Bıylǵy oqý jylynyń qorytyndysymen №1 orta mekteptiń «Tulpar» qoǵamdyq uıymy Qazaqstan Respýblıkasynyń Tuńǵysh Prezıdenti N.Á.Nazarbaev qorynyń 1 mıllıon teńge grantyn jeńip alǵan bolatyn. Balalardyń bastamashyldyǵymen bul qarjyny Arshaly aýylyndaǵy jıyrma jyl boıy qaraýsyz qalǵan demalys parkin tártipke keltirip, jańǵyrtýǵa jumsaý týraly sheshim qabyldandy.
Igi iske jumyla kirisken oqýshylar men ózge de eriktiler jazǵy kanıkýl kúnderi belsene jumys atqaryp, aýmaǵy eki gektarlyq saıabaqty adam tanymastaı ózgertti. Balalar bastamasy aýyl jastary, jergilikti ákimshilik, kommýnaldyq sharýashylyq qyzmeti tarapynan qyzý qoldaý taýyp, sharbaqtar ornatylyp, gúlzarlar egildi, úlken sahna boı kóterip, jaryq tartyldy. Oıyn alańyna qajetti jabdyqtar, sporttyq qondyrǵylar satyp alyndy. Jergilikti kásipkerler de qarap qalmaı, altybaqan, balalar átkenshekterin, tipti peıntbol alańyn syıǵa tartty.
Arshalylyqtar jańa saıabaqqa «Qýanysh ordasy» degen at berdi.
Baqbergen AMALBEK,
«Egemen Qazaqstan».
Aqmola oblysy.