О́zbekstannyń týrızmdi damytý jónindegi memlekettik komıtetiniń zııarat týrızmin damytý bóliminiń bas mamany Saıdkomıl Halhodjaev Almatyǵa kelgen saparynda kóne Túrkistan Túrki memleketteri arasyndaǵy sopylyq iliminiń negizi qalanǵan ortalyq deýge bolatynyn aıtty. Onyń aıtýynsha, Ahmet Iаsaýı kesenesi men onyń tarıhyn, uly oıshyldyń ilimin úırený men ıslam muralary túrki halyqtary úshin ǵana emes, álem jurtshylyǵy úshin de qyzyqty.
«Qazaqstan men О́zbekstannyń ózara qolǵa alǵan jobalary, onyń ishinde týrıstik kompanııalar arasyndaǵy baılanys keleshekte budan da arta túsedi», dedi Saıdkomıl Halhodjaev.
О́zbekstan aýmaǵynda 7 myńnan astam mádenı jáne tarıhı nysan bar. Tórt kóne qaladaǵy 200-den astam tarıhı jádiger IýNESKO-nyń erekshe qorǵalatyn aımaqtar tizimine engen. Aldaǵy ýaqytta «Ejelgi Buhara» jáne «Samarqand sıtı» demalys aımaǵy qurylmaq.
Aldaǵy ýaqytta birigip «Jibek joly» týrıstik jobasyn da júzege asyrmaqshy.
Onyń bir bóligi zııarat týrızmi bolmaq, deıdi mamandar.
Statıstıkalyq málimetke júginsek, bıyl 7 aıda kórshi el aýmaǵyna 3 mıllıonan astam týrıst kelgen. 2018 jyly О́zbek-stannan bizge dál sonshama adam qydyryp kelgen. Onyń basym bóligi Túrkistanǵa zııarat jasapty. «Túrki jurtynyń rýhanı astanasy sanalatyn Kóne Iаssy qalasy zııaratshylar sanynyń artýyna sebep bolatyndyǵyna biz senemiz», deıdi Saıdkomıl Halhodjaev.
О́zbekstannyń esigi sheteldik týrısterge aıqara ashylǵanyna bıyl úshinshi jylǵa aıaq basty. 2019 jyldan bastap bul elde 6 mıllıonǵa jýyq adam qonaqta bolǵan. Onyń tek 4 mıllıony ǵana Samarqan, Buhara qalasyna toqtaǵan. Bul 2018 jylmen salystyrǵanda eki ese kóp. Buryn mundaı kórsetkishti tek armandaıtyn ózbek bıligi týrısterdi álde de eselep tartý úshin ishki týrızmniń múmkindikterin ártaraptandyryp jatyr.
Tashkent qalasy týrıstik ınfraqurylym jáne mádenı mura bóliminiń basshysy Elbek Nabıev Qazaqstanǵa kelgen saparynda ózbek bıligi qonaqtarǵa jaıly bolý úshin bar jaǵdaıdy jasap jatqanyn aıtty. Qonaqúılerge toqtaǵan týrısterge ózbektiń hosh ıisti kók shaıy men tandyr nany tegin usynylady. «Qazir bizdiń elde 65 memleketpen vızasyz rejim ornaǵan. Kelesi jyly bul tizimge taǵy 20 el qosylady dep kútip otyrmyz», dedi Elbek Nabıev.
Zııarat týrızminiń Túrkistannan bastalýy ózbek bıligi úshin tıimdi bolyp tur. Al qazaqstandyq mamandar ejelgi Saıramdaǵy sansyz bap pen Arystanbab kesenesin «Jibek joly» týrıstik jobasyna kirgizý qajettigin eskertip otyr. Sebebi Saıramda Ahmet Iаsaýıdiń ata anasy Ibragım men Qarashash, al Otyrarda ustazy Arystan babtyń kesenesi bar. Budan ózge kóne Otyrar jerinde Shyńǵys hannyń izi saırap jatyr.
«Saıram men Otyrardyń «Jibek joly» týrıstik jobasyna enýine Qazaqstan múddeli bolýy kerek», deıdi qazaqstandyq týrızm salasynyń ókilderi.
О́zbekstan Respýblıkasynyń bas konsýly Abror Fathýllaev apta basynda qazaqstandyq jýrnalıstermen kezdesken kezde 2025 jyldarǵa arnalǵan týrızmdi damytý baǵdarlamasy bekitilgenin aıtty. Bul baǵdarlama О́zbekstandy aımaqtyq jáne álemdik týrızm naryǵyndaǵy básekege qabiletti elge aınaldyrýdy kózdep, týrıster aǵynyn jylyna 9 mıllıonǵa jetkizýdi maqsat etken.
Byltyr Tashkentte ótken halyqaralyq týrıstik ınvestforýmǵa jınalǵandar bir týrıstiń О́zbekstandaǵy 1 aptalyq shyǵyny 619 dollar bolatynyn eseptep shyǵarǵan.
Buǵan qonaqúı shyǵyny, tańerteńgi jáne keshki tamaq máziri kiredi.
Bas konsýl Abror Fathýllaev bizben áńgimesinde 2025 jylǵa qaraı, bul kórsetkish 2,2 mıllıard dollarǵa, týrızmniń ishki jalpy ónimdegi úlesi 2,3 paıyzdan 5%-ǵa jetýi kerek ekenin aıtty. Sonymen bir mezgilde týrısterdi ornalastyratyn demalys aımaqtarynyń sany da 900-den 3000-ǵa deıin ósip, al týrıstik fırmalardyń sany 1700-ge deıin jetýi kerek.
Bul derekter ózbekpen kórshi qonǵan qazaqty shyndap oılandyrýy tıis.
ALMATY