Seısenbi, 4 maýsym 2013 2:13
«Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy №861 Jarlyǵyna ózgeris engizý týraly
Qaýly etemin:
1. «Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy № 861 Jarlyǵyna (Qazaqstan Respýblıkasynyń PÚAJ-y, 2009 j., № 36, 342-qujat) mynadaı ózgeris engizilsin:
joǵaryda kórsetilgen Jarlyqpen bekitilgen Respýblıkalyq bıýdjet jobasyn ázirleý qaǵıdalary osy Jarlyqqa qosymshaǵa sáıkes jańa redaksııada jazylsyn.
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Seısenbi, 4 maýsym 2013 2:13
«Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy №861 Jarlyǵyna ózgeris engizý týraly
Qaýly etemin:
1. «Respýblıkalyq bıýdjet jobasyn ázirleý erejelerin bekitý týraly» Qazaqstan Respýblıkasy Prezıdentiniń 2009 jylǵy 26 tamyzdaǵy № 861 Jarlyǵyna (Qazaqstan Respýblıkasynyń PÚAJ-y, 2009 j., № 36, 342-qujat) mynadaı ózgeris engizilsin:
joǵaryda kórsetilgen Jarlyqpen bekitilgen Respýblıkalyq bıýdjet jobasyn ázirleý qaǵıdalary osy Jarlyqqa qosymshaǵa sáıkes jańa redaksııada jazylsyn.
2. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti
N.NAZARBAEV.
Astana, Aqorda, 2013 jylǵy 30 mamyr №575
—————————————————
Qazaqstan Respýblıkasy Prezıdentiniń 2013 jylǵy 30 mamyrdaǵy № 575 Jarlyǵyna
QOSYMShA
Qazaqstan Respýblıkasy Prezıdentiniń 2009 jylǵy 26 tamyzdaǵy № 861 Jarlyǵymen
BEKITILGEN
Respýblıkalyq bıýdjet jobasyn ázirleýQAǴIDALARY
1. Jalpy erejeler
1. Osy Respýblıkalyq bıýdjet jobasyn ázirleýdiń osy qaǵıdalary (budan ári – Qaǵıdalar) 2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksine sáıkes ázirlendi jáne respýblıkalyq bıýdjet jobasyn ázirleý tártibin aıqyndaıdy.
2. Respýblıkalyq bıýdjet jobasyn ázirleý prosesi mynadaı kezeńderdi:
1) Qazaqstan Respýblıkasynyń áleýmettik-ekonomıkalyq damý boljamynyń jobasyn ázirleýdi jáne ony Qazaqstan Respýblıkasy Úkimetiniń maquldaýyn;
2) ortalyq memlekettik organdardyń strategııalyq josparlarynyń jobalaryn nemese strategııalyq josparlaryna engiziletin ózgerister men tolyqtyrýlardyń jobalaryn, strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalarynyń jobalaryn, bıýdjettik ótinimderdi ázirleýdi jáne olardy Respýblıkalyq bıýdjet komıssııasynyń qaraýyn;
3) respýblıkalyq bıýdjet týraly zań jobasyn ázirleýdi qamtıdy.
2. Qazaqstan Respýblıkasynyń áleýmettik-ekonomıkalyq damý boljamynyń jobasyn ázirleý
3. Qazaqstan Respýblıkasynyń áleýmettik-ekonomıkalyq damý boljamyn memlekettik josparlaý jónindegi ortalyq ýákiletti organ ázirleıdi.
4. Qazaqstan Respýblıkasynyń áleýmettik-ekonomıkalyq damý boljamyn ázirleý tártibin Qazaqstan Respýblıkasynyń Úkimeti aıqyndaıdy.
3. Ortalyq memlekettik organdardyń strategııalyq josparlarynyń jobalaryn nemese strategııalyq josparlaryna engiziletin ózgerister men tolyqtyrýlardyń jobalaryn ázirleý, basym bıýdjettik ınvestısııalar boıynsha usynystar tujyrymdaý, strategııalyq josparlar men bıýdjettik ótinimder ázirlemeıtin bıýdjettik baǵdarlamalar ákimshileriniń bıýdjettik baǵdarlamalarynyń jobalaryn ázirleý
5. Respýblıkalyq bıýdjet shyǵystaryn josparlaý úshin respýblıkalyq bıýdjettik baǵdarlamalar ákimshileri:
1) memlekettik josparlaý jónindegi ortalyq ýákiletti organǵa aǵymdaǵy qarjy jylynyń 1 sáýirine deıingi merzimde strategııalyq josparlardyń jobalaryn nemese strategııalyq josparlarǵa ózgerister men tolyqtyrýlardyń jobalaryn, sondaı-aq basym bıýdjettik ınvestısııalar boıynsha usynystardy;
2) bıýdjettik josparlaý jónindegi ortalyq ýákiletti organǵa aǵymdaǵy qarjy jylynyń 15 mamyryna deıingi merzimde bıýdjettik ótinimderdi jáne strategııalyq josparlardyń jobalaryn nemese memlekettik josparlaý jónindegi ortalyq ýákiletti organnyń qorytyndylaryn esepke ala otyryp, strategııalyq josparlarǵa ózgerister men tolyqtyrýlardyń jobalaryn usynady.
Strategııalyq josparlar ázirlemeıtin respýblıkalyq bıýdjettik baǵdarlamalardyń ákimshileri bıýdjettik josparlaý jónindegi ortalyq ýákiletti organǵa bıýdjettik ótinimderdi jáne bıýdjettik baǵdarlamalardyń jobalaryn usynady.
6. Respýblıkalyq bıýdjettik baǵdarlamalar ákimshileriniń tıisti josparly kezeńge arnalǵan bıýdjettik ótinimderin bıýdjettik josparlaý jónindegi ortalyq ýákiletti organ aıqyndaıtyn tártipte qaraý kezinde:
1) ótken qarjy jylyndaǵy bıýdjettik baǵdarlamalardyń atqarylýyn taldaý jáne olardy kelesi josparly kezeńge arnalǵan bıýdjettik ótinimde usynylǵan bıýdjettik baǵdarlamalardyń somalarymen salystyrý arqyly ótken qarjy jyly úshin respýblıkalyq bıýdjettiń atqarylý nátıjeleri, árbir bıýdjettik baǵdarlama boıynsha bıýdjettik qarajattyń ıgerilmeýine ákep soqtyrǵan sebepter;
2) respýblıkalyq bıýdjettik baǵdarlamalardyń ákimshileri usynǵan esepti qarjy jyly úshin strategııalyq josparlardyń iske asyrylýy týraly esepter jáne bıýdjettik baǵdarlamalardyń nátıjelerine qol jetkizý bóliginde bıýdjet qarajatyn basqarý boıynsha memlekettik organdar qyzmetiniń tıimdiligin baǵalaý nátıjeleri;
3) respýblıkalyq bıýdjettik baǵdarlamalardyń ákimshileri ótinim bergen shyǵystardy onyń negizdiligi turǵysynan qaraý bóliginde ótken qarjy jyly úshin respýblıkalyq bıýdjettiń atqarylýy týraly Qazaqstan Respýblıkasy Úkimetiniń esebine Respýblıkalyq bıýdjettiń atqarylýyn baqylaý jónindegi esep komıteti bergen qorytyndylar men usynymdar eskeriledi;
4) jańa bıýdjettik ınvestısııalyq jobalar boıynsha jobanyń ótimdiligi, joba aıaqtalǵannan keıin ony ustaýǵa arnalǵan shyǵystardyń negizdemesi, jalǵasatyn bıýdjettik ınvestısııalyq jobalar boıynsha – bıýdjettik ınvestısııalyq jobany iske asyrý monıtorınginiń nátıjeleri qaralady;
5) bıýdjettik kredıtter boıynsha kredıttik shart talaptaryn oryndaý jáne nysanaly maqsat boıynsha bıýdjettik kredıtti paıdalaný eskeriledi;
6) sheshilýine nysanaly transfertter boıynsha kelisim jobalarynda kózdelgen nysanaly transfertter bólinetin nysanaly transfertter boıynsha maqsattar men mindetterge qol jetkizýdi taldaý eskeriledi.
7. Memlekettik organnyń strategııalyq jospary Qazaqstan Respýblıkasynyń strategııalyq jáne baǵdarlamalyq qujattarynyń, áleýmettik-ekonomıkalyq damý boljamynyń negizinde ár úsh jyl saıyn bes jyldyq kezeńge ázirlenedi.
8. Respýblıkalyq bıýdjet shyǵystary bazalyq shyǵystarǵa jáne jańa bastamalarǵa arnalǵan shyǵystarǵa bólinedi.
Turaqty sıpattaǵy shyǵystar, kúrdeli shyǵystar, sondaı-aq, bıýdjetten qosa qarjylandyrý jaǵdaılarynda bastalǵan (jalǵasatyn) bıýdjettik ınvestısııalyq jobalarǵa jáne konsessııalyq jobalarǵa arnalǵan shyǵystar bazalyq shyǵystar bolyp tabylady.
Memlekettik fýnksııalardy, ókilettikterdi oryndaýǵa jáne memlekettik qyzmetter kórsetýge, sondaı-aq transfertter tóleýge jáne memlekettiń basqa da mindettemelerine baılanysty shyǵystar turaqty sıpattaǵy shyǵystar bolyp tabylady.
Jańa bastamalarǵa arnalǵan shyǵystarǵa:
1) keıinnen jańa bıýdjettik baǵdarlamalar boıynsha qarjylandyrylatyn strategııalyq jáne baǵdarlamalyq qujattarǵa sáıkes áleýmettik-ekonomıkalyq damýdyń jańa basym baǵyttaryn iske asyrýǵa;
2) makroekonomıkalyq jáne áleýmettik kórsetkishterdiń ózgerýine baılanysty emes jáne qoldanystaǵy bıýdjettik baǵdarlamalar sheńberinde bıýdjet qarajatyn jumsaýdyń qosymsha baǵyttaryn (oryndalatyn memlekettik fýnksııalardyń, ókilettikterdiń jáne kórsetiletin memlekettik qyzmetterdiń kólemin keńeıtýdi) kózdeıtin bazalyq shyǵystardy ulǵaıtýǵa baǵyttalǵan shyǵystar jatady.
9. Respýblıkalyq bıýdjettiń bazalyq shyǵystarǵa jáne jańa bastamalarǵa arnalǵan shyǵystarynyń kólemin respýblıkalyq bıýdjettik baǵdarlamalardyń ákimshileri arasynda bıýdjettik josparlaý jónindegi ortalyq ýákiletti organnyń usynystary negizinde jáne memlekettik josparlaý jónindegi ortalyq ýákiletti organnyń qorytyndysyn eskere otyryp, Respýblıkalyq bıýdjet komıssııasy bóledi.
Bazalyq shyǵystar shyǵystardyń qoldanystaǵy qurylymy men boljamdy makroekonomıkalyq kórsetkishter negizinde eseptelgen kezekti josparly kezeńniń úshinshi jylyna arnalǵan boljamdy kólemdi qosa otyryp, aǵymdaǵy josparly kezeńniń ekinshi jáne úshinshi jyldary shyǵystarynyń bekitilgen kólemi negizinde aıqyndalady.Jańa bastamalarǵa arnalǵan shyǵystar strategııalyq jáne baǵdarlamalyq qujattarda belgilengen eldiń damý basymdyqtaryn, esepti qarjy jylynyń bıýdjettik monıtorıngi nátıjelerin, esepti qarjy jylynda strategııalyq jospardy iske asyrý týraly esepterdi, nátıjelerdi baǵalaýdy eskere otyryp, respýblıkalyq bıýdjettik baǵdarlamalar ákimshileriniń arasynda bólinýge jatady.
10. Bıýdjettik baǵdarlamalar ákimshisiniń jańa bastamalaryna arnalǵan shyǵystardy josparlaý qosymsha bıýdjet qarajatyn bólý esebinen de, ótken josparly kezeńde respýblıkalyq bıýdjet týraly zańda bekitilgen osy bıýdjettik baǵdarlamalar ákimshisiniń bazalyq shyǵystary qarajatyn qaıta bólý esebinen de júzege asyrylady.
11. Eger jekelegen bıýdjettik baǵdarlamalar boıynsha ótken josparly kezeńniń ekinshi jáne úshinshi jyldarynyń shyǵystar somasy respýblıkalyq bıýdjet týraly zańda osy baǵdarlamalar boıynsha bekitilgen somamen salystyrǵanda ózgermeıtin bolsa, onda osy baǵdarlamalar (kishi baǵdarlamalar) boıynsha shyǵystardyń túrleri boıynsha esepter jasalmaıdy.
Osy baǵdarlamalar boıynsha shyǵystardyń túrleri boıynsha esepter úshinshi jylǵa ǵana jasalady.
Eger jekelegen bıýdjettik baǵdarlamalar boıynsha ótken josparly kezeńniń ekinshi jáne (nemese) úshinshi jyldarynyń shyǵystar somasy respýblıkalyq bıýdjet týraly zańda osy baǵdarlamalar boıynsha bekitilgen somamen salystyrǵanda ózgeretin bolsa, onda shyǵystardyń túrleri boıynsha esepteýler josparlanatyn josparly kezeńniń jyldary bólinisinde osy baǵdarlamalar (kishi baǵdarlamalar) boıynsha jasalady jáne usynylady.
12. Memlekettik josparlaý jónindegi ortalyq ýákiletti organ strategııalyq josparlardyń jobalaryn nemese strategııalyq josparlarǵa ózgerister men tolyqtyrýlardyń jobalaryn jáne basym bıýdjettik ınvestısııalar boıynsha usynystardy olardyń strategııalyq jáne baǵdarlamalyq qujattarǵa, eldiń áleýmettik-ekonomıkalyq damý boljamyna, Qazaqstan Respýblıkasynyń bıýdjet jáne ózge de zańnamasyna sáıkestigi turǵysynan qaraıdy.
Memlekettik josparlaý jónindegi ortalyq ýákiletti organ strategııalyq josparlardyń jobalaryn nemese olarǵa ózgerister men tolyqtyrýlardyń jobalaryn qaraý nátıjeleri boıynsha on kún ishinde qorytyndylardy qalyptastyrady jáne memlekettik josparlaý jónindegi ortalyq ýákiletti organ anyqtaıtyn nysan boıynsha respýblıkalyq bıýdjettik baǵdarlamalardyń ákimshisine jiberedi.
13. Respýblıkalyq bıýdjettik baǵdarlamalardyń ákimshisi memlekettik josparlaý jónindegi ortalyq ýákiletti organnyń qorytyndysyn eskere otyryp, strategııalyq josparlardyń jobasyn nemese strategııalyq josparlarǵa engiziletin ózgerister men tolyqtyrýlardyń jobalaryn pysyqtaıdy, bıýdjettik ótinim jasaıdy jáne Qazaqstan Respýblıkasy Bıýdjet kodeksiniń 66-babynyń 1-tarmaǵynda belgilengen merzimde bıýdjettik josparlaý jónindegi ortalyq ýákiletti organǵa usynady.
14. Bıýdjettik josparlaý jónindegi ortalyq ýákiletti organ:
1) respýblıkalyq bıýdjettik baǵdarlamalar ákimshileriniń bıýdjettik ótinimderin olardyń Qazaqstan Respýblıkasynyń bıýdjet jáne ózge de zańnamasyna, áleýmettik-ekonomıkalyq damý boljamyna, memlekettik qyzmettiń qoldanystaǵy zattaı normalaryna jáne standarttaryna sáıkestigi turǵysynan;
2) strategııalyq josparlar jobalarynyń nemese strategııalyq josparlarǵa engiziletin ózgerister men tolyqtyrýlar jobalarynyń quramynda usynylǵan bıýdjettik baǵdarlamalardyń kórsetkishterin olardyń strategııalyq maqsattarmen, strategııalyq baǵyttardyń mindetterimen ózara baılanystylyǵy turǵysynan;
3) strategııalyq josparlar ázirlemeıtin respýblıkalyq bıýdjettik baǵdarlamalar ákimshileriniń bıýdjettik baǵdarlamalarynyń jobalarynda usynylǵan nátıjelilik pen tıimdilik kórsetkishterin olardyń bıýdjettik baǵdarlamalar ákimshileri qyzmetiniń fýnksııalaryna, ókilettikterine, baǵyttaryna sáıkestigi turǵysynan qaraıdy.
15. Bıýdjettik josparlaý jónindegi ortalyq ýákiletti organ bıýdjettik ótinimder men strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalarynyń jobalaryn qaraý qorytyndylary boıynsha jáne memlekettik josparlaý jónindegi ortalyq ýákiletti organnyń qorytyndysyn eskere otyryp, respýblıkalyq bıýdjettik baǵdarlamalar ákimshileriniń shyǵystary boıynsha qorytyndyny qalyptastyrady jáne Respýblıkalyq bıýdjet komıssııasynyń qaraýyna jiberedi.
Bul rette respýblıkalyq bıýdjettik baǵdarlamalar ákimshileri shyǵystarynyń kólemine áleýmettik-ekonomıkalyq damý boljamynda kózdelmegen jańa bastamalarǵa arnalǵan shyǵystar engizilmeýge tıis.
Respýblıkalyq bıýdjettik baǵdarlamalar ákimshileri men memlekettik josparlaý jónindegi ortalyq ýákiletti organ, bıýdjettik josparlaý jónindegi ortalyq ýákiletti organ arasyndaǵy kelispeýshilikterdi Respýblıkalyq bıýdjet komıssııasy qaraıdy.
Respýblıkalyq bıýdjet komıssııasy respýblıkalyq bıýdjettik baǵdarlamalar ákimshisiniń shyǵystary boıynsha qorytyndyny qaraıdy jáne ol boıynsha usynystar tujyrymdaıdy.
16. Respýblıkalyq bıýdjet komıssııasy bıýdjettik josparlaý jónindegi ortalyq ýákiletti organ qaraýǵa daıyndaǵan materıaldardy Respýblıkalyq bıýdjet komıssııasynyń jumys organy jasaıtyn jáne Respýblıkalyq bıýdjet komıssııasynyń tóraǵasy kelisetin jospar-kestege sáıkes qaraıdy. Respýblıkalyq bıýdjet komıssııasynyń tóraǵasymen kelisilgen jospar-keste respýblıkalyq bıýdjettik baǵdarlamalardyń ákimshilerine jetkiziledi.
17. Respýblıkalyq bıýdjettik baǵdarlamalardyń ákimshileri Respýblıkalyq bıýdjet komıssııasynyń usynystaryna sáıkes bıýdjettik josparlaý jónindegi ortalyq ýákiletti organǵa – aǵymdaǵy qarjy jylynyń 1 tamyzyna deıingi merzimde pysyqtalǵan bıýdjettik ótinimderdi, strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalarynyń jobalaryn, memlekettik josparlaý jónindegi ortalyq ýákiletti organǵa – strategııalyq josparlardyń pysyqtalǵan jobalaryn nemese strategııalyq josparlarǵa engiziletin ózgerister men tolyqtyrýlardyń jobalaryn usynady.
4. Respýblıkalyq bıýdjet týraly zań jobasyn ázirleý
18. Respýblıkalyq bıýdjetti bıýdjettik josparlaý jónindegi ortalyq ýákiletti organ áleýmettik-ekonomıkalyq damý boljamyn, memlekettik josparlaý jónindegi ortalyq ýákiletti organnyń memlekettik organdardyń strategııalyq josparlaryn qaraý nátıjeleri boıynsha qorytyndylaryn eskere otyryp, jyl saıyn josparly kezeńge ázirleıdi jáne ony Respýblıkalyq bıýdjet komıssııasynyń qaraýyna engizedi.
19. Bıýdjettik josparlaý jónindegi ortalyq ýákiletti organ Respýblıkalyq bıýdjet komıssııasynyń respýblıkalyq bıýdjet jobasy boıynsha usynystary negizinde respýblıkalyq bıýdjet týraly zańnyń jobasyn ázirleıdi jáne aǵymdaǵy qarjy jylynyń 15 tamyzynan keshiktirmeı ony Qazaqstan Respýblıkasy Úkimetiniń qaraýyna usynady.
20. Respýblıkalyq bıýdjet týraly zańnyń jobasy Qazaqstan Respýblıkasy Bıýdjet kodeksiniń 13-babynda kózdelgen bıýdjet qurylymyna sáıkes Qazaqstan Respýblıkasy Bıýdjet kodeksiniń 71-babynda kózdelgen talaptar eskerile otyryp ázirlenedi.
21. Respýblıkalyq bıýdjet týraly zańnyń jobasyn Qazaqstan Respýblıkasynyń Úkimeti aǵymdaǵy qarjy jylynyń 1 qyrkúıeginen keshiktirmeı Qazaqstan Respýblıkasynyń Parlamentine engizedi.
Qazaqstan Respýblıkasynyń Úkimeti respýblıkalyq bıýdjet týraly zańnyń jobasymen bir mezgilde mynadaı qujattar men materıaldardy:
1) respýblıkanyń áleýmettik-ekonomıkalyq damý boljamyn;
2) ortalyq memlekettik organdardyń strategııalyq josparlarynyń jobalaryn nemese strategııalyq josparlarǵa engiziletin ózgerister men tolyqtyrýlardyń jobalaryn;
3) strategııalyq josparlar ázirlemeıtin bıýdjettik baǵdarlamalar ákimshileriniń bıýdjettik baǵdarlamalarynyń jobalaryn;
4) memlekettik jáne memleket kepildik bergen boryshtyń sońǵy esepti kúngi jaı-kúıi týraly derekterdi;
5) bıýdjettik baǵdarlamalardyń bıýdjettik kishi baǵdarlamalary bólinisinde bıýdjet qarajatynyń jumsalý baǵytyn naqtylaıtyn aqparatty jáne respýblıkalyq bıýdjettiń jobasyna engizilgen sheshimderdi ashyp kórsetetin túsindirme jazbany usynady.