Semeı qalasynyń Ortalyqtandyrylǵan kitaphana júıesinde №8 orta mekteptiń 8-10 synyp oqýshylarynyń qatysýymen «Rýhanı jańǵyrý» baǵdarlamasyndaǵy «Rýhanı qazyna» kishi bólimi aıasynda «Shyǵys Qazaqstannyń kıeli jerlerine saıahat» atty saıahat sabaǵy ótkizildi.
Sharany asha otyryp kitaphana qyzmetkerleri kez kelgen eldiń tarıhı nemese mıfologııalyq núkteleri, ıaǵnı qasıetti jerleri bolatynyn túsindire kele, bul kıeli mekender memleket aýmaǵynda turatyn árbir adam úshin mańyzdy ekendigin aıtty.
Saıahat sabaq barysynda Shyǵys Qazaqstannyń kıeli jerleri beınelengen karta usynyldy. Shara qatysýshylary «Berel» jáne «Shilikti» qorǵandary, Qozy-Kórpesh pen Baıan Sulý kesenesi, Uly Abaıdyń «Jıdebaı-Bórili» qoryq-murajaıy, «Alash arystary» murajaı úıi, F.Dostoevskııdiń murajaı úıi, Qońyr áýlıe úńgiri syndy baı tarıhı-mádenı muralardyń tarıhymen tanysyp, tolyqqandy aqparat aldy.
-Biz týǵan elimiz Shyǵys Qazaqstan óziniń tabıǵatymen erekshelenip, tarıhı tulǵalarǵa baı ekendigin bildik,-dedi sharaǵa qatysýshy Almıra Asýbaeva,-oblystyń rýhanı, tabıǵı jáne tarıhı jerleriniń kópshiligi Qazaqstannyń kıeli jerleriniń kartasyna engendiginen de habardar boldyq. Suraqtarymyzǵa jaýaptar alyp, «Shyǵys Qazaqstannyń kıeli jerleri» atty kitap kórmesine qoıylǵan materıaldarmen tanystyq.