Senbi, 16 aqpan 2013 6:30
2012 jylǵy 14 jeltoqsan Astana, Úkimet Úıi
Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalaryn bekitý týraly
«Qazaqstan Respýblıkasynyń arnaýly memlekettik organdary týraly» 2012 jylǵy 13 aqpandaǵy Qazaqstan Respýblıkasy Zańynyń 84-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary bekitilsin.
Senbi, 16 aqpan 2013 6:30
2012 jylǵy 14 jeltoqsan Astana, Úkimet Úıi
Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalaryn bekitý týraly
«Qazaqstan Respýblıkasynyń arnaýly memlekettik organdary týraly» 2012 jylǵy 13 aqpandaǵy Qazaqstan Respýblıkasy Zańynyń 84-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary bekitilsin.
2. Osy qaýly 2013 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.Ahmetov.
Qazaqstan Respýblıkasy Úkimetiniń qaýlysy 2012 jylǵy 14 jeltoqsandaǵy №1602 qaýlysymen bekitilgen
Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary
1. Jalpy erejeler
1. Osy Qazaqstan Respýblıkasynyń arnaýly memlekettik organdarynyń qyzmettik turǵyn jaılaryn qurý jáne berý qaǵıdalary (budan ári – Qaǵıdalar) «Turǵyn úı qatynastary týraly» 1997 jylǵy 16 sáýirdegi (budan ári – Zań) jáne «Qazaqstan Respýblıkasynyń arnaýly memlekettik organdary týraly» 2012 jylǵy 13 aqpandaǵy Qazaqstan Respýblıkasynyń zańdaryna sáıkes ázirlengen.
2. Osy Qaǵıdalar Qazaqstan Respýblıkasynyń arnaýly memlekettik organdaryn (budan ári – ArMO) jedel basqarý quqyǵyndaǵy menshik quqyǵy memleketke tıesili turǵyn jaılarǵa qoldanylady.
3. ArMO-nyń qyzmettik turǵyn jaıy ArMO turǵyn jaı qorynan beriletin jáne ArMO-nyń qyzmetkerleri men jumyskerleriniń, sondaı-aq olardyń otbasy músheleriniń olardyń qyzmettik mindetterin oryndaý kezeńinde turýyna arnalǵan, erekshe quqyqtyq rejimdegi turǵyn jaı bolyp tabylady.
4. Áskerı qyzmetshilerdi turǵyn jaımen qamtamasyz etý Qazaqstan Respýblıkasy Úkimetiniń 2012 jylǵy 28 tamyzdagy № 1091 qaýlysymen bekitilgen Áskerı qyzmetshilerdi turǵyn úımen qamtamasyz etý qaǵıdalaryna sáıkes júzege asyrylady.
2. ArMO-nyń qyzmettik turǵyn jaılaryn qurý
5. ArMO-nyń qyzmettik turǵyn jaılaryn kurý ArMO-nyń jedel basqarý quqyǵyńdaǵy turǵyn jaılar esebinen júzege asyrylady.
6. ArMO-nyń qyzmettik turǵyn jaılary jataqhanalardaǵy bólmelerden, páterlerden, jeke turǵyn úılerden jáne áskerı qalashyqtarda, shekara zastavalarynda jáne ózge de jabyq obektilerde ornalasqan turǵyn jaılarynan turady.
7. Qyzmettik turǵyn jaılaryn esepke alýdy ArMO-nyń tıisti ýákiletti bólimsheleri júrgizedi. Turǵyn jaıǵa muqtaj ArMO qyzmetkerleri men olardyń otbasy múshelerin esepke alýdy qyzmettik turǵyn jaılardy esepke alý jónindegi fýnksııalar júktelgen qurylymdyq bólimsheler júzege asyrady.
3. Qyzmettik turǵyn jaılardy berý tártibi
ArMO qyzmetkerleri men jumyskerleri ózderiniń eńbek qatynastarynyń sıpatyna baılanysty mindetterin oryndaýy kezeńinde turǵyn úı komıssııasynyń sheshimi boıynsha qyzmettik turǵyn jaı alady.
ArMO qyzmettik turǵyn jaılary qyzmetkerler men jumyskerlerge Zańmen belgilengen normalarǵa sáıkes beriledi.
Qyzmettik turǵyn jaılar osy Qaǵıdalardyń 11-tarmaǵynda kórsetilgen barlyq qajetti qujattarmen birge baıanat (ótinish) berilgen kúni boıynsha kezektilik tártibimen esepte turǵan turǵyn jaıǵa muqtaj ArMO qyzmetkerleri men jumyskerlerine beriledi.
Esepke qoıý úshin qyzmetkerler jáne jumyskerler ArMO turǵyn úı komıssııasyna:
1) ArMO memlekettik mekemesiniń turǵyn úı komıssııasy tóraǵasynyń atyna esepke qoıý týraly baıanat (ótinish);
2) ArMO kadr bólimshesinen otbasy quramy, jeke derekteri jáne olardyń otbasy músheleri, naqty turǵylyqty mekenjaıy týraly málimetteri bar anyqtama jáne qyzmet (jumys) ótili týraly anyqtama;
3) mekenjaı bıýrosynyń anyqtamasy;
4) aýmaqtyq ádilet organynyń anyqtamasyn (ótinish berýshiniń jáne onymen birge turaqty turatyn otbasy músheleriniń sol óńirde olarǵa menshik kuqyǵynda tıesili turǵyn jaıynyń bolmaýy týraly);
5) jergilikti atqarýshy organnyń anyqtamasyn (ótinish berýshiniń jáne onymen birge turaqty turatyn otbasy músheleriniń kommýnaldyq turǵyn úı qorynan sol óńirde turaqty paıdalanatyn turǵyn jaıynyń bolmaýy týraly) usynady.
Qajet bolǵan jaǵdaıda ótinish berýshi densaýlyq saqtaý memlekettik mekemesinen qosymsha:
qosymsha turǵyn bólmege quqyq beretin Qazaqstan Respýblıkasynyń Úkimeti bekitken aýrýlar tiziminde kórsetilgen keıbir sozylmaly aýrýlardyń aýyr túrlerimen syrqattanatyn otbasy músheleriniń bolýy týraly anyqtama;
otbasynda jıyrma eki aptadan artyq júktiligi bar áıeldiń bolýy týraly anyqtama usynady.
Baıanat (ótinish) tirkelgen kúnnen bastap bir aı ishinde turǵyn úı komıssııasy usynylǵan qujattardyń osy Qaǵıdalardyń 11-tarmaǵynda kózdelgen talaptarǵa sáıkestigin tekseredi.
Usynylǵan qujattar sáıkes bolmaǵan jaǵdaıda ótinish berýshige pysyqtaý úshin qaıtarylady. Qyzmetker nemese jumysker on jumys kúni ishinde turǵyn úı komıssııasyna qaıta ótinish beredi, bul rette baıanattyń (ótinishtiń) birinshi tirkelgen kúni ony bergen kún dep esepteledi.
Zańnyń 72-babynda kózdelgen jaǵdaılarda qyzmettik turǵyn jaı berý úshin esepke qoıýdan bas tartylady.
Turǵyn úı komıssııasy qyzmettik turǵyn jaı berý týraly sheshim qabyldaǵan jaǵdaıda kúntizbelik on bes kún ishinde ótinish berýshi jáne ArMO-nyń ýákiletti tulǵasy arasynda jaldaý sharty jasalady.
Qyzmetker turǵyn jaıdy jaldaý shartyn úsh danada jasaıdy, turǵyn jaıdy jaldaý shartynyń bir danasy ArMO-nyń ýákiletti bólimshesinde saqtalady, ekinshisi memlekettik qupııalar týraly Qazaqstan Respýblıkasy zańnamasynyń talaptaryna sáıkes jergilikti atqarýshy organǵa beriledi jáne qatań eseptik qujat retinde saqtalady, úshinshisi ótinish berýshige beriledi jáne turǵyn jaıǵa ornalasýǵa negiz bolatyn qujat bolyp tabylady.
Zańnyń 101-1-babynyń 8-tarmaǵynda kózdelgen jaǵdaılardy qospaǵanda, turǵyn úı tólemderin alatyn (taǵaıyndalǵan) ArMO-nyń qyzmetkerlerine qyzmettik turǵyn jaı berilmeıdi.