Atyraýda Rahymjan Otarbaev atyndaǵy III respýblıkalyq teatr festıvali bastaldy. 18-22 qarasha aralyǵynda Atyraý jurtshylyǵyna kórsetiletin mádenı sharaǵa elimizdiń 9 shyǵarmashylyq ujymy qatysady.
Olardyń ónerin saraptaýshy qazylar alqasynyń tóraǵasy – KSRO halyq artısi Asanáli Áshimov, Esmuhan Obaev jáne Serdesh Qajymuratuly, Talǵat Temenov, Ularbek Nurǵalymuly, Aızat Qydyralıeva men Qarakóz Rahymjanqyzy qazylar quramy bolyp bekitilgen.
- Bul óte aýqymdy, mádenı is-shara. О́ıtkeni, ádebıet pen mádenıetke teńdeı úles qosqan Rahymjandaı perzentin eli umytpaýy kerek. Ol Qazaqstandy ǵana emes, alys-jaqyn shet memleketterdi moıyndatqan sanaýly sýretkerdiń biri. Búgin onyń rýhyna as berildi, endi mine jalǵasy úlken sharaǵa ulasyp jatyr. Umytpaı, elep-eskergen úlken-kishige alǵysym sheksiz, - deıdi Asanáli Áshimov.
Búgin sondaı-aq Rahymjan Otarbaevtyń «Bas», «I byl ıa podobıem tvoım...», «Plach Chıngıshana» týyndylary men Rahymjan Otarbaevqa arnalǵan «Ańyz adam» jýrnalynyń qarasha aıyndaǵy sanynyń tusaýy kesildi.
Rahymjan Otarbaev – kórnekti jazýshy-dramatýrg, QR eńbek sińirgen qaıratkeri, «Parasat» ordeniniń ıegeri. 2018 jyly ómirden ótti.
ATYRAÝ