Jerin tanyǵan elin de tanıdy

Ekinshi Shveısarııa sanalatyn Býrabaı kýrortty aımaǵynyń tabıǵaty adam balasyn ejelden ózine baýrap alatynyn bel­gili jaıt. Sondyqtan bolar, osy óńirde tabıǵatqa baılanys­ty kóptegen úlkendi-kishili is-sharalar uıymdastyrylyp tu­rady. Sonyń biri – joǵaryda atal­ǵan týrıstik-ekspedısııalyq jasaqtardyń respýblıkalyq sleti.

Qaıtalanbas kórkem tabıǵaty ertegideı eliktirer Býrabaı baýraıyna el tarıhyna sýsaýly, bilmekke qumar jalyndy jastar kóptep jınaldy. Nur-Sultan, Almaty, Shymkent, ózge de qalalardan quramynda 160-qa jýyq 17 komanda bilim tara­zysyna bilikterin salyp, óz boı­laryndaǵy tanym kókjıegin keńeıte tústi. Jastar týrıstik daǵdylardy meńgerýge, týǵan jer tarıhy, mádenı jáne rýhanı murany qadirleı bilýge, salamatty ómir saltyn ustanýǵa baýlyndy. Sóz arasynda týrıstik slet balalardyń týrızm baǵytyndaǵy qabilet-qarymyn ushtaýǵa ǵa­na emes, keıbir kezde oıda joq­ta ora­la keter qysyltaıań shaq­tar­dan qalaı shyǵý kerektigin de úı­rendi.

Alashtyń jaqsysy men jaı­sańynyń izi qalǵan Býrabaı ólkesindegi qasıeti, quty mol tabıǵat aıasynda shatyrla­ryn tigip, árqıly saıystar uıym­dastyrdy. Komandalyq kon­kýrs­tyń betashar kezeńi taqyrypty ashý tereńdigi, oryndaý sapasy, úılesimdiligi, sóz sóıleı bilý mádenıeti boıynsha baǵalandy. О́lketaný blogy eki kezeńnen turdy. Alǵashqy kezeńde «Týǵan ólke soqpaqtary» atalymy boıynsha zertteý jumystarynyń jobalary usynyldy. Balalar ekspedısııanyń qorytyndylary boıynsha ózderiniń oılaryna túıgenderin ornyqty, oralymdy tilmen baıandap, baǵyt kartasyn, ólketaný obektilerin, olar­dyń mán-mańyzyn, baǵyttyń erek­shelikterin kórsetti.

Tájirı­belik bólim Abylaı han alańynda ótti. Qatysýshylar jer jánnaty – Býrabaıdyń tamyljyǵan tylsym tabıǵaty, bul aımaqtaǵy kıeli oryndar, el aýzynda saqtalǵan mańyzdy ańyzdarǵa qatysty berilgen tap­syrmalar­dy oryndady. Jas tol­qyn eko­logııalyq ekspedısııa týra­ly da esep berip, óz materıaldaryn paı­dalana otyryp, pikir túıindedi.

Komanda músheleri ártúrli kedergilerden ótip, qashyqtyqty ıgerý taktıkasyn tańdady. Sha­tyrly lager Qatarkól aıdy­nynyń jaǵasynda oryn tepti. Shy­nyn aıtý kerek, bul ólkeniń kúzi salqyn, tún de deneńdi ti­tirkendirerdeı sýyq, jeldi boldy. Biraq tabıǵattyń bul syny jas tolqyndy jaýrata alǵan joq. Sońǵy kúni Býrabaı orman sharýashylyǵynyń qyz­met­­kerlerimen birige «Birge – ta­­za Qa­zaq­stan!» aksııasyna qa­­tysty. Jastyq jalynnyń jadyraǵan jıyny Shýche qa­lasyndaǵy mádenıet úıinde qory­tyndylandy. Jalpy­ko­man­dalyq esepte Batys Qazaq­stan oblysynyń ókilderi jeńimpaz dep tanyldy. Ekinshi oryn aqmo­la­lyqtarǵa, úshinshi oryn Pavlodar oblysyna tıdi. 

 Aqmola oblysy,

Býrabaı aýdany