Fýtboldan Eýropa chempıonaty irikteý aıasynda synǵa túsip jatqan Qazaqstan quramasy syrt alańda San-Marınomen kezdesip, 3:1 esebimen jeńiske jetti.
Kezdesýde Mıhal Belek jattyqtyratyn qurama jigitteri birinshi taımda-aq match taǵdyryn sheship tastady. Oıynnyń 6-mınýtynda baspen soqqy jasaǵan Bahtıer Zaınýtdınov esepti ashsa, 22-mınýtta Gafýrjan Súıimbaev tabloda ózgeris engizdi – 2:0. Al araǵa tórt mınýt salyp Alekseı Shetkınniń qanjyǵasy maılandy.
Ekinshi taımnyń 76-mınýtynda alań ıeleri sapynan Fılıppo Berardı gol soǵyp, osy irikteý synynda quramanyń alǵashqy golyn soqty.
Qorjynynda 10 upaıy bar quramamyz sońǵy kezdesýin 19 qarashada Shotlandııa komandasymen syrt alańda ótkizedi.
Almas MANAP