııaqty ortalyq atqarýshy organdardan, olardyń vedomstvolarynan jáne jergilikti atqarýshy organdardan suraý salý jolymen júzege asyrylady.
Monıtorıng obektilerin bazalyq keshendi tekserýler mynalardy:
1) monıtorıng obektileri qyzmetiniń óndiristik-tehnıkalyq, tehnologııalyq, qarjy-ekonomıkalyq, ekologııalyq jáne quqyqtyq parametrleri boıynsha aqparatty jınaýdy jáne júıeli taldaýdy;
2) monıtorıng obektilerin basqarý tıimdiliginiń jaı-kúıin baǵalaýdy, memlekettiń ekonomıkalyq qaýipsizdigine qaýip tóndiretin teris prosesterdiń aldyn alý jáne jeńý jónindegi usynymdardy ázirleý maqsatynda jaǵdaıdyń ózgerisiniń boljamyn;
3) memleket qatysatyn zańdy tulǵalardyń tehnıkasyn, tehnologııasyn; memlekettik múlikti, onyń ishinde senimgerlik basqarýdaǵy, múliktik jaldaýdaǵy (jalǵa alýdaǵy), konsessııadaǵy múlikti damytý perspektıvalaryn sarapshylyq baǵalaýdy;
4) memlekettik organdardy monıtorıng obektileriniń jaı-kúıi, olardyń damýynyń úrdisteri men boljamdary týraly qajetti aqparatpen qamtamasyz etýdi qamtıdy.
18. Monıtorıng:
1) resýrstardyń, negizgi jáne qosalqy óndirister tehnologııalarynyń jaı-kúıin;
2) qarjy-sharýashylyq qyzmetin;
3) osy mindettemesi bar konsessıonerdiń, senimgerlik basqarýshylardyń jáne uıymdardy birlesip ıelenýshilerdiń ınvestısııalyq qyzmetin;
4) qorshaǵan ortany qorǵaýdy jáne tabıǵı resýrstardy utymdy paıdalanýdy;
5) kadrlyq jáne áleýmettik saıasatty;
6) quqyqtyq máselelerdi: júrgiziletin qyzmettiń uıym jarǵysyna, senimgerlik basqarý, múliktik jaldaý (jalǵa alý) sharttaryna sáıkestigin;
7) senimgerlik basqarý, múliktik jaldaý (jalǵa alý) sharttarynyń mindettemeleri men jaǵdaılarynyń oryndalýyn taldaýdy qamtıdy.
19. Monıtorıng mynadaı tártippen júrgiziledi:
1) memlekettik múlikti basqarý jónindegi ýákiletti organ nemese oblystyq ýákiletti organ nemese aýdandyq ýákiletti organ memlekettik kásiporyndar men memleket qatysatyn zańdy tulǵalardy, sondaı-aq shart taraptaryn zertteý júrgizýge arnalǵan shart jasasqan táýelsiz sarapshylar jáne tanystyrý úshin beriletin tıis aqparattyń tizbesin kórsete otyryp, zertteý júrgizý týraly obektige zertteý júrgizý bastalǵanǵa deıin on jumys kúninen keshiktirmeı habarlaıdy;
2) monıtorıngti, monıtorıng obektisine obektisin zertteý júrgizýge shart jasasqan táýelsiz sarapshylar monıtorıng obektisiniń salalyq tıesiligi men qyzmetiniń erekshelikterine súıene otyryp qalyptastyrylǵan jumys toby júrgizedi. Sarapshylar tobynyń mindeti monıtorıng obektisi qyzmetiniń zańdyq, tehnıkalyq, tehnologııalyq, ekologııalyq, ınvestısııalyq, qarjylyq jáne basqa da máseleler boıynsha aqparatty jınaýdan jáne taldaýdan turady. Tıisti sarapshylar óndiristi, ǵımarattardy, qurylystardy, negizgi tehnıkany, mashınalar men tetikterdi qarap tekserýdi júrgizedi. Aqparatty jınaý jáne ony bastapqy taldaý aıaqtalǵannan keıin jumys toby ony keıinnen taldaý úshin esep daıyndaıdy;
3) mynalardy:
barlyq bólimder boıynsha sarapshylyq derekterdi salystyrý jáne statıstıkalyq eseptilik derekterimen salystyrý jolymen materıaldardy jınaý jáne aldyn ala óńdeý kezeńinde júrgiziletin aldyn ala taldaýdy;
memlekettik kásiporyndar men memleket qatysatyn zańdy tulǵalar kórsetkishteriniń ózara úılestirilgen jıyntyǵy biriktiriletin memlekettik kásiporyndar men memleket qatysatyn zańdy tulǵalar qyzmetine, sondaı-aq memlekettik múliktiń, onyń ishinde senimgerlik basqarýdaǵy, múliktik jaldaýdaǵy (jalǵa alýdaǵy), konsessııadaǵy múliktiń jaı-kúıin jalpy tehnıkalyq-ekonomıkalyq taldaýdy;
taldaýdyń árbir bólimi boıynsha oryn alǵan problemalardyń bárin anyqtaýdy;
alynǵan memlekettik kásiporyndar men memleket qatysatyn zańdy tulǵalar qyzmeti kórsetkishteriniń, memlekettik múliktiń, onyń ishinde senimgerlik basqarýdaǵy, múliktik jaldaýdaǵy (jalǵa alýdaǵy), konsessııadaǵy múliktiń jaı-kúıi jónindegi aqparat jáne anyqtalǵan problemalardyń negizinde qoldanystaǵy zańnamaǵa sáıkes memlekettik kásiporyndar men memleket qatysatyn zańdy tulǵalardy basqarýdyń tıimdiligin arttyrý maqsatynda usynystar pysyqtalatyn monıtorıng obektileri jáne tıisti memlekettik organdar úshin usynystardy pysyqtaýmen birge ekonomıkalyq-zańdyq taldaýdy qosa alǵanda, zertteýdiń nátıjesinde alynǵan materıaldardy júıeli taldaý júzege asyrylady;
4) zertteý ótkizgen táýelsiz sarapshylar monıtorıng obektisin zertteýdiń jáne onyń qyzmetine júrgizilgen taldaýdyń negizinde beriletin esepti jáne bastapqy materıaldardy:
memlekettik múlikti basqarý jónindegi ýákiletti organǵa nemese oblystyq ýákiletti organǵa nemese aýdandyq ýákiletti organǵa qaǵaz nusqada;
tizilimge táýelsiz sarapshy qol qoıǵan jáne mórmen rastaǵan eseptiń qaǵaz nusqasynyń skanerlengen kóshirmesi qosa bekitilgen elektrondy esep túrinde resimdeıdi.
5) biryńǵaı operator elektrondy esep túsken kúninen bastap bes jumys kúni ishinde táýelsiz sarapshynyń elektrondy mekenjaıyna tizilimge elektrondy esepti engizý nemese ony qabyldamaý sebebi týraly habarlamany jiberedi.
Táýelsiz sarapshynyń Qaǵıdalardyń osy tarmaǵynyń 4) tarmaqshasynyń úshinshi bóliginde kórsetilgen talapty oryndamaýy elektrondy esepti qabyldaýdan bas tartý úshin negiz bolyp tabylady.