Senbi, 16 naýryz 2013 0:55
2012 jylǵy 29 jeltoqsan Astana, Úkimet Úıi
Energııa únemdeý jáne energııa tıimdiligin arttyrý saraptamasyn júrgizý qaǵıdalaryn bekitý týraly
«Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasynyń Zańy 4-babynyń 13) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Energııa únemdeý jáne energııa tıimdiligin arttyrý saraptamasyn júrgizý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Senbi, 16 naýryz 2013 0:55
2012 jylǵy 29 jeltoqsan Astana, Úkimet Úıi
Energııa únemdeý jáne energııa tıimdiligin arttyrý saraptamasyn júrgizý qaǵıdalaryn bekitý týraly
«Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasynyń Zańy 4-babynyń 13) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Energııa únemdeý jáne energııa tıimdiligin arttyrý saraptamasyn júrgizý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
QazaqstanRespýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2012 jylǵy 29 jeltoqsandaǵy №1784 qaýlysymen bekitilgen
Energııa únemdeý jáne energııa tıimdiligin arttyrý saraptamasyn júrgizý qaǵıdalary
1. Jalpy erejeler
1. Osy Energııa únemdeý jáne energııa tıimdiligin arttyrý saraptamasyn júrgizý qaǵıdalary (budan ári – Qaǵıdalar) «Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasynyń Zańy 4-babynyń 13) tarmaqshasyna sáıkes ázirlendi jáne energııa únemdeý jáne energııa tıimdiligin arttyrý saraptamasyn júrgizý tártibin aıqyndaıdy.
2. Osy qaǵıdalarda mynadaı negizgi uǵymdar paıdalanylady:
1) energııa únemdeý jáne energııa tıimdiligin arttyrý salasyndaǵy ýákiletti organ (budan ári – ýákiletti organ) – energııa únemdeý jáne energııa tıimdiligin arttyrý salasyndaǵy basshylyqty júzege asyratyn ortalyq atqarýshy organ;
2) energııa únemdeý jáne energııa tıimdiligin arttyrý saraptamasy – energetıkalyq resýrstardy paıdalanýǵa jáne úılerdi, qurylystardy, ǵımarattardy salý, sondaı-aq olardy rekonstrýksııalaýdy, kúrdeli jóndeýdi júrgizý kezinde tutynýshylardyń energııamen qamtamasyz etýge arnalǵan shyǵyndaryn ońtaılandyrýǵa baılanysty sáýlet-qurylys jáne tehnıkalyq sheshimderdiń energııa tıimdiligin baǵalaý maqsatynda júrgiziletin saraptama;
3) energııa únemdeý – paıdalanylatyn energetıkalyq resýrstardyń kólemin azaıtýǵa baǵyttalǵan uıymdastyrýshylyq, tehnıkalyq, tehnologııalyq, ekonomıkalyq jáne ózge de sharalardy iske asyrý;
4) energetıkalyq resýrstar – zapastaǵy energııasy qazirgi ýaqytta sharýashylyq jáne ózge de qyzmet túrlerine paıdalanylatyn nemese perspektıvada paıdalanylýy múmkin tabıǵı jáne óndirilgen energııa tasyǵyshtardyń jıyntyǵy, sondaı-aq energııa túrleri (atom, elektr, hımııa, elektrli-magnıtti, jylý jáne energııanyń basqa da túrleri);
5) shartty otyn – tehnıkalyq-ekonomıkalyq esepteýler kezinde qabyldanǵan, organıkalyq otynnyń alýan túrleriniń jylý qundylyǵyn salystyrý úshin qyzmet etetin, normatıvter men standarttarda reglamentteletin birlik;
6) akkredıtteý týraly kýálik – ýákiletti organ beretin, zańdy tulǵalardyń energııa aýdıtin jáne (nemese) energııa únemdeý jáne energııa tıimdiligin arttyrý saraptamasyn júzege asyrý quzyretin kýálandyratyn resmı qujat;
7) tapsyrys berýshi – energııa únemdeý jáne energııa tıimdiligin arttyrý saraptamasyn júrgizý jónindegi qyzmetti alý úshin saraptama uıymyna ótinish bildirgen jeke nemese zańdy tulǵa;
8) energııa únemdeý jáne energııa tıimdiligin arttyrý saraptamasy boıynsha saraptama uıymy (budan ári – saraptama uıymy) – jańa úılerdi, qurylystardy, ǵımarattardy salýdyń nemese qazirgi barlaryn keńeıtýdiń (kúrdeli jóndeýdiń, rekonstrýksııalaýdyń) jobalaý aldyndaǵy jáne (nemese) jobalaý (jobalaý-smetalyq) qujattamasyna energııa únemdeý jáne energııa tıimdiligin arttyrý saraptamasyn júzege asyrýǵa ýákiletti organ akkredıttegen zańdy tulǵa.
3. Energııa únemdeý jáne energııa tıimdiligin arttyrý saraptamasy Qazaqstan Respýblıkasynyń zańnamasyna sáıkes jasalǵan shart negizinde, tapsyrys berýshiniń qarajaty esebinen júzege asyrylady jáne jobalardyń keshendi memlekettik saraptamasyna jáne olardy bekitkenge deıin júrgiziledi.
4. Kúntizbelik bir jyl ishinde bes júz jáne odan kóp tonnaǵa barabar shartty otyn mólsherinde energetıkalyq resýrstar tutynatyn jańa úılerdi, qurylystardy, ǵımarattardy salýdyń nemese qazirgi barlaryn keńeıtýdiń (kúrdeli jóndeýdiń, rekonstrýksııalaýdyń) jobalaý aldyndaǵy jáne (nemese) jobalaý (jobalaý-smetalyq) qujattamasy mindetti túrde energııa únemdeý jáne energııa tıimdiligin arttyrý saraptamasyna jatady.
5. Mindetti saraptamaǵa jatpaıtyn jobalar boıynsha energııa únemdeý jáne energııa tıimdiligin arttyrý saraptamasy osy Qaǵıdalarda belgilengen tártippen erikti negizde júrgiziledi.
2. Energııa únemdeý jáne energııa tıimdiligin arttyrý saraptamasyn júrgizý tártibi
6. Energııa únemdeý jáne energııa tıimdiligin arttyrý saraptamasyn júrgizý úshin tapsyrys berýshi jumys jobasy pasportynyń kóshirmesin qosa saraptama uıymyna erkin nysandaǵy ótinish beredi.
7. Shart jasasýǵa deıin:
1) saraptama uıymy osy Qaǵıdalardyń 8-tarmaǵyna sáıkes jumys jobasy pasportynyń derekteri negizinde ótinishtiń túsken sátinen bastap bir jumys kúni ishinde energııa únemdeý jáne energııa tıimdiligin arttyrý saraptamasyn júrgizý úshin qajetti qujattamanyń tizbesin qalyptastyrady jáne tapsyrys berýshiden suratady;
2) tapsyrys berýshi saraptama uıymyna energııa únemdeý jáne energııa tıimdiligin arttyrý saraptamasyn júrgizý úshin qajetti suratylyp otyrǵan qujattar kóshirmelerin salystyryp tekserý úshin túpnusqalaryn qosa beredi;
3) saraptama uıymy tapsyrys berýshiniń suratylyp otyrǵan qujattamalardy bergen sátinen bastap bir jumys kún ishinde energııa únemdeý jáne energııa tıimdiligin arttyrý saraptamasyn júrgizý qunyn aıqyndaıdy.
8. Energııa únemdeý jáne energııa tıimdiligin arttyrý saraptamasyn júrgizý úshin tapsyrys berýshiden suratylyp otyrǵan qajetti qujattamalardyń tizbesi obektiniń ereksheligine baılanysty jobalaý qujattamasynyń bólimderinen qalyptastyrylady, atap aıtqanda:
1) jumys jobasynyń pasporty;
2) jobanyń energetıkalyq pasporty (jobalaýǵa arnalǵan tapsyrmaǵa sáıkes);
3) jalpy túsindirme haty;
4) bas jospar;
5) tehnologııalyq sheshimder;
6) sáýlet-qurylys sheshimderi;
7) ınjenerlik jabdyqtaý, jeliler men júıeler;
8) smetalyq qujattama.
9. Tapsyrys berýshi bergen qujattar tizbesi jáne energııa únemdeý jáne energııa tıimdiligin arttyrý saraptamasyn júrgizý quny shartta kórsetiledi.
10. Energııa únemdeý jáne energııa tıimdiligin arttyrý saraptamasyn júrgizý merzimi shartpen belgilenedi, biraq shartqa qol qoıylǵan sátten bastap on bes jumys kúninen aspaıdy.
11. Júrgizilgen energııa únemdeý jáne energııa tıimdiligin arttyrý saraptamasynyń nátıjeleri boıynsha saraptamany júzege asyratyn zańdy tulǵanyń fırmalyq blankisinde saraptamalyq qorytyndy jasalady.
12. Saraptamalyq qorytyndy mynadaı negizgi bólikterden turady:
1) qujattyń jasalǵan jeri jáne kúni, saraptama jasalatyn jáne saraptama uıymynyń tolyq ataýy, olardyń basshylarynyń jáne saraptama júrgizgen tulǵanyń laýazymy, tegi men aty-jóni, saraptama ataýy men ótkizý ýaqyty, sondaı-aq jasalǵan shart nómiri týraly málimetter qamtylatyn kirispe bóligi;
2) esep berý bóligi, onda:
jańa úılerdi, qurylystardy, ǵımarattardy salýdyń nemese qazirgi qazirgi barlaryn keńeıtýdiń (kúrdeli jóndeýdiń, rekonstrýksııalaýdyń) jobalaý aldyndaǵy jáne (nemese) jobalaý (jobalaý-smetalyq) qujattamasynyń Qazaqstan Respýblıkasynyń energııa únemdeý jáne energııa tıimdiligin arttyrý salasyndaǵy zańnamasynda belgilengen talaptarǵa sáıkestigi;
qurylys materıaldaryn, buıymdardy jáne konstrýksııalardy, sondaı-aq qazaqstandyq óndiristiń tehnologııalyq jáne ınjenerlik jabdyqtaryn qoldaný týraly aqparat;
jobanyń berilgen energııa tıimdiligi klasyna sáıkestigi keltiriledi;
3) qorytyndy bólik, onda:
jańa úılerdi, qurylystardy, ǵımarattardy salýdyń nemese qazirgi barlaryn keńeıtýdiń (kúrdeli jóndeýdiń, rekonstrýksııalaýdyń) jobalaý aldyndaǵy jáne (nemese) jobalaý (jobalaý-smetalyq) qujattamasynyń sáýlet-qurylys jáne tehnıkalyq sheshimderdiń energııa tıimdiligin oń nemese teris baǵalaý;
jańa úılerdi, qurylystardy, ǵımarattardy salýdyń nemese qazirgi barlaryn keńeıtýdiń (kúrdeli jóndeýdiń, rekonstrýksııalaýdyń) jobalaý aldyndaǵy jáne (nemese) jobalaý (jobalaý-smetalyq) qujattamasynyń sáýlet-qurylys jáne tehnıkalyq sheshimderdiń energııa tıimdiligi teris baǵalanǵan jaǵdaıda Qazaqstan Respýblıkasynyń energııa únemdeý jáne energııa tıimdiligin arttyrý salasyndaǵy qoldanystaǵy zańnamasynyń naqty normasyna silteme jasaı otyryp keltiriledi.
13. Jańa úılerdi, qurylystardy, ǵımarattardy salýdyń nemese qazirgi barlaryn keńeıtýdiń (kúrdeli jóndeýdiń, rekonstrýksııalaýdyń) jobalaý aldyndaǵy jáne (nemese) jobalaý (jobalaý-smetalyq) qujattamasyna qorytyndy energııa únemdeýdiń teris baǵasymen berilgen jaǵdaıda, tapsyrys berýshige sáıkessizdikterdi joıý úshin kúntizbelik otyz kúnnen aspaıtyn merzimde ýaqyt beriledi.
14. Tapsyrys berýshi energııa únemdeý jáne energııa tıimdiligin arttyrý saraptamasynyń barysynda anyqtalǵan sáıkessizdikterdi joıǵannan keıin saraptama uıymy sáıkessizdikterdiń joıylǵany týraly tıisti belgisi bar oń qorytyndy beredi.
15. Sáıkessizdikter belgilengen merzimde joıylmaǵan jaǵdaıda, energııa únemdeý jáne energııa tıimdiligin arttyrý saraptamasy osy Qaǵıdalarda belgilengen tártippen qaıta júrgiziledi.
16. Energııa únemdeý jáne energııa tıimdiligin arttyrý saraptamasynyń qorytyndysy úsh danada resimdeledi jáne ony saraptama uıymynyń basshysy bekitedi. Bir danasy tapsyrys berýshige beriledi, ekinshisi – saraptama uıymynda saqtalady, úshinshisi – ýákiletti organǵa jiberiledi.