Almatyda osymen ekinshi jyl qatarynan uıymdastyrylǵan «Batyl bol» jobasynyń taǵy bir saıysy márege jetti.
Sportty jany súıgen jasóspirimderdi shyńdaıtyn biregeı joba búginde qanatyn keńge jaıyp keledi. Aıtýly shara turmystyq jaǵdaıy tómen otbasylardan shyqqan balalarǵa arnalǵan. Bul joly shahardyń Naýryzbaı aýdanynda ótken sporttyq dodaǵa Almaty qalasy jáne Almaty oblysynan 150-ge tarta bala qatysty.
Erkin kúresten baq synaǵan balǵyn balýandar eki jas erekshelikteri (9 ben 13) boıynsha bozkilemdi shańdatty. Jarys Almaty qalasy ákimdiginiń qoldaýymen ótip otyr. Uıymdastyrýshylar saıystyń maqsaty – óskeleń urpaqty sportqa baýlyp, salaýatty ómir saltyn nasıhattaý ekenin aıtady.
«Is-sharanyń basty maqsaty - jastardyń sportqa degen kózqarasyn ózgertý, óıtkeni balalar qazir uıaly telefon nemese teledıdar, kompıýter dep úıde otyryp qalady. Bolmasa sandalyp dalada júredi. Sol sebepten balalardyń barlyǵyn biz jattyǵý zalyna tartyp jatyrmyz», – deıdi «Batyl bol» jobasynyń jetekshisi Muhtar Tursynov.
ALMATY