Almatyda «Qaırat» fýtbol klýbynyń balalar akademııasy ashyldy. Bul jerde 8 ben 13 jas aralyǵyndaǵy balalar tálim alady.
Jaqyn arada akademııaǵa balalardy irikteý úshin ashyq esik kúnderi ótedi. Sol sııaqty klýbta balalarǵa arnap seleksııalyq tekserý júrgizý josparlanyp otyr. Osy synaqtan ótken balalar «Qaırat» akademııasynda tálim alýǵa múmkindik alady.
Akademııanyń aýmaǵynda úsh oıyn alańy ornalasqan. Sonymen birge, osy jerde qysqy manej ben sebezgi bólmeleri, oqý zaldary, eki medısınalyq qosyn, gımnastıka jáne jattyǵý zaldary bar.
Ashyq esik kúnderi 10 tamyz ben 11-ine josparlanǵan. Birinshi kúni 2001-2003 jylǵy jetkinshekter arasynda irikteý júrgizilse, ekinshi kúni 2004-2007 jylǵy baldyrǵandar arasynda seleksııalyq irikteý ótedi.