Bul týraly oblystyq polısııa departamentiniń baspasóz qyzmeti málimdedi. Biraq baspasóz qyzmeti ázirge banktyń aty men qashyp ketken basshysynyń atyn aıtpaı otyr.
Banktiń Jitiqara aýdandyq fılıalynyń basshysy óz bankin tonap, qashyp ketken. Oǵan Qostanaı oblystyq polısııa departamentinde QR QK 4-bólimi, 189-baby boıynsha «Asa iri kólemde sengen múlikti ıelengeni jáne shyǵyndaǵany úshin» tergeý amaldary bastaldy.
Kúdikti sanalyp otyrǵan fılıal basshysynyń alyp ketken aqshasy 205 myń eýro, teńgege shaqqanda 87 mıllıon teńgeden asady. Tergeý-izdestirý amaldary kórsetkendeı, ol shekaradan Reseıge 12 qarasha kúni ótken. Qazir ustaý sharalary júrgizilýde.