Madrıdte (Ispanııa) bir aptaǵa sozylǵan tennısten Devıs kýbogynyń fınaldyq kezeńi óz máresine jetti. Álemniń úzdik 18 komandasy qatysqan básekede otandastarymyz da baq synaǵan bolatyn.
Nıderland jáne Ulybrıtanııa quramalarymen bir topta synǵa túsken Qazaqstan tennısshileri «Qyzǵaldaqtar elinen» kelgen qarsylastarynan 2:1 esebimen basym tússe, keıinnen Endı Marreı bastaǵan Ulybrıtanııa quramasymen ótken básekede qandastarymyz 1:2 esebimen jol berdi. Osylaısha bir oıynda jeńip, ekinshi oıynda jeńilgen qazaqstandyq tennısshiler óz tobynda ekinshi oryn alǵanymen, shırek fınalǵa shyǵa almady.
Devıs kýbogynyń ¼ básekesine Aýstralııa, Kanada, Serbııa, Reseı, Ulybrıtanııa, Germanııa, Argentına, Ispanııa quramalary shyqqanymen, fınalǵa tek Kanada jáne jarys qojaıyndary Ispanııa tennısshileri joldama aldy.