Aqtóbe qalasynan shyǵatyn «Adyrna» respýblıkalyq ádebı-kórkem, kópshilik jýrnaly jarııalaǵan «Altyn jebe» ádebı báıgesiniń qorytyndysy shyqty.
Báıgege bir jyldan astam merzim ishinde 147 avtordan 205 qoljazba túsken. Olardyń eń tańdaýly, laıyqty dep tanylǵandary «Adyrna» jýrnalynda jarııalanyp keledi.
Nátıjesinde báıgege túsken shyǵarmalardyń deńgeıin eskere kele, eki mıllıon teńgelik bas júlde eshkimge berilmeıdi dep sheshilgen. Esesine eki shyǵarmaǵa birinshi oryn jáne bir mıllıon teńge qarjylaı syılyq berilgen. Al yntalandyrý syılyqtarynyń sany eki ese kóbeıip, altyǵa jetken.
Birinshi oryndy jáne bir mıllıon teńge aqshalaı syılyqty Serik Aqsuńqaruly «Saıtannyń saıran salýy» poemasy, «Adamzattyń eń alǵashqy aqyny», «Antıpoezııa» poetıkalyq esselerimen jáne «Aspaly kerýet», «Barsık» áńgimelerimen Maqsat Málik jeńip aldy.
Al ekinshi oryndy Janat Áskerbekqyzy men Beken Ybyraıymov ıelengen. Júldegerlerge 500 myń teńge qarjylaı syılyq beriledi.
Úshinshi oryndy Asylbek Ihsan, Jadyra Shamuratova jáne Marhabat Baıǵutov ıelendi.
Yntalandyrý syılyqtaryn alǵandar qatarynda Mıras Asan, Jadyra Baıbulanova, Qanaǵat Ábilhaıyr, Almas Ahmetbekuly, Serik Nuǵyman, Zaman Tóleýov jáne Aıgúl Kemelbaeva bar.
Syılyqtardy tapsyrý rásimi Aqtóbe qalasynda qarasha aıynda ótedi. Syılyqtarmen qosa laýreattardyń shyǵarmalarynan qurastyrylǵan «Altyn jebe» kitaby men «Altyn jebe» estelik belgisi tabystalady.