Qazaqstan Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» taqyrybymen jarııalanǵan Joldaýynda negizinen eldiń ishki máselelerine basymdyq berilgen.
Naqtylaı aıtqanda, buǵan deıin qolǵa alynǵan kóptegen jumystardy ýaqyt talabyna saı odan ári jalǵastyrý mindeti qoıylyp otyr.
Joldaýda Qazaqstannyń Tuńǵysh Prezıdenti – Elbasy Nursultan Nazarbaevtyń júrgizip kelgen sarabdal saıasaty, strategııasy sabaqtastyqpen jalǵastyrylatyny naqty kórsetilgen. Bul qadam barsha qazaqstandyqtardan, sondaı-aq halyqaralyq qoǵamdastyqtan da qoldaý taýyp otyr.
Sondaı-aq Joldaýda jergilikti memlekettik organdar jumysynyń tıimdiligin arttyrýǵa baǵyttalǵan máselelerge, onyń jergilikti ákimderdiń esep berýshiligin arttyrý jáne «qulaq asatyn memleket» tujyrymdamasyn ázirleýge basa mán berilýi halyqtyń kóńilinen shyqty dep esepteımin. Bilim berý sapasyn jaqsartý máselesi de Joldaýda jaqsy aıtylǵan.
Joldaý sheteldik ınvestorlar úshin de qolaıly jaǵdaılar jasaýǵa múmkindik beredi. Bul bastama sheteldik kompanııalar arasyndaǵy turaqtylyq senimin kúsheıtedi.
Shahýl Hamıd bın Mohd ISMAIL,
Qazaqstandaǵy malaızııalyq eń iri ınvestorlardyń biri –
«Reach Energy Kazakhstan» kompanııasynyń basqarýshy dırektory